Полициска интервенција на Шара

Специјалните единици на полицијата со помош на хеликоптери се во акција за апсење на Лирим Јакупи - Нацист, кој пред неколку месеци избега од косовскиот затвор Дубрава и неговата група, потврди портпаролот на МВР.

Веста е од А1 ТВ:

Жителите од овој крај за А1 велат дека се слушаат истрели од огнено оружје и дека теренот го надлетуваат хеликоптери.

Блокирани се сите приоди на Шар Планина кон подрачјето на коешто се одвива акцијата. Полицијата постави пунктови и на излезите од Тетово кон Шар Планина и не е дозволено движење на новинари и цивили во двата правца.

Според МВР, криминалните групи се разбиени и дел се кријат во планината, а дел во куќите на селаните.

Акцијата се уште е во тек.

Пред неколку дена кај селото Одри, во пресметка на криминални групи беше убиен Џавид Морина.

Морина беше еден од избеганите од затворот Дубрава, а се смета дека сакал да и се придружи на групата на Јакупи.