Состојки:

кора:
200гр. кекси
300мл. ладно млеко
200гр. млечна карамела

фил:
5 јајца
100гр. млечно чоколадо
200гр. шеќер
150г. млеко во прав
250гр. маргарин

глазура:
100гр. чоколадо
50гр. маргарин
1 јајце

Подготовка: Кексот натопете го во ладното млеко и наредете го на чинија. Карамелата згответе ја во преостанатото млеко и прелејте ја преку кексите. Изматете ги петте јајца и шеќерот и гответе ги на пареа. Пред крај, додајте го млечното чоколадо, сè соединете и тргнете го од ринглата. Во топол крем измиксајте го млекото во прав, изладете го, измиксајте го и маргаринот, а потоа нанесете го преку слојот-карамела. Стопете ја чоколадата и маргаринот за глазура, додајте го јајцето и изматете со миксер па прелејте ја тортата со смесата. Изладете ја во фрижидер и уживајте во нејзиниот вкус.

Состојки:

тесто:

• 100 гр маст или маргарин
• 1 јајце
• 250 гр брашно
• ½ прашок за печиво
• 50 мл млеко
• 100 гр шеќер

фил:

• 300 гр шеќер
• 500+50 мл млеко
• 50 гр брашно

Подготовка:

Во еден сад со вилушка се матат маста (или маргаринот) и јајцето. Се додава брашното измешано со прашок за пециво. Со рака се меша додека не се добие зрнеста смеса. Се додава млекото во кое претходно е растопен шеќерот и се заедно се меша, треба да се добие меко тесто.
Тестото се остава да се одмори 1 час, па се дели на 2 дела. Од секој дел се развива кора што се пече на задната страна од плех од шпоретот. Секоја кора се пече по 10-ина минути на 180⁰С. Испечените кори се тврди и кршливи, ќе омекнат кога ќе се филуваат.
Додека корите се печат, се прави филот: 500 мл млеко се става на оган да се стопли. Во едно тенџере се става шеќерот и со постојано мешање се топи додека не се карамелизира. Кога шеќерот ќе стане течен и ќе добие карамел боја, му се додава половина од стопленото млеко и се меша додека шеќерот не се растопи. Во друг сад се меша брашното со 50 мл млеко додека не се добие мазна смеса и во тој сад се додава другата половина од стопленото млеко. Се меша убаво и се соединува со стопениот карамел. Добиената смеса се вари на тивко додека не се згусне. (треба да биде малку поретка од пудинг). Филот се остава да се излади.
Секоја кора се филува со згуснатиот фил и се остава добро да се излади (најмалку 12 часа во фрижидер). За тоа време корите ќе омекнат и филот ќе се стегне. Колачот се сече на коцки или правоаголници и се сервира.

Состојки:
* за кора:

2 портокали,

750гр. шеќер,

10 јајца,

150гр. мелени ореви,

100гр. суво грозје,

60гр. мелен кекс,

5 лажици рум
* за глазура:

4 реда чоколадо,

20гр. путер

Подготовка: Корите од двете портокали исецкајте ги на парченца и згответе ги во пет води. Ставете им пет лажици шеќер, и оставете ги да се зашеќерат. Посебно изматете ги белките од 10те јајца со 10 лажици шеќер. Додајте ги и жолчките, добро измешајте, истурете ги во смесата мелените ореви, сувото грозје, мелените кекси и зашеќерените кори од портокал. Сето тоа добро измешајте го и истурете го во подмачкан калап за торта. Печете го на умерена температура во загреана рерна. Печеното тесто изладете го и прелејте го со сируп од остатокот шеќер и петте лажици рум. Целата торта прелејте ја со чоколадото кое ќе го истопите заедно со путерот.

Состојки:

• 20 лажици брашно
• 25 лажици шеќер
• 800 мл. млеко
• 250 гр. маргарин
• 200 гр. шеќер во прав
• 150 гр. брашно
• 100 гр. маргарин
• 250 мл. вода
• 4 јајца
• 2 ванилин шеќер

Подготовка:

Водата и маргаринот зовриваат, се трга тенџерето од оган и се додава брашното. Смесата се меша додека се изедначи и се остава да се излади. Јајцата се додаваат едно по едно и убаво се мешаат со смесата(со миксер, со лажица или со рака). Се пече во тавче број 26 намрсено со маргарин. За подготовка на филот, брашното, шеќерот и ванилиниот шеќер се мешаат со дел од млекото и се варат во преостанатото млеко како за пудинг. И оваа смеса убаво се лади и потоа се замешува со маргаринот убаво изматен со шеќерот во прав. Испеченото тесто се дели на половина и се филува со кремот. Потоа се филува и целата торта и се украсува.
Мала забелешка: Испеченото тесто може да не е насекаде подеднакво пораснато. Не се паничете, искрој те го. Кога ќе го наредите врз филот и кога врз него ќе го ставите преостанатиот фил, на тортата ништо нема да се познава. Поедноставно е и за промена интересно, отколку да правите поединечно еклери.