Потона брод во Охридско езеро

Екипажот на „Илинден“ во притвор

Истражен судија од Основниот суд во Охрид синоќа околу 23 часот му одреди мерка притвор во рок од 30 дена на капетанот на бродот „Илинден“ Сотир Филески.

МВР поднесе кривична пријава Против Филески поради основано сомнение дека е сторител на кривично дело „загрозување на безбедноста на лицата и имотот во сообраќајот“.

Истражниот судија го ослободи неговиот помошник, Влатко Јустинијаноски кој вчера заедно со Филески беше приведен од страна на Охридската полиција.

Инаку, Министерството за транспорт и врски најави дека ќе ангажира експерти по пловидба од Хрватска и Бугарија кои ќе работат на утврдување на околностите и причините поради кои дојде до несреќата во Охридското Езеро во која животот го загубија 15 лица.