ДНЕВНО - политички случувања

  

Градоначалникот
на албанскиот град Химара и еден од лидерите на движењето „Омонија“
побара независност на Ворио Епир (јужна Албанија), регион населен со
грчко малцинство.

Болано оваа изјава синоќа ја даде за неколку албански медиуми, меѓу кои и за тиранската телевизија „TV News 24“.

„Ова
барање на организацијата на Грците во Албанија „Омонија“ не е ништо
повеќе од она што го бараат Албанците на Косово“, изјави Болано.

Тој
смета дека секоја област во која живее малцинство има право на
самоопределување на својата територија, што во случајот е Ворио Епир,
како што ја нарекуваат Грците територијата во јужна Албанија.

„Тоа е во интерес на Балканот и на Грчкото малцинство во Албанија“, изјави Болано.

Изјавата
на градоначалникот на Химара, остро е критикувана од албанските
политичари и медиуми, со оценка дека станува збор за сепаратистичка
изјава.

Социјалистичкото движење за интеграција на Илир Мета
реагираше синоќа по повод изјавите на градоначалникот на албанскиот
град Химара Васил Волано.

Секретарот на партијата Едмонд
Хаџинасто изјави дека „тие ставови се погрешен приод да се направи
паралела меѓу геноцидот на Косово и јужна Албанија“.

„Провокациите
и болните желби на Болано како личност, не заслужуваат ни најмало
внимание оти се архаично-националистички што е во спротивност на духот
на европска интеграција на Албанија и на целиот регион“, нагласи
Хаџинасто.

 А1