ДНЕВНО - политички случувања

Категорично отфрламе дека при подготовката и изведувањето на операцијата „Планинска бура“ имаше каква било помош или контакт со српското Министерство за внатрешни работи, велат во македонското МВР

Македонското Министерство за внатрешни работи вчера демантираше дека Србија помогнала во акцијата „Планинска бура“ во селото Бродец, како што изјави српскиот вицепремиер Божидар Ѓелиќ во Брисел. Ѓелиќ на завчерашната конференција за состојбата на Балканот рече дека Белград ја помогнал акцијата на македонската полиција во тетовското село. - Категорично отфрламе дека при подготвувањето на планот, подготовката и изведувањето на операцијата „Планинска бура“ имаше каква било помош или контакт со српското МВР. Целата операција, од прибирањето сознанија за членовите на групата, нивното вооружување и движењето, па се' до подготовката на планот за дејствување на специјалните единици и реализацијата на планот за пронаоѓање, лишување од слобода и неутрализирање на вооружената група, беше реализирана единствено од страна на експерти и оперативци од македонската полиција и македонските разузнавачки служби - велат во МВР.

Во Полицијата велат дека во операцијата, која од меѓународната заедница била оценета како исклучително професионална, учествувале исклучително припадници на специјалните единици на македонската Полиција од етнички мешан состав.

- Со оглед на тоа што ваквите паушални и невистинити изјави може да предизвикаат далекосежни последици по безбедноста во Македонија и регионот, должни сме и преку официјален пат да ја известиме домашната и меѓународната јавност за произволниот настап на српскиот вицепремиер. Ваквите неодмерени изјави може да им нанесат големи штети и на досега извонредната соработка меѓу двете министерства - објаснуваат од македонската Полиција.

МВР очекува извинување од српскиот вицепремиер или оградување на Владата на Србија од изјавите дадени од негова страна.

Наспроти изјавата на Ѓелиќ, Агим Чеку, досегашниот премиер на Косово, рекол дека е точно дека Србија има влијание врз настаните во Бродец, но тој смета дека Белград е тој што ги мотивира Албанците за немири во Македонија.

На случувањата во Брисел, но и на акцијата во Бродец вчера се огласи и Бардул Махмути, лидерот на Демократската унија на Албанците, со писмо до косовскиот премиер во заминување Агим Чеку. Тој му порачува на Чеку да ги земе предвид фактите дека во Бродец „на денот на трагедијата се слушале луѓе што зборуваат на српски“.

„Врз основа на однесувањето на македонската Влада кон Албанците може да се изведе заклучокот дека е променета улогата меѓу Божидар Ѓелиќ и Никола Груевски - сега Ѓелиќ му е советник на Груевски. Вие (Чеку), господине премиер на Косово, објаснете чија игра ја играте во оваа трагедија?“, се наведува во отвореното писмо.

Во акцијата спроведена на почетокот на ноември во Бродец, полицијата уапси 13 лица, а шестмина, меѓу кои и Рамадан Шити, беа убиени. Специјалците запленија и поголемо количество оружје.

Чиј бил „урнатиот хеликоптер“?

Лидерот на ДУА Бардул Махмути во отвореното писмо до Агим Чеку го поставува и прашањето чиј бил „урнатиот хеликоптер“ за време на акцијата во Бродец, вест што ја објавија официјални лица од КФОР, а потоа беше демантирана.

- Ако при вашата полемика со заменик-премиерот на Србија, г-динот Божидар Ѓелиќ, како основа го зедовте фактот дека за време на бомбардирање на Бродец домашните и меѓународните медиуми ги повторија неколкупати изјавите на портпаролот на КФОР дека е срушен хеликоптер на МВР на Македонија, кои министерката Јанкуловска ги отфрли, изнесете ги фактите и објаснете! Ако имате информации за тоа кому му припаѓаше хеликоптерот, добро е да ги објавите. Во овој момент не може да се скријат стравовите, а камоли хеликоптерот - вели Махмути.

Во кабинетот на српскиот премиер Воислав Коштуница вчера изјавија дека нема да коментираат пред да ја проверат веродостојноста на изјавата на вицепремиерот Божидар Ѓелиќ во Брисел. Ѓелиќ поради презафатеност со состанок вчера не објасни како Србија и помогнала на Македонија во акцијата во Бродец.

„A SO TOA DOAGA I SAMOPOCHITUVANJETO“

„pred se treba makedoncite da se borat ZAEDNO“

Пред се прво е САМОПОЧИТУВАЊЕТО, колку човекот самиот се почитува толку го ценат и другите, дали македонците се заедно, секако дека треба барем за одредени работи да имаат исти ставови....

За информација толку актуелниот Бадентер некогаш имаше скоро иста оценка за нас како и за словенците, но денес ситуацијата осликува сосема друга слика во стварноста, иако треба да се земе во обзир товарот кој ние го имавме на грбот од нашите сограѓани, кои се уште живеат во илузијата албанци од македонска држава, и секако веќе треба да ја сватат вистината дека се македонци-со албанско малцинско потекло, како и претензиите од комшиите од сите страни, јас пак мислам дека проблемот е кај нас првославните македонци. Со лобито кое би можеле да го имаме во светот рачунајки на нашите иселеници кои се декларираат дека се тоа што се, и наша обединетост по одредени државни прашања овде во Македонија секако би требало да сме поблиску до целта, а не колку што сме денес по 20 години, подалеку одколку што бевме по историскит референдум, па макар истиот во тоа време секако изгледаше и беше двозначен.

Словенците си направија држава, која е на доста високо ниво во ЕУ!!!? кај сме ние???????