Тестирања на крајот на учебната година

Расчистени се дилемите дали ќе има тестирање на крајот на учебната година. Техничките работи се приведуваат при крај. Иако се шпекулира дека заради презафатеност на државната администрација со изборите, сепак  по  изборите веројатно  ќе  се спроведе и фамозното пилот тестирање.

Проработи суперкомпјутер за ученичкото тестирање

Најмоќниот компјутерски систем досега инсталиран во македонската државна администрација вчера беше пуштен во употреба. Веднаш почна прибирањето и внесувањето на податоците од Министерството за образование за беспрекорно да се спроведе екстерното тестирање на ученици, планирано за крајот на учебната година.Суперкомпјутерот, кој чини 700.000 евра, има капацитет истовремено да поддржува 100.000 корисници. Составен е од тринаесет сервери од кои осум апликативни и имаат големи можности.

- Овој компјутерски систем е најмоќен во регионот и нема да го користиме само за тестирањето, туку и за работите кои досега државната администрација ги правеше бавно. Ќе се подобри ефикасноста и целосната евиденција како и услугите по електронски пат - истакна министерот за информатичко општество Иво Ивановски, под чија ингереренција ќе биде работењето на системот.Скапата апаратура е сместена во Заводот за статистика поради добрата безбедност и веќе постојните систем-сали.

Јас не забележав никакви проблеми со учениците. Редовно си учат и не ги интересира дали ќе има тестови или писмени.

Сите нестрпливо чекаат......тренираат...
Наставници тренираат екстерно оценување, подготовките доцнат
Утре правиме тест. Не се подготвувајте, учете само површно, а не темелно. Вакви препораки добивале ученици во средното училиште „Арсениј Јовков“, од една од професорките. Ова го прават, како што велат и самите наставници, за да видат какви резултати би постигнале учениците кои потоа ќе ги споредат со оценките што ги добивале во текот на целата учебна година. Ако тие не се исти, според законот ќе бидат казнети со помала плата.

Екстерното оценување очигледно ги исплаши само наставниците, со оглед на тоа дека институциите кои треба за првпат да го спроведат годинава, постојано го одложуваат пробното тестирање, кое според нивните најави, требаше да се одржи уште минатиот месец.

- И сега правиме многу тестови по сите предмети, има многу испрашувања. Сега професорите нè тераат да не учиме цели лекции, туку само да ги знаеме основните поими - вели ученичка во „Арсениј Јовков“.

Според правилникот за екстерно тестирање, пробно тестирање мора да има. И основците и средношколците ќе ги полагаат тестовите на компјутерите кои ги добија како подарок од државата со проектот „Компјутер за секое дете“. Но, во Министерството за информатичко општество (МИО) рекоа дека од вкупно 348 основни училишта, компјутери засега има само во 63.

- Од Министерството за образованите треба да кажат кога ќе се одржи пробното тестирање. Предвидено е тоа да се реализира кон крајот на април - рече вчера Антонио Атанасов од Министерството за информатичко општество.

Во МОН, пак, рекоа дека чекаат на Министерството за информатичко општество да создаде технички услови и оттаму да кажат кога може да се спроведе тестирањето. Друга причина поради која останува неизвесно дали институциите навреме ќе успеат сè да организираат, е и тоа што пред два дена Центарот за средно стручно образование објави конк*рс за избор на соработници кои допрва треба да ги осмислуваат прашањата за предметите во стручните училишта. Засега се готови само тестовите за општообразовните предмети за гимназиско и за основно образование што ги подготвуваше Бирото за развој на образованието.

- На секој тест, за секој предмет ќе има по 30 прашања, а ќе имаат четири понудени одговори. Сите ученици во една паралелка ќе го имаат истиот тест, ама ќе бидат со измешан редослед за да не може да препишуваат - вели Митко Чешларов, раководител во Бирото.

Иако оттаму тврдат дека во сите училишта советниците веќе детално ги информирале наставниците и директорите за начинот на кој ќе се изведе тестирањето, некои директори тврдат дека такви средби немало.

- Кај нас досега немало обуки за професорите. Нема ниту најави дека ќе дојдат да ни кажат подетално како ќе се тестираат децата - вели Драган Арсовски, директор на гимназијата „Раде Јовчевски Корчагин

dobro e sto ja donesi ja ovaa odluka pa da videme kolku znaat ucenicite,posto mnogi nastavnici odnosno profesori na svojot blizok komsija ili drugar ce mu naredi ocenka pozititvna pa zatoa sum mnogu blagodaren od ministerstvoto za obrazovanie

Ретки се тие ученици ,кои навистина заслужуваат да ги имааат сите петки, ама по заслуга на родителите и на наставниците тоа не е така.Се дозволува константно на некои ученици да им се поклонуваат оценки,само заради тоа да не им се расипе просекот.Спротивно на тоа, ученици кои едноставно по 2-3 предмети се навистина одлични,не ги добиваат заслужените петки заради послабите оценки по другите предмети. Одсекогаш било така, така и ќе остане , за жал!

Тестирањето оди на уставен суд. Ќе стаса ли уставниот суд навреме да донесе одлука?Како тргна работава ќе се тестираат и во градинка. Сега на големо се зборува за интерно тестирање и на првооделенците. Нејсе, нека ги тестираат. Ќе научат децата дека не е така лесно да си ученик.
Екстерното тестирање на уставен тест

Двочекор
Читајќи за протестите на учениците се прашувам дали секогаш мора да се решаваат работите со протести?
Се прашувам чија е вината? Дали вината е кај тие млади и невини детски размислувања, дали вината е во Министерството за образование (односно кај наставниците како нивни преставници) или вината ја сносат родителите.
Ако сакаме да водиме дебата вината ке ја најдеме по малку кај сите. Сите ќе имаат аргументи за и аргументи против, но со тоа проблемот нема да се реши.
За решавање на проблемот потребна е негова темелна анализа.
Како прво мораме да го поставиме прашањето зошто да ги решаваме проблемите преку децата, зошто се почнува преку образованието. Зарем резултатите на наставниот кадар не се гледаат преку големиот број на студенти кои ги запишуваме на универзитети во Македонија, зарем нивната работа не се имплементира преку големиот број на млади кои заминаа своето образование да го продолжат надвор од државата. Зарем не се секаваме ние какво образование имавме зарем не сакаме да знаеме какво образование сакаме да имаме.
Сметам дека мотивацијата како мерка е изгубена па затоа сега се оди на казни репрекусии и кај наставниот кадр. Зошто прво од нив се почнува?
Мислам дека вината е во Владата на РМ. Зошто? Па едноставно затоа што овој закон го носи со едночекор. Сметам дека пред да се донесе овој закон и да се почне со негова имплементација во стварноста потребно е да се направи најмалку двочекор ако не и трочекор.
Чекор 1. Потребно е да се мотивираат наставниците во образованието. Ако помисливте дека е во парите не господа. Мислев на демотивацијата на наставниот кадар која постои со години а никој не гледа на неа како проблем која го кочи образованието. Технолошки вишок како категорија во образованието е заборавена. Иста плата прима наставник со цел фонд на часови и наставник кој има десет, пет, два или нула часови. Да господа ова не е решено повеќе од 20 години во образованието. Напротив тие уште и се дополнително стимулирани и за своето работно време од нула часови примаат и хранарина, патарина и земаат стимул за минат труд.
Значи нај платените работници во државата се баш овие наставници. Замислете кој зема плата од 300 евра за никаква работа. Замислете дека тие наставници никој нема да ги оценува и си спијат мирно, не размислуваат за припреми за часови, не размислуваат за казни поради нередовно доаѓање, не размислуваат дали ќе ги контролира директорот или инспекторот.
Наровучение: Пред да се имплементира овој закон потребно е да се реши овој проблем и да се плаќаат наставниците според трудот и работата.

Чекор2. Бирот за развој на образованието потребно е прво да ги изработи прашањата и тестовите кои ќе им се даваат на учениците за проверка на знаењето. Кога би биле изработени овие тестови и прашања би им биле достапни како на наставниците така и на учениците. Би можеле учениците преку целата година односно во четирите двомесечја да бидат оценувани и проверувани според нив. Тогаш би знаеле во што би се упуштале при тестирањето на крајот од годината. Не би преживувале стресови и верувам дека не би имало потреба како при реализирањето на матурскиот испит да ги симнуваме критериумите за да дојдеме до некои резултати. Не
     Наровучение: Пред да се имплементира овој закон да се изготват прашањата и тестовите со кои ќе се оценуваат наставниците преку учениците и да им бидат пристапни како на наставниците така и на учениците. Со така изготвени прашања да се оценуваат учениците континуирано цела година од страна на самите наставници. После согледувањето на евентуалните слабости да се отстранат истите и законот да се имплементира во стварноста.
Образложение:
Сметам дека овие чекори ќе доведат да се имплементираат сите новини во образованието без да се создава напната состојба меѓу наставниот кадр, учениците и родителите. Сведоци сме дека учениците неколку години се повеќе на улица отколку таму каде што им е местото во училишните клупи.
Исто така сметам дека секоја новина доведува до одбојност, неприфаќање поради фактот што бегаме од непознатото, неизвесното. Затоа сметам дека Министерството за образование не треба да ја маргинализира улогата на Наставничкиот совет во училиштата и пред да ги носи и задолжува со имплементација на нови законски решенија да го слушне и нивното мислење. Тогаш нема да има обвинувања и делење на наставниот кадар на *наши* и *ваши*. Тогаш нема да има потреба проблемите во образованието да се решаваат во некои партиски комисии по партиските канцеларии, тогаш нема да има подршка или одбојност по партиска линија, тогаш нема да се размислува кој ги подржува учениците а кој не, тогаш нема да се манипулира со учениците од една или од друга страна.
Како потврда на сето ова ќе споменам само уште дека и на факултетите оценката на студентите не се состои само од крајниот испит. Таа се состои еден процент од редовноста на предавања и вежби, друг процент од резултатите на колоквиумите и трет процент од резултатите на самиот испит.