Откровение: 2:7

Кој има уво, нека чуе, што им говори Духот на црквите: „На оној, кој победува, ќе му дадам да јаде од дрвото на животот, кое што е среде Божјиот рај!”

Јован 8:12
Исус пак прозбори натаму, велејќи: „Јас Сум Светлината на светот; кој Ме следи, нема да оди во темнина, туку ќе ја има Светлината на Животот.”

Псалм 121

1Ги подигам моите очи кон горите: откаде ќе ми дојде помош?
2 Мојата помош е од Господа, Кој ги создаде небото и земјата.
3 Тој нема да остави да се сопне твојата нога и Тој нема да задреме, твојот чувар.
4 Не, не дреме и не спие Тој, Израелевиот чувар.
5 Господ е твој пазител, Господ е твоја сенка, на твојата десна рака.
6 Сонцето нема да ти наштети дење ни месечината ноќе.
7 Господ да те чува од секое зло, да ја чува твојата душа!
8 Господ да го чува твоето излегување и враќање, од сега и довека.


ЕФЕСЈАНИТЕ 6:16-18

А над се, земете го штитот на верата, со кој ќе можете да ги угаснете сите вжестени стрели на лукавиот;
земете го и шлемот на спасението и духотвниот меч, кој е словото Божјо! Со секаква молитва и проба молете се со духот во секое време и грижете се за тоа со постојанство и молба за сите светии,

ЕФЕСЈАНИТЕ 4

21 Кога навистина сте чуле за ИСУС и во Него сте се научиле - дека вистината е во Исуса -
22 да го отфрлите од себе стариот човек според вашето поранешно живеење, кој се распаѓа во измамливите желби,
23 да се обновите со духот на својот ум
24 и да се облечете во новиот човек, создаден според Бога во правда и светост во вистината.

Пословици 27:17 Железо се остри со железо, и човекот го остри лицето на својот пријател.


Псалм: 25:4 Покажи ми ги, Господи, Твоите патишта, научи ме на Твоите патеки!

ПРВО ПОСЛАНИЕ НА АПОСТОЛ ПАВЛЕ ДО КОРИНТЈАНИТЕ
Глава 1

10 Браќа, ве прекорувам во името на нашиот Господ Исус Христос, сите да зборувате исто и да нема раздори меѓу вас, туку да бидете совршено соединети во еден ум и во една мисла.
11 Имено, ми јавија, браќа мои, Хлоините домашни дека меѓу вас има препирки.
12 Со ова сакам да кажам, дека секој од вас зборува: ‘Јас сум Павлов’, ‘Јас сум Аполосов’, ‘Јас пак Кифин’, а ‘Јас Христов’,
13 Дали Христос се раздели? Павле ли беше распнат за вас? Или сте крстени во Павлово име?
14 Му благодарам на Бога, што никого од вас не крстив, освен Криспа и Гаја,
15 за да не рече некој, дека сте крстени во мое име.
16 Го крстив уште Стефановиот дом; натаму не знам дали сум крстил некој друг.
17 Зашто Христос не ме испрати да крштавам, туку да го проповедам Евангелието, и не со говорничка мудрост - за да не го изгуби Христовиот крст своето значење.
18 Зашто, словото за крстот е безумство за оние, кои пропаѓаат, а за нас, кои се спасуваме, Божја сила,

Зборовите на мојата уста и размислувањата на моето срце, нека бидат угодни пред Тебе, Господи, Тврдино моја и Избавителу мој.

Псалм 19,14