Дајте една добра вест

ЧЕТИРИЕСЕТ ГОДИНИ ПО ИЗГРАДБАТА

Ќе се обновува Железничката станица во Скопје

Предвидено е градежните работи за реконструкција на Железничката пат­нич­ка станица Скопје да траат 11 месеци, а се очекува да започнат кон средината на 2012 и да завршат за една година

След­на­та година ќе започне реконструкцијата на Железничката патничка ста­ни­ца Скопје. Министерството за транспорт и врски информира дека вкуп­на­та вредност на проектот за модернизација и рехабилитација е 2,6 ми­ли­о­ни евра, кои се обезбедени од европските фондови за прет­прис­тап­на помош ИПА, како и од Буџетот на Република Македонија.
"Пред­ви­де­но е градежните работи за реконструкција на Железничката пат­нич­ка станица Скопје да траат 11 месеци, а се очекува да започнат кон средината на 2012 и да завршат во 2013 година. Со тоа Скопје ќе добие модерна и репрезентативна железничка станица", вели пор­тпа­ро­лот на Министерството Драган Симоновски.
Ре­конс­трук­ци­ја на Железничката станица е потребна, оти во изминатиот пер­и­од одржувањето на Станицата не било на соодветно ниво.
"Оп­шта­та состојба на Станицата може да се оцени како лоша, како по од­нос на нејзиниот изглед така и по однос на нејзиното функционирање", вели портпаролот Симоновски и дополнува: "Со градежните работи тре­ба, пред сe, да се подобри пристапноста на патниците до станицата, особено на лицата со инвалидитет и намалена подвижност. Ре­конс­трук­ци­ја­та треба да ја подобри и безбедноста, како и информацискиот сис­тем за сигнализација и информирање на патниците".
До крајот на годинава треба да се избере консултант за подготовка на до­сие за градежни работи, вклучувајќи и подготовка на основен и изведбен про­ект според бараните европски стандарди за пристапност, безбедност и си­гур­ност, како и стандардите за информирање на патниците. По под­го­тов­ка­та на основниот и изведбениот проект, ќе започне јавна постапка за из­ве­ду­ва­ње на градежните работи, објаснуваат од Министерството

Македонското вино се пробива на рускиот пазар

Еден од ретките производители кај нас кој речиси целото вино го пласира на бившите советски простори вели дека пласманот и цената се добри но недостасува количина.

На огромниот руски пазар со сегашната застапеност неможе ниту да се слушне за македонското вино како препознатлив бренд бидејќи количините се мали а винарниците не организирани.

Но оние што еднаш го пробале повторно го бараат по маркетите.

Лазов многу вложил во винарницата но вели дека тука нема да застане. Според него бизнисот е интересен. И во време на најголемата винска криза тој сепак наоѓа пласман и добро заработува.

До крајот на годинава планира да го прошири капацитетот но и да изгради објект за практикување на селскиот туризам.

Регистрираните деведесеттина винарници кај нас се доказ дека производството на вино како и винскиот туризам се атрактивен бизнис.