Печурки на скара

Потребно:

* 300 г шампињони
* 200 г буковка (печурки)
* 300 г домати
* 100 г чадена сланина исечена на тенки парчиња
* 8 парчиња леб
За преливот:
* 4 чешниња лук
* 80 мл маслиново масло
* 1 лажичка сува мајчина душица
* 2 лажици сок од лимон
* 2 лажици зачинал

Приготвување: маслиновото масло измешајте го со истолчениот лук, мајчината душица, сокот од лимон и зачиналот. Печурките добро измијте ги и исушете ги. На загреана решетка од скара испечете ги печурките, исечените домати, сланината и лебот. На секое парче леб ставете по едно тркалце домат, малку печурки, сланина и сето тоа прелијте го со 1-2 лажици од маринадата. Печурките на скара послужете ги со пиво.

Паста на римски начин  (или Bucatini alla Romana)

Потребни состојки:

• 320 грама тестенини (Букатини)
• 30 грама путер
• 1 главичка лук
• 100 грама димена сланина
• 2 јајца
• 80 грама пармезан
• 200 грама грашок од конзерва
• сол и бибер

Припрема:

Тестенините ги подготвуваме според упатството на пакувањето, во лонец со солена, многу топла вода. Додека се подготвуваат, во загреано тавче се става путер, го додаваме сецканиот лук, сланината исецкана на коцки,зачинуваме со сол и бибер, и на слаб оган пржиме додека состојките не омекнат.

Потоа го гасиме огнот и се заедно ставаме на страна, да се оладат лукот и сланината. Во еден сад ги матиме јајцата, го додаваме наренданиот пармезан и исцедениот грашок од конзервата, зачинуваме со бибер, и во добиениот сос ги ставаме исцедените тестенини и послужуваме.

Пријатен ручек!

**Инаку (Букатини) се слични на шпагетите, но се како цевка...со празен дел внатре!***



Изменето од ФорумскаБаба - 18.Септември.2010 во 12:53

Полнето свинско филе

Потребно:

* 450 г свинско филе
* 2 чешниња лук
* 2 лажици сечкан магдонос
* 1 јајце
* 80 г чадена сланина
* 50 г кашкавал
* 100 г мелено свинско месо
* 1 лажица зачинал

Приготвување: исчистеното свинско филе засечете го по должина, а потоа исчукајте го во голема шницла. Во меленото месо додајте ги сланината и кашкавалот исечени на коцкички, истолчениот лук, зачиналот и магдоносот, па добро измешајте го сето тоа. Распоредете го филот врз шницлата, завиткајте го во вид на ролат, а ролатот во алуминиумска фолија. Печете го околу 50 минути во рерна загреана на 180 степени.

Маринирани тиквички со моцарела

Потребно:

* 1 кг тиквички
* 4 млади кромитчиња
* 200 г моркови
* 125 г моцарела

За преливот:
* 50 мл вода
* 1 лажица балзамико оцет
* 3 лажици масло
* 2 лажички зачинал

Приготвување: тиквичките и морковите измијте ги и исечете ги на долгнавести, тенки парчиња. Исчистенотио младо кромитче исечете го на тркалца, а моцарелата на коцкички. За преливот измешајте ги зачиналот, водата и балзамико оцетот, па оставете ја смесата да отстои 10 минути. Потоа сипајте го маслото, добро измешајте ја смесата, па прелијте ја врз зеленчукот. Салатата оставете ја да се маринира 15 минути, а пред да ја послужите, врз тиквичките распоредете ја моцарелата.

Похувана шницла "слоново уво"

Потребно:

800 г свинско месо од бут
150 мл минерална вода
1 лажица зачинал
масло за пржење
За панирање:
100 г брашно
3 јајца
100 г лебни трошки

Приготвување: свинското месо исечете го на шницли, па добро исчукајте го, за секоја шницла да има размер од 20 см. Месото малу посолете го, посипете го со зачиналот и оставете го да отстои околу 2 часа во минералната вода. Шницлите исушете ги со хартиени салвети, испрпелкајте ги во брашното, изматените јајца и лебните трошки. Пржете ги во загреаното масло од секоја страна по 3 минути.

Ролат од спанаќ

Похувани филети од пастрмка

Потребно:

1 кг филети од пастрмка
2-3 лажици лимонов сок
1 лажица ситно сечкани зачински билки
масло за пржење
сол
Смеса за панирање:
50 г брашно
2 јајца
50 г рендан ементалер
50 г трошки

Приготвување: филетите измијте ги и исушете ги со хартиена салфета. Испрскајте ги со лимоновиот сок, посипете ги со ситно сечканите зачински билки и со сол, па оставете ги да отстојат околу 20 минути на ладно место. Маринираните филети испрпелкајте ги во брашното, потопете ги во изматените јајца и испрпелкајте ги во трошките измешани со ренданиот ементалер. Пржете ги во загреано поголемо количество масло од секоја страна по околу три минути.