Над 1.000 русокоси убавици утре ќе се соберат на меѓународен конгрес во Софија, за да се обидат да постават рекорд за најмногу „блондинки“ на едно место.

Настанот ќе биде во рамките на Првиот меѓународен конгрес на русокоси, кој се одржува помеѓу 21 и 24 октомври.

Бугарија се најде на третото место меѓу 37 земји по обем на сива економија, пренесе Бгнес.

Оваа година таа изнесува дури 37 отсто од Бруто домашниот производ (БДП), покажуваат податоците од истражувањето на економистот Фридрих Шнајдер од Универзитетот во Линц, Австрија, објавено во британскиот весник  „Економист".

Истражувањето покажува дека на прво место меѓу истражуваните земји  е Латвија, чија сива  економија оваа година се очекува да надмине 40 проценти од БДП.

Второто место го зазема Естонија со близу 40 отсто сива економија. На четвртото и петтото место се Турција и Грција, а по нив следи  Италија.

Економист прецизира дека секоја држава има две економии - официјална и скриена (незаконска, во која спаѓаат сивата и црната економија).

Официјалната ја мерат државните институции  преку Бруто домашниот производ (БДП)  и од даноците и  придонесите. Кај сивата економија сите пари и работни места не се оправдани и незаконски.

Шнајдер коментира дека растот на сивата економија се должи на финансиската криза која принудила повеќе земји од ОЕЦД и ЕУ да ја избегнуваат дополнителната тежина на оданочување и да се ориентираат кон склопување на  неформални договори.

Податоците од извештајот „Скриените економии во светот во периодот 1999-2007 година", претставени минатиот месец, покажаа дека во 2007 година сивата економија  дури со 40 отсто учествувала во БДП на повеќе од 50 земји во светот.

Во Бугарија недекларираниот или сив бизнис изнесувал 41,2 отсто од  БДП. Зад неа се наоѓале Романија со 38.9 проценти, Албанија со 37.7 отсто од БДП. За периодот  1999-2007 година, на чело на листата е Грузија, каде 72,5 отсто  од економијата е сива или црна