Вторник, 28 Август 2012 20:50

Македонија

Граѓанска иницијатива, до владата на ВМРО-ДПМНЕ и ДУИ за предлог закон за воздух.

Иронија на се' она што им се случува на македонските граѓани, погледнете го предлог законот на македонската фејсбук заедница.

Прв дел

1. Општа одредба

Член 1.

Со овој закон се уредува начинот на оданочување на воздухот кој се диши во Република Македонија.

2. Дефиниции

Под воздух се подразбира се она што го вдишува секој граѓанин на Република Македонија а кое до 2006-та година беше лошо а оттогаш па натаму е многу подобро.

3. Данок на воздух

Данок на воздух се плаќа за секој воздух кој се вдишува освен доколку некој воздух е ослободен од плаќање на данок со друг закон. А, не е.

4. Даночен обврзник

Даночен обврзник е секој граѓанин на Република Македонија кој дише.

5. Даночна основа

Основа на данокот на воздух претставува пазарната вредност на воздухот која ја определува државната инспекција за воздух.

6. Даночни стапки

Стапките на данокот на воздух се определуваат според чистотата на воздухот во општините.

Општините Берово и Крушево ќе плаќаат највисок данок, односно 5% од капацитетот на белите дробови на секој жител на годишно ниво.

Жителите на Општина Кратово ќе плаќаат данок колку што ќе побара кметот. Може и со бонови.

Жителите на Општина Охрид ќе плаќаат данок само во рамките на општината до рампите кои ќе ги постави градоначалникот за да не му идат од други општини.

Жителите на Западна Македонија нема да плаќаат данок оти така им се сака.

На жителите на Општина Центар ќе им се плаќа надоместок за тоа што го дишат, но не повеќе од вредноста на секој 150-ти споменик кој ќе се постави во нивната општина.

Кај да е ќе пркне и ова законче... гарантирам

ПЕРО АНТИЌ, ТОДОР ГЕЧЕВСКИ И ВЛАДО ИЛИЕВСКИ СЕ ПОВЛЕКОА ОД КОШАРКАРСКАТА РЕПРЕЗЕНТАЦИЈА

Се распаѓа триумфиралниот тим

http://www.vest.com.mk/?ItemID=C5BB7497EC37324A9F398A53C9AFD78B