Лазања со мелено месо

Подготовка

1. Исечкајте го кромидот и ставете го да се пржи во тавче со загреано масло.
2. Ставете на оган тенџере со солена вода. Откако водата ќе започне да врие, додајте ги лазањите да се варат.
3. Кога кромидот ќе добие златна боја, во тавчето додајте го и меленото месо. Постојано мешајте.
4. Откако месото ќе ја промени својата боја, во тавчето додајте ги и доматниот сос, лукот, ориганото, магдоносот, пиперот и вегетата и пржете додека не ја добиете посакуваната густина.
5. Во добиената смеса додајте го сосот бешамел.
6. Откако ќе ги сварите лазањите, земете тава за печење, премачкајте ја со масло и наредете еден ред лазањи. Над нив ставете од смесата со мелено месо и рендан кашкавал, па потоа пак ред од лазањите. Постапката се повторува додека не ги наридете сите лазањи.
7. Најгорниот слој треба да биде со лазањи. Врз него ставете го остатокот од ренданиот кашкавал.
8. Ставете ја тавата во рерна и печете 30 минути на температура од 200°С

Шпагети болоњезе

Подготовка

1. Ставете на оган тавче со 50ml масло. Откако ќе се загрее маслото, додајте ги во него морковот и кромидот, ситно исечкани.
2. Кога кромидот ќе добие златна боја, во тавчето ставете го и меленото месо и пржете ги состојките 5-6 минути.
3. Потоа во тавчето додајте го доматното пире и лукот. Пржете додека не ја постигнете саканата густина.
4. Кон крајот на готвењето зачинете го сосот со оригано, црн пипер, вегета и магдонос.
5. Во тенџере со вода ставете ги шпагетите да се варат. Во водата додајте го остатокот од маслото (30ml) и малку сол.
6. Кога ќе бидат готови шпагетите, можете или да ги измешате со сосот или да ги ставите шпагетите во чинии и врз нив да ставите од сосот.
7. Поросете со пармезан и украсете со гранче босилек или магдонос.