Ѕвездата на „Спартак“ ја загуби битката со ракот

Болеста на Andy била дијагностицирана во Март во 2010 година, а лекувањето започнато веднаш во Нов Зеланд.  

 - Во едно убаво сончево неделно утро, придружуван од своето семејство, во рацете на неговата сакана сопруга младиот воин Andy Whitfield ја загуби 18 месечна битка со ракот, изјави сопругата на Whitfield, Vashti

- Тој почина мирно опкружен со љубов. Благодарност до сите негови фанови, чија љубов и поддршка го оддржуваа во живот. Ќе биде запаметен како инспиративен, доблестен и нежен маж, татко и сопруг“.

Whitfield беше прилично непознат за јавноста кога се појави во Спартак. Тој се појави во сите 13 епизоди од првата сезона и се припремаше за снимање на втората кога и му беше дијагностициран ракот.

Откако состојбата на Andy значително се влоши, во јануари годинава на социјалните мрежи беше објавено дека Австралискиот актер Liam McIntyre ќе ја превземе улогата на Спартак.

Режисерот на „Спартак“, Steve DeKnight на Twitter објави

 - Нема зборови кои ќе ја опишат празнината од ваквата загуба. Премногу ќе ни недостигаш, брате.

Chris Albrecht претседател и главен извршен директор на Starz изјави:

- Го имавме задоволството да соработуваме со Andy и дознавме дека човекот кој глуми шампион на големите екрани е шампион и во приватниот живот. Andy беше инспирација за сите нас и се соочи со оваа битка храбро и со многу сила.

Нашите мисли и молитви се со неговото семејство кое преживува навистина тешки моменти. Тој ќе продолжи да живее во срцата на неговото семејство, пријателите и фановите.