ФОТО: Ирина Шајк за „Glamour“ Русија

Ирина Шајк неодамна ја прими наградата „Жена на годината“ која ја доделува „Glamour“ Русија, па нималку не е чудно што нејзиното лице ѕирка од корицата на декемвриското издание на списанието.

Облечена во креации од Valentino, Dolce & Gabbana, Versus Versace и Blumarine, атрактивната Русинка позираше за фотографот Жил Бенсимон.

Во интервју за списанието, Ирина открила дека не практикува строги диети за одржување на фигурата. „Јас не држам диети – прво затоа што не верувам во нив, а второ зашто обожавам да јадам. Верувам во баланс помеѓу јадењето и физичката активност. Често спортувам, неодамна ме привлече боксот. Боксувањето ми помага и да се ослободам од негативната енергија“ – рекла таа.

ФОТО: Ирина Шајк во празничната колекција на „Bebe“

Наближувањето на празничната сезона носи нова модна треска. Брендот „Bebe“ го подготви својот свечен каталог со креации наменети за претстојните прослави.

Ирина Шајк е главниот лик на промотивните фотографии со зимска тематика, зад кои стои реномираниот фотограф Мариано Виванко. Покрај атрактивната Русинка позира и Арленис Соса.

Привлечните модели ги претставија елегантните комбинации кои се темелат на минимален гламур и сексапил, а кои ги осмисли стилистот Сајмон Робинс.