Египетскиот хороскоп е поделен на дванаесет знаци и со секој од нив владее едно божество. Дендеровиот зодијак всушност е создаден за време на династијата Птоломеј под влијание на грчката култура. Единствениот оригинален Дендеров зодијак е пронајден од страна на француските војници во близина на храмот Хатор. Во египетскиот хороскоп постојат 12 соѕвездија, и секое од нив е поделено на три периоди од 10 дена. Секој период од 10 дена претставува една голема ѕвезда.

Врз основа на датумот на раѓање лесно ќе откриете кое божество ве заштитува вас:

Нил: 1.1. – 7.1., 19.6. – 28.6., 1.9. – 7.9., 18.11. – 26.11

Амон Ра oд 8.1. дo 21.1., oд 1.2. дo 11.2.

Мут oд 22.1. дo 31.1., oд 8.9. дo 22.9.

Геб oд 12.2. дo 29.2., oд 20.8. дo 31.8.

Озирис oд 1.3. дo 10.3., oд 27.11. дo 18.12.

Изида oд 11.3. дo 31.3., oд 18.10 дo 29.10., oд 19.12. дo 31.12.

Тот oд 1.4. дo 19.4., oд 8.11. дo 17.11.

Хорус oд 20.4. дo 7.5., oд 12.8. дo 19.8.

Анубис oд 8.5. дo 27.5., oд 29.6. дo 13.7.

Сет oд 28.5. дo 18.6., oд 28.9. дo 2.10.

Бастет oд 14.7. дo 28.7., oд 23.9. дo 27.9., oд 3.10. дo 17.10.

Секмет oд 29.7. дo 11.8., oд 30.10. дo 7.11.

Нил

Oва е единствениот знак кој не е бог во традиционалниот египетски хороскоп. Родените во овој знак се мирољубиви, префинети, страствени, импулсивни и харизматични. Овие луѓе создаваат, а не набљудуваат. Чувствителни се во поглед на богатствата кои и ги носат на својата околина. Воедно се склони кон промени на расположението во текот на денот, и општо во животот.

Клучни квалитети: хуманост, префинетост, систематичност, љубов кон науката, толерантност, смисла за хумор, емоционалност, креативност

Свето животно: антилопа

Боја: бела

Амон Ра

Ра е главен бог во Египет. Неговиот соларен култ дава светлина на целата египетска земја, тој е божеството кое се одвојува од првобитното и создава потполно нов живот. Ра претставува симбол за сила и луксуз. Според египетските верувања Ра поседува моќ да го оплоди кое било земјиште. За лицата родени во знакот на Ра, се верува дека имаат големо срце, зрачат со енергија и лесно ќе ја го пронајдат патот кој води до големите можности. Ра на човекот му дава говор, а на детето во мајчината утроба живот. Родените во знакот на Ра никогаш нема да имаат оскуден живот, нивниот дух е желен за истражување и талкање. Сепак, може да ве разочара што овие лица не се многу емоционално поврзани со околината.

Клучни квалитети: креативност, сила, рамнотежа, мудрост, лидерство, авторитет, доверба

Свето животно: овен (како и лав и бик)

Боја: црвена (како и нијанси на зелена и сина)

Мут

Мут е едно од најстарите египетски божества. Во присуство на оваа божица човек се раѓа со чувство дека неговиот живот мора да биде без вина, во смисла на мистичните паралели помеѓу животот и смртта. Лицата родени во знакот на Мут се таинствени и склони кон меланхолија. Знаат да бидат полни со иронија, фрустрирани поради својата срамежливост, но сепак имаат огромно внатрешно богатство и знаат како да стигнат до целта со помош на своите контакти. Строги се, одлучни и многу ретко романтични. Поседуваат очигледна мудрост, а нивната надеж на другите им изгледа инспиративно. Тоа што го бараат од другите е добра волја.

Клучни квалитети: посветеност, внатрешно богатство, заштита, смиреност, самоувереност, способност да се поврзат со другите.

Свето животно: крава, мачка

Боја: бела

Геб

Геб е симбол за земјата и сè што земјата ни дава. Геб е роден во влажните и дождливи денови. Како чувар на животот, Геб има позитивни квалитети, како и способност да поднесе тешки животни удари. Како симбол на меморијата, за поголем дел од лицата родени во овој знак, се предвидува кариера во правецот на администрацијата, психологијата, или пак работата како советник или писател. Овие лица се атрактивни и ги забележуваат впечатливите нешта. Скромноста и способноста да сочувствуваат понекогаш може да им биде и мана, но нивната сила е во тоа што имаат способност да ги поднесат и најтешките удари кои ќе им ги приреди животот. Родените во знакот на Геб се чувствителни, но лесно застануваат на нозе поради големата самодоверба која ја имаат.

Клучни квалитети: рамнотежа, смиреност, гордост, самодоверба

Свето животно: гуска

Боја: зелена и кафеава

Озирис

Со помош на Изида, неговата жена и сестра, Озирис на луѓето им дава упаства за обработување на земјата. Како симбол на континуитетот, овој бог е жртва на постојаната љубомора кон својот брат Сет. Озирис го убива својот брат Сет, а потоа ја воскреснува својата жена Изида. Тој оди во подземниот свет и се враќа. Озирис е симбол за подмладувањето и новите почетоци. Лицата родени во овој знак се великодушни и посветени на саканите, а нивната кариера се стреми кон говорник или организатор. Овие лица поседуваат и изразена интуиција. Воедно се жестоки, но и ранливи во случај на конфликт, а кога се соочуваат со дилема секогаш се прашуваат дали го одбрале вистинскиот момент за акција.

Клучни квалитети: сила, стабилност, обновување, праведност, милост, мудрост, љубов кон законите, љубов кон науката и уметноста

Свето животно: бик, птица

Боја: црна, зелена, бела

Изида

Изида е главна божица во древната египетска религија. Изида е божица на мајчинството, љубовта, магијата и медицината. Во животот на лицата родени во овој знак владее исклучиво љубовта. Овие луѓе се среќни, амбициозни, и енергични. Никогаш не остануваат на едно место и секогаш се во потрага по нешто подобро и ново. Често знаат да бидат горди на самите себе, а добиваат и голема поддршка од мајката, браќата и сестрите. Иако ја сакаат солидарноста и единството, и уживаат во помагање на семејството и пријателите. понекогаш одат до таму што би си го загрозиле сопствениот живот за да им помогнат на другите. Отворени се кон другите, но често знаат да се најдат во ситуација во која се разочаруваат и повредуваат од другите.

Клучни квалитети: Активност, самоувереност, угледност, почит, едноставност, идеалисти, искреност

Свето животно: Овен

Боја: Црвено, портокалова, златна

Тот

Тот им дава на луѓето генијални идеи и инспирација. Лицата родени во овој знак се остроумни, лукави и нетрпеливи. Тие воедно се големи ентузијасти, кои никогаш не ја сакаат просечноста и пакоста. Тот по природа е шармантен, мудар, снаодлив и има исклучителна меморија. Родените во овој знак поседуваат храброст и сакаат да ризикуваат. За Тот се смета дека е незамисливо да го погази својот збор и да измами некого. Повеќе родени во овој знак имаат склоност кон книжевност, а често се занимаваат и со просветна дејност. Имаат тенденција да се дружат со лица кои ја поседуваат истата сила и волја, и кои имаат слични професии.

Клучни квалитети: мудрост, снаодливост, ентузијазам, храброст, острумност, скромност и желба да помагаат

Свето животно: Мајмун

Боја: небесно сина

Хорус

Правдата во светот на древните египјани се обликува со помош на Хорус. Овој осветољубив бог, син на Изида и Озирис, влегол во легендарда борба со Сет. Хорус е бог прица и поседува квалитети како просветителство и мир, а воедно е заштитник на небото и ѕвездите. Лицата родени во знакот на Хорус се движат низ животот со неверојатна сила и волја. Хорусовата интелегенција и желба за постојано учење ги води припадниците на овој знак на патот кон разбирање и разоткривање на важните нешта во животот. Тие поседуваат психичка рамнотежа, поради склопот на татковата мажественост и доприносот на мајката. Хорус, воедно им овозможува да се препуштаат на своите мисли и фантазии. Овие луѓе имаат бујна имагинација и ја сакаат природата.

Клучни квалитети: Храброст, харизматичност, интензивност, силна волја, интелигентност, разбирање, нетрпеливост, одмаздољубивост и влијателност

Свето животно: сокол, мечка, лав

Боја: црвена

Анубис

Анубис е бог на подземјето. За Анубис, богот со лице на пес, се смета дека ја пронашол и проширил техниката на балсамирање на мртвите. Овој бог ја симболизира смртта и талкањето на покојникот додека не го убеди Секмент да ја отвори вратата во долината на безсмртноста. Лицата родени во овој знак се паметни и полни со сочувство, но во себе имаат и темна страна. Нивните длабоки страдања понекогаш можат да изградат ѕид кој повремено ја ограничува нивната љубовна иницијатива. Овие лица зрачат со својата личност, свесно се противат на другите и секогаш се подготвени да најдат нови решенија во секој сегмент од животот. уживаат во црн хумор, ја сакаат самотијата, но истовремено се многу емотивни и чувствителни.

Клучни квалитети: заштита, сила, комфор, праведност, лукавост, ум, разбирање и истрајност.

Свето животно: шакал, пес

Боја: црна

Сет

Сет е бог на бурата, хаосот, војната и нередот. Луѓето родени во овој знак се амбициозни, иновативни, секогаш бараат промени и нови возбудливи нешта. Имаат потреба да доживеат многу авантури пред да ги задоволат своите внатрешни желби. Многу лесно и едноставно учат на своите грешки и поседуваат неверојатна упорност кога станува збор за предизвици, бидејќи сет е најупорниот знак во Египетскиот хороскоп. Суштината на Сет е метаморфоза, а родените во овој знак се во состојба да примат неограничено многу знаење. Овие лица се бунтовници кои не сакаат ограничувања.

Клучни квалитети: безстрашност, бунтовност, неконвенционалност, рамнотежа, недоразбирања и предизвици.

Свето животно: Орел

Боја: Боја на песок

Бастет

Бастет е божица со тело на жена и лице на мачка, во Египетската религија се појавува доцна, иако мачката е праисториски симбол во оваа религија. Бастет е воедно божица на љубовта и музиката. Бастет е фасцинација која произлегува од забранетото место. Лицата родени во овој знак ја бараат рамнотежата и хармонијата во односите со другите. Тие знаат како да ги заштитат и како да им се посветат на своите најмили, а при тоа повремено занемарувајќи ги своите интереси. Поседуваат внатрешна сила и двигателност која им помага да ги препознаат своите скриени непријатели и да триумфираат над нив. Родените во овој знак поседуваат шарм, харизма и се успешни.

Клучни квалитети: Мајчинство, заштита, сложност, тактика, внимателност, грациозност, двигателност, свесност, преданост, пријатност и суптилност.

Свето животно: мачка

Боја: Црвена, зелена и сина

Секмет

Секмет е поларна божица која ја преставува војната и насилството. Кај лицата родени во знакот на Секмет не може да се препознае сочувство или сомнеж. Овие лица се внимателни, интуитивни, авторитативни и ретко се задоволни со себе. Поседуваат чувство за морал и се склони кон критика и жалост, и покрај своите тајни желби и чувства. Бараат многу од луѓето околу себе, но и од самите себе. Имаат тенденција да бидат горделиви.

Клучни квалитети: моралност, внимателност, авторитативност, принципијалност, креативност, заштита, одмаздољубивост и сила

Свето животно: Лав

Боја: Црвена

Некои оваа зима ги очекува голема љубов која ќе ги излуди, некои пак, посакуваат малку одмор, а другите се подготвени за нови предизвици и успеси како на личен, така и на професионален план.

Дознајте што ве очекува оваа зима:

Овен

Пред нас е уште една зима во која Овните ќе се учат на трпение. Можеби понекогаш тоа ќе ви оди тешко и бргу ќе избувнувате, но и од лошите работи се учи. Многу ќе ви значат признанијата и комплиментите од другите, бидејќи тие ви се најважното огледало во животот. Негативните коментари можат да ве исфрлат од колосек, но ѕвездите ќе ви шепнат да не се предавате и откажувате. Навремената подготовка може да ви донесе нови победи уште во првите денови од зимата. Интуицијата ќе ви биде изразена повеќе од вообичаено, и вашата животна филозофија ќе ја ставите на испит, бидејќи ве очекуваат големи животни промени.

Бик

Уште самиот почеток на зимата ќе му започне работно на овој земјен знак, но подоцна ќе се посвети на дружењето и забавата. На полето на љубовта кое е доста изразено кај Биковите, зимата може да донесе нова голема љубовна приказна. Може да се случи толку силно да се заљубат што ќе ја изгубат главата, бидејќи ќе ја сретнат личноста која е фатална за нив. Тука само Сатурн може да ја доведе ситуацијата во баланс и да не се претераат со нешто што и не е така силно. Дружењето е доста важно за сите Бикови оваа зима.

Близнаци

Зимата ќе биде малку лош период за вас. Сите оние шеги и приказни повеќе нема да им бидат привлечни на луѓето од вашето опкружување. Потребно ви е големо друштво, но некако сè ви се чини како да нема ништо ново. Сепак ќе знаете дека не сте сосема сами и дека можете да очекувате поддршка од партнерот. Нема да ви држи место и ќе морате да си најдете некое ново хоби сè додека не видите до каде води тоа. Можеби ќе ви помогне да откриете нешто ново за себеси. Насмевнете се и ве очекуваат позитивни работи во животот.

Рак

Ќе имате впечаток дека негативните вибрации ви доаѓаат од партнерот и дека тоа се рефлектира на вашето професионално поле. Морате да научите да се носите со предизвиците и да сфатите дека не треба да се преиспитувате, туку со некои работи едноставно да се помирите. Имате одлични идеи како можете да го искористите зимскиот период. Внимавајте на млада машка личност која може да направи лоша атмосфера во вашиот дом со своите постапки. Внимавајте и на здравјето на вашите родители.

Лав

Ве очекува период на силни љубовни врски. Прво ќе се заљубите, а потоа ќе започнете да работите со полна пареа на професионален план. Секако, ќе имате прилика убаво да си поминете за време на новогодишните празници и тоа на величествен начин, онака како што умеете. Самиот почеток на годината ќе ви донесе повеќе пари. Морате да се чувате од изливи на бес од една машка личност. Можно е ненадејно патување. Така е најдобро, бидејќи плановите не ви носат ништо посебно.

Девица

Ќе бидете доста среќни на полето на финансиите. Добивката на тоа поле е неминовна. Ќе имате брилијантни идеи и вашиот остар ум може да ве доведе до голем успех на професионален план, посебно ако имате приватен бизнис. Ќе имате доста изненадувања од страна на партнерот. Ваша одлична особина ќе е тоа што страствено ги завршувате работите без некој да ви спомнува било какви рокови. Тоа е вашата тајна која другите се обидуваат да ја копираат.

Вага

Во текот на зимскиот период ќе ве мачи „гладот“ на повеќе начини, не само што ќе сакате повеќе да уживате во храната, туку и ќе имате пориви да заработувате повеќе. Ова второво поле ќе биде нагласено и понатаму. Добар совет е да се откажете од првото поле, бидејќи можете да накачите некој килограм повеќе. Свеста ви е насочена кон претприемништвото и добро е да ги искористите сите можности кои ќе бидат поволни за вас. Постојат работи кои долго време сте ги очекувале, па сега ќе дојдете до одлични идеи како да ги остварите вашите желби.

Скорпија

Вашиот знак го очекуваат доста предизвици. Ќе имате енергија повеќе од вообичаено, па добро е да пробате некој зимски спорт. Ќе бидете неодоливи на спротивниот пол. Можно е да имате тајна љубовна врска. Ќе ве опседнат мисли во врска со некоја личност од соседството или некоја ваша блиска личност. Ве очекуваат и мали проблеми со финансиите, бидејќи Сатурн ќе ви дава таква енергија на полето на парите. Сè ќе помине и ќе научите како да се носите со оваа енергија. Ќе поминувате повеќе време со блиските, бидејќи сте заштитнички настроени и се грижите сè да биде во ред.

Стрелец

Ќе се послужите со вашата интуиција за да заработите повеќе пари. Понекогаш ви се чини како да не поминувате низ добар период, но веднаш потоа ви се враќа оптимистичкиот дух како на ниту еден друг знак од Зодијакот. Ѕвездите посочуваат на можни тајни непријатели кои го сакаат вашиот дел од колачот. Љубоморните противници ќе се обидат да се надмудруваат со вас, но сфатете ги само како уште еден предизвик.

Јарец

Од јануари ќе посакате да ги завршите старите и недовршени работи во вашиот живот. Ќе имате позитивна енергија и повеќе елан и оптимизам од вообичаено. Искористете го тоа на продуктивен начин и лесно ќе ги намалите тензиите во вашето опкружување. Тема кои најмногу ќе ве интересира се парите од кои можете да добиете големо задоволство. Внимавајте на вашето здравје. Сите одлуки кои ќе ги донесете овој период зависат исклучиво од вас.

Водолија

Она што е актуелно кај вас е можноста да стекнете пари преку пријателските врски и честото дружење. Можете да имате поддршка од вашите надредени и да бидете успешни на професионален план. Колегите ќе ви пренесат вештини кои ќе ви помогнат да ја добиете позицијата која ја посакувате. Потрудете се и тоа да го постигнете, бидејќи секоја одлука не зависи од некој друг, туку исклучиво од вас самите. Љубовта малку подоцна доаѓа на ред во вашиот живот.

Риби

Знакот на најголеми тајни ќе мора да почека за важните работи, а моментално може малку да се одмори за да дојде до големи победи. Можно е да дојдете до пари кои ќе ги заработите од странство. Нема да имате недостаток од нив, но важно ви е да направите добар план и да дојдете до конкретен успех.