Погачици со пченка

Потребно:

* 350 г зрна од пченка (од конзерва)
* 2 јајца
* 90 г брашно
* 1 лажичка прашок за печиво
* 1 лажичка сол
* 1/2 лажичка бибер
* 200-300 мл масло за пржење

Приготвување: зрната од пченка и јајцата измешајте ги, додадете ги брашното измешано со прашокот за печиво, солта, биберот и сето тоа добро измешајте го. Со лажичка земајте од смесата и погачиците пржете ги во добро загреаното масло додека не се вцрват. Пржените погачици ставајте ги на хартиена салфета за да се впие вишокот масло. Послужете ги топли.

Ориз со праз и сланина

Потребно:

* 300 г ориз
* 40 г чадена сланина
* 2 лажици масло
* 500 г праз
* 1 лажица пире од домати
* сол
* магдонос

Приготвување: добро исчистете го празот, измијте го и исечете го на парчиња. Пропржете ја сланината исечена на коцкички во загреаното масло, па додајте го исечениот праз, добро измешајте го, кратко издинстајте го, прелијте го со малку вода, па продолжете со динстањето се додека празот не омекне. Потоа, во него измешајте ги измиениот ориз, пирето од домати, посолете го сето тоа и прелијте го со вода. Продолжете со динстањето. Откако оризот ќе омекне, посипете го со ситно сечканиот магдонос.

Кремасти моркови

Потребно:

* 700 г моркови
* 75 мл слатка павлака
* 1 лажичка сок од лимон
* малку бибер
* малку рендано морско оревче
* цимет
* сол
* 1/2 лажичка зачинал
* 1 лажица путер
* 1 шипка цимет
* 2 лажици ситно сечкан магдонос

Приготвување: морковите излупете ги и исечете ги на еднакви стапчиња. Ставете ги во сад со вода и со шипката од цимет. Откако ќе зоврие водата, варете ги 6-8 минути. Извадете ја шипката од цимет, исцедете ги морковите и вратете ги во садот. Во нив додадете ги путерот, солта, циметот, ренданото морско оревче и биберот. Сето тоа добро измешајте го, а потоа додадете го сокот од лимонот и слатката павлака. Сето тоа варете го околу една минута или додека павлаката не се згусти. Пред да ги послужите, морковите посипете ги со ситно сечканиот магдонос.

Паштета од модри патлиџани со бадеми

Потребно:

* 500 г модри патлиџани
* 2 чешниња лук
* 5 лажици маслиново масло
* 3 лажици лимонов сок
* 2 лажици сечкани бадеми
* сол
* бибер
* 2 лажици ситно сечкан магдонос

Приготвување: исечете ги модрите патлиџани на тркалца, испржете ги во една лажица загреано масло и изладете ги. Добро испасирајте ги со миксер, па додајте ги истолчениот лук, магдоносот, солта и биберот во нив. Постепено во смесата додавајте го остатокот од маслиновото масло и лимоновиот сок. Пасирајте го сето тоа додека не добиете кремаста смеса. На крај додајте ги сечканите бадеми.

Бифтек во сос

Потребно:

* 4 парчиња бифтек по 150 г
* сол
* бибер
* 2 лажици масло
* 2 лажички шеќер
* 350 мл вода
* 1 говедска коцка за супа
* 150 мл црно вино
* 1 лажица нишесте

Приготвување: говедската коцка за супа ставете ја во 350 мл вриена вода и варете ја околу 5 минути. Бифтекот зачинете го со сол и бибер. Во тавче загрејте го маслото, кратко пропржете го бифтекот од двете страни, намалете ја температурата и продолжете со пржењето уште 2-3 минути. Извадете го бифтекот и ставете го на топло место. Во истото масло карамелизирајте го шеќерот, прелијте го со супата, додадете го виното и нишестето разредено во малку вода. Сето тоа кратко проварете го и со сосот прелијте ги парчињата бифтек.

Облечени модри патлиџани

Потребно:

* 500 г модри патлиџани
* 50 мл соја сос
* 200 г брашно тип 850
* 300 мл вода
* 1/4 лажичка лут мелен црвен пипер
* масло за пржење

Приготвување: модрите патлиџани исечете ги на тркалца дебели 1 см, прелијте ги со соја сосот и оставете ги да отстојат 10 минути. Во брашното додадете ги водата и лутиот мелен црвен пипер и мешајте додека не добиете густа мазна смеса. Маринираните модри патлиџани исцедете ги, потопете ги во смесата од брашното и пржете ги во загреаното масло. Пржените модри патлиџани ставајте ги врз хартиена салвета за да се впие вишокот масло и послужете ги со варен ор