Педофилија и инцест во семејството

Молк во интернатското училиште каде двете сестрички учеле и живееле во текот на целата недела до викендот. Никој од училиштето не сакаше да зборува пред камера ниту пак да се снима зградата. Велат така ќе се заштителе децата жртви. Зад камера пак велат дека последните три месеци додека траело сексуалното и физичкото злоставување на девојчињата не забележале промени кај нив. Како и секогаш биле тивки и мирни. Тортурата ја пријавила помалата сестричка. За откривањето на случајот велат таткото силувач своите ќерки ги донел во вторник на училиште откако претходно викендот и цела недела отсуствувале од интернатот.

Соседите кои живеат во овие социјални бараки не го познавале таткото монструм. Велат дека тука престојувал на диво последните неколку месеци. Во руинираните соби полни со влага постојано доаѓале сомнителни луѓе велат жителите.

Како е можно меѓуопштинскиот центар за социјални работи да дозволи децата да го минуваат слободното време со татко алкохоличар, осомничен за 10-тина кривични дела остро реагираше првата детска амбасада Меѓаши Центрите треба да бидат мобилни и континуирано да ги следат ризичните семејства е барањето на Меѓаши.

Од Министерството за труд и социјала дури сега ќе поведуваат постапка за одземање на родителското право.

Која институција направила пропуст, можело ли порано да се открие. Од труд и социјала за најодговорно го сметаат училиштето

Од Министерството за образование го осудија настанот но застанаа зад училиштето и директорката.

Мајка со блага ретардација која неможејки да ги истрпи малтретирањата избегала оставајќи ги децата со изопачениот татко алкохоличар со последици од воениот конфликт во 2001. Дисфункционално семејство на маргините на општеството велат социолозите. За жал кај децата ќе останат трајни нарушувања.