За некои луѓе тортата не е торта ако не е чоколадна. Ви ја претставуваме најчоколадната торта.
Состојки:
За кора:
- 2 јајца
- 2 лажици брашно
- 2 лажици шеќер
- 2 лажици какао
- ½ вреќичка прашак за пециво
За фил:
- 2 чоколадни пудинга
- 400 мл млеко
- 400 мл слатка павлака
- 150 г. млечна чоколада
- 6 лажици шеќер
За прелив:
- 1 дл слатка павлака
- 100 г. млечна чоколада
Подготовка:
Јајцата и шеќерот изматете ги, додадете брашно измешано со прашок за пециво и на крај лажица какао.
Смесата ставете ја во намачкан плех обложен со хартија за печење. Печете во загреана рерна на 200 степени околу 15 минути. Проверите со чепкалка дали кората е печена.
Печената кора извадете ја од рерна и кога ќе се олади малку прелијте ја со чоколадно млеко, и оставете ја да се стврдне. Пудингот згответе го со шеќер и млеко на вообичаен начин и оставете го да се олади. Слатката павлака изматете ја и помешајте ја со оладениот пудин и се измиксајте со миксер.
50г чоколадо изрендајте ги и измешајте ги во фил. 100 г. чоколадо стопете ги и полека ставајте во филот додека мешате со миксер се додека убаво не се соедини. Смесата ставете ја врз испечената кора и рамномерно распоредете ја.
Чоколадот и павлаката ставете ги во тава на лесен оган, и гответе мешајќи додека чоколадото не се стопи. Тргнете го од оганот и оставете малку да се олади а потоа ставете го преку тортата. Оставете ја тортата да се стегне неколку саати. Потоа тргнете го обрачот, сечете и послужете.
Јакиот човек има само една слаба страна-жената што ја сака!
Ова се наши три предлога за кои ќе ви бидат потребни само 15 минути. Испробајте ги уште денес!
Кога температурите ќе се приближат до 30-тиот Целзиусов степен, на никому не му паѓа на памет да се занимава со долго готвење и подготвување на храна. Но, тоа не значи дека не треба да подготвите и едноставни десерти кои ќе ве освежат и разладат на овие високи температури.
Ова се наши три предлога за кои ќе ви бидат потребни само 15-тина минути, а верувајте ни дека за да ги изедете ќе ви биде потребно многу пократко време!
Тирамису
Состојки:
● 4 жолчки
● 100гр шеќер во прав
● 500гр меко сирење (маскарпоне би било идеално)
● 250мл слатка павлака
● 2 поголеми пакувања пишкоти
● 2.5дл варено погусто црно кафе
● малку рум
● 100гр какао во прав
Подготовка:
Сматете ги жолчките со шеќерот во прав и гответе на пареа додека смесата да се згусне. Кога смесата ќе се олади додадете го сирењето и повторно матете. Посебно сматете слатка павлака, па кон тоа додадете ја и претходно направената смеса и повторно матете со миксер.
Пишкотите натопете ги во процеденото црно кафе во кое претходно сте го додале румот и наредете ги на тацна. Над нив ставете го филот, па повторно натопени пишкоти и остатокот од филот. На крајот наросете какао во прав.
Овошје во чаша
Состојки:
● ½л слатка павлака
● 150гр боровинки
● 150гр капини
● 150гр малини
● 200мл јогурт
● ½ кафена лажичка цимет
● 1 кафена лажичка издробени ливчиња од лаванда
Подготовка:
Сматете ја слатката павлака и додадете го претходно измиеното овошје, јогуртот, циметот и листовите од лаванда. Сето тоа убаво да се измеша и да се стави во замрзнувач. Украсете по желба.
Чоко кремасти залчиња
Состојки:
● пакување готови кори од чоколадо
● кесичка шлаг со вкус по избор
● два реда чоколадо за готвење
● лажица вода или млеко
Подготовка:
Готовите кори исечете ги на ситни парчиња, а ако имате и некаков калап може да ги обликувате. Сматете го кремот според упатството, а над тоа премачкајте со растопено чоколадо. Ставете во фрижидер да се излади.
Добар апетит!
Јакиот човек има само една слаба страна-жената што ја сака!
Подготовка: Се матат белките со шеќерот да се направи цврст снег се додава останатото (сецканите лешници, урми, брашното, двете лажици од филот…). Се пече на хартија во плех од шпорет. Се сече на три ленти и филува. Фил: Млекото се вари со пудинзите и шеќерот и се остава на страна да се лади. Путерот се мати пенесто без шеќер се додаваат жолчките, се мати се пенасто, се меша со пудинзите и на крај се додава оладениот црн фил т.е чоколадото. Се филува кора, фил, кора, кора од марципан, фил, кора и потоа целата торта се премачкува со хопла или доколку сакате да е целата чоколадна се прелива со стопено чоколадо.c
Јакиот човек има само една слаба страна-жената што ја сака!
1. Белките изматете ги во цврст снег, а потоа додавајте постепено 6 лажици шеќер и матете додека да се стопи шеќерот. Потоа додадете брашно и полека измешајте.
2. Калапот за торта обложете го со хартија за печење и сипете ја во него подготвената смеса за кора. Печете во загреана рерна на 175 С додека да поцрвени.
3. Печената кора додека е се уште топла прелијте ја со ладно млеко и оставете да впие.
Фил:
1. Соединете ги жолчките со 6 лажици шеќер и варете ја мешавината на пареа додека да се згусти. Потоа оставете да се олади, па додадете го маргаринот и изматете со миксер. Добиената смеса поделете ја на два дела.
2. Во помало тенџере сипете 2,5дл млеко, додадете 3 лажици шеќер и гответе додека да зоврие. Посебно изматете 0,5дл млеко со пудингот од ванила, па додадете го во млекото што врие и варете додека да се згусти. Во изладениот пудинг додадете половина од кремот со жолчки и изматете со миксер.
3. Во друго тенџере сипете 2,5дл млеко, додадете 1 лажица шеќер и варете додека да зоврие. Пудингот од чоколадо разматете го со 0,5дл млеко, па сипете го во млекото кое врие и варете додека да се згусти. Во топлиот пудинг додадете искршено чоколадо и мешајте додека да се растопи. Во добиената смеса додадете ја другата половина од филот од жолчки и изматете ги со миксер.
4. Изладената кора премачкајте ја со филот од ванила, потоа нанесете го филот од чоколадо и на крај украсете со шлаг од слатка павлака.
Јакиот човек има само една слаба страна-жената што ја сака!
Лесна торта со јагоди и јогурт готова за половина час
Летните горештини се приближуваат и токму поради тоа потребно ни е благо кое ќе не освежи. Оваа торта е едноставна, во која може да експериментирате и наместо јагоди да го ставете кое било овошје.
Потребни состојки:
300гр, бисквити
9 лажички шеќер во прав
0.5л јогурт
500гр јагоди (овошје по ваш вкус)
3 кесички шлаг
450мл млеко
Најпрво искршете ги бисквитите и одделно измешајте ги шеќерот и јогуртот, а потоа прелијте ги бисквитите и обликувајте ја тортата по ваша желба.
За припрема на филот, изматете го шлагот со ладно млеко и поделете го на два дела. Во едната половина од изматениот шлаг додадете ситно исечкани јагоди и премачкајте ја тортата. Со остатокот од шлагот украсете ја тортата. Јагодите можете да ги замените со праски, банани, киви.
Јакиот човек има само една слаба страна-жената што ја сака!
200 гр чоколада за готвење (бела или црна, по избор)
200 гр бисквити
1 маргарин
Шербет:
2 чаши шеќер
1 чаша вода
Подготовка:
Изрендајте ја чоколадата на ренде. Земете една кора и попрскајте ја со малку масло. Превиткајте ја на половина и на дното од кората ставете малку рендана чоколада, потоа бисквити (мелени или кршени). Изролајте ја кората и ставете ја во подмачкан плех. На овој начин изролајте ги сите кори. Стопете го маргаринот. Пред печењето исечете ја баклавата и прелијте ја со стопениот мргарин. Баклавата печете ја околу 15 минути. Сварете го шербетот и прелијте ја баклавата. Едното треба да е топло а другото ладно. Најдобро е прво да го сварите шербетот, бидејќи тој побрзо се лади, па се прелива баклавата веднаш штом се испече.
Добар апетит!
Јакиот човек има само една слаба страна-жената што ја сака!
Изматете ги состојките за кората, ставете ги во правоаголен плех и печете ги во загреана рерна на 200 степени околу 20 минути. Кората изладете ја и исечете ја на четири еднакви делови. Во сад ставете ги жолчките и јајцето, додадете 80мл млеко и варете на пареа додека не се згуснат. Оставете да се излади. Измешајте го пудингот со малку млеко, а преостанатото млеко варете го со шеќерот додека не се згусне. Пудингот оставете го да се излади. Соединете го изладениот пудинг и жолчките, изматете, а потоа додадете го и пенасто изматениот путер.
Соединете го филот и поделете го на три еднакви делови. Во првиот дел додадете го стопеното чоколадо, во вториот мелените лешници а третиот дел оставете го таков каков што е.
Првата кора премачкајте ја со чоколаден фил, преклопете ја со втората кора, премачкајте со филот од лешник, а потоа ставете ја третата кора и премачкајте со преостанатиот бел фил. Поклопете ја тортата со преостанатата кора, премачкајте ја со глазурата од чоколадо и декорирајте со шлаг.Оставете ја на ладно место.
Јакиот човек има само една слаба страна-жената што ја сака!
Непечениот чизкејк со Нутела е рецепт наменет за сите оние кои сакаат да вкусат малку поинаква варијанта на овој десерт, како и за оние кои воопшто не се љубители на крем сирењето. Ако досега имавте било какви предрасуди за чизкејковите, следната комбинација ќе ви го смени мислењето.
Потребни состојки:
250 гр крекери
75 гр растопен несолен путер
400 гр Нутела на собна температура
100 гр дробени печени лешници
500 гр крем сирење на собна температура
60 гр шеќер во прав
Начин на подготовка:
Измелете ги крекерите и потоа во нив додадете го растопениот путер заедно со една лажица Нутела и три лажици од дробените лешници. Кога ќе добиете хомогена смеса убаво натапкајте ја во плех со дијаметар од 23 см и оставете ја во фрижидерот малку да се излади.
Откако ќе го наравите тоа, пристапете кон следниот чекор, односно кон подготовката на филот. Со помош на миксер убаво изматете ги крем сирењето и шеќерот во прав, а потоа додадете ја и преостанатата Нутела.
Филот ставете го врз претходно подготвената кора која во меѓувреме сте ја извадиле од фрижидерот и на крајот наредете ги дробените лешници. Оставете го чизкејкот во ладно најмалку 3 часа за да добиете што поцврст крем.
Јакиот човек има само една слаба страна-жената што ја сака!
Скоро и да не постои човек кој барем неколкупати во неделата не посакал да „грицне“ нешто благо по дома. Наместо да купувате чоколади и слични благи грицки, решивме да ви понудиме вкусен и домашен рецепт кој ќе ги задоволи вашите апетити.
Потребни состојки:
1 кг. остро брашно
350 гр. путер
2 јајца
3 жолчки
150 гр. шеќер
рендана кора од 1 лимон
малку млеко
150 гр ореви
шеќер во прав
Подготовка:
Се матат пет жолчки со 80 гр. шеќер. Путерот се замесува со брашното и се соединува со жолчките. По потреба се додава малку млеко за да се добие цврсто тесто. Со сукало се развлекува кора и се прават форми по желба и секоја се натопува во белка, па во мешавина од шеќер и сечкани ореви. Гурабиите се редат во неподмачкан плех и се печат на температура од 50 степени додека не зацрвенат. Откако ќе ги извадите посипете ги со шеќер во прав.
Пријатен апетит!
Јакиот човек има само една слаба страна-жената што ја сака!
Подготовка: 1. Во длабок сад измешајте ги павлаката, шеќерот и ванилата. Се заедно измиксирајте додека не добиете кремаста смеса (3-4 минути) 2. Во смесата додадете ја Нутелата и полека мешајте со лажица се додека во потполност не се соединат. 3. Во калап наредете ги бисквитите , така да го покријат дното на садот. Доколку е потребно, кршете парчиња со цел да се покрие дното. 4. Над бисквитите нанесете го кремот во дебел слој и рамномерно распоредете го. Додадете ги исечканите јагоди. 5. Врз кремот наредете уште еден слој бисквити па врз нив повторно рамномерно распоредете ја миксираната смеса. 6. Садот покријте го со фолија и оставете го да преноќи во фрижидер. 7. Исечете го колачот на коцки или триаголници. Совет:
Рецептот е за сад со големина од 20 сантиметри, па би требало да добиете три слоја бисквити и три слоја крем.
Јакиот човек има само една слаба страна-жената што ја сака!
за тесто • 120 гр путер или маргарин • 60 гр шеќер • 1 ванилин шеќер • 2 јајца • 240 гр брашно • прашок за пециво • малку сол • малку изрендана кора од лимон
за фил • 500 гр кајсии • 4 лажици мармалад од кајсии • 2 големи лажици вода
Подготовка Чекор 1: загрејте ја рерната на темература од 180℃. Измешајте ги сите состојки за тестото. Од тестото направете топка, замотајте ја во проѕирна фолија и оставете ја во фрижидер.
Чекор 2: полијте ги кајсиите со жешка вода, отстранете им ја лушпата, пресечете ги на половина и отстранете ги семките. Потоа, тестото ставете го во калап за торта и израмнете го.
Чекор 3: врз рамното тесто, наредете ги половинките кајсии. Во меѓувреме, мармаладот загрејте го со вода и варете сè додека не се растопи. Со оваа смеса, прелијте ја тортата. Печете околу 25 минути. Оставете да се излади и сервирајте.
Јакиот човек има само една слаба страна-жената што ја сака!
за торта • 230 гр путер • 2 јајца • 375 гр шеќер • 1 мала лажица какао во прав • 60 мл црвена прехранбена боја • 235 гр тесто за колачи и торти • 1 мала лажица сол • 1 шолја матеница или ајран • 1 мала лажица екстракт од ванила • 1 мала лажица прашок за пециво • 1 мала лажица оцет
*како замена, можете да помешате 1 шолја млеко или соја млеко со една голема лажица сок од лимон или оцет и оставете да отстои 10-тина минути.
за глазура • 2 големи лажици брашно • 1 шолја млеко • 200 гр путер • 1 мала лажица екстракт од ванила • 110 гр шеќер во прав
Подготовка Загрејте ја рерната на 180°С.
Во подлабок сад, измешајте ги путерот, јајцата и шеќерот. Во друг, помал сад, измешајте ги бојата и какаото и потоа додадете ги кон смесата со путер. Кон тестото додадете го, на три пати, ајранот или матеницата. Надополнете со екстракт од ванила, прашок за пециво и оцет.
Во тавата за печење ставете пекарска хартија и наросете ја со брашно и сол. Ставете го брашното и печете околу 30 минути. Додека тестото се лади, подгответе ја глазурата.
На средна температура, гответе ги брашното и млекото, додека не згуснат. Потоа, оставете ја смесата да се излади. Со миксер, измешајте ги путерот, шеќерот во прав и ванилата. Потоа, спојте ги двете смеси и измешајте.
Тестото пресечете го по должина на два слоја и ставете од глазурата помеѓу двата слоја и на врвот на тортата.
Јакиот човек има само една слаба страна-жената што ја сака!
Вие не може да внесувате нови теми на форумот Вие не може да одговарате на теми на форумот Вие не може да ги бришете вашите пораки од форумот Вие не може да ги менувате вашите пораки од форумот Вие не може да креирате анкета на форумот Вие не може да гласате на форумот
Опции за темата
Опции за коментарот
Благодарам(0)
