Рецепти за солени јадења

Виршли во тесто

Потребно:

* 1 пакување лиснато тесто
* 12 виршли
* 1 јајце
* ким
* малку млеко

Приготвување: расучете го лиснатото тесто во тенка кора, дебела околу половина сантиметар. Исечете 12 парчиња, големи 16 х 10 см. Завиткајте ја виршлата во тестото, премачкајте го со млеко и изматена жолчка, па посипете одозгора со ким. Премачкајте ги страните од тестото со изматената белка за да не се одлепат при печењето. Вака подготвените виршли печете ги околу 15 минути во загреана рерна.

Сендвич со пилешки стек

Потребно:

* 1 парче леб
* 45 г путер
* 1 главица кромид
* 1 чешне лук
* 125 г пилешки стек
* 2 лажици павлака
* 1 лажичка пире од домати
* 2 лажички ситно сечкан кромид
* 1/4 лажичка сенф
* сол
* бибер

Приготвување: парчето леб тенко премачкајте го со путерот, а остатокот загрејте го. Откако ќе се стопи додадете го ситно сечканиот кромид (главицата) и пржете го околу две минути. Потоа додадете ги истолчениот лук и месото исечено на ленти, па сето тоа пржете го додека месото не омекне. Смесата извадете ја од тавата, па во маслото додадете ги павлаката, малку вода, пирето од домати, исечканиот кромид и сенфот, па сето тоа варете го додека не добиете сос. Пред крај ставете ги солта и биберот. Врз парчето леб ставете го месото и кромидот, а одозгора прелијте го со сосот.

Волшебни стапчиња

Потребно:

* 500 г лиснато тесто
* 1 јајце
* 1/2 лажичка зачинал
* 60 г рендан пармезан
* 2 лажици семки од тиква

Приготвување: одмрзнатото лиснато тесто расучете го во кора дебела околу 0,5 см. Изматете го јајцето и во него додадете го зачиналот, па со половина количество премачкајте ја кората од тестото. Посипете ја со половина количество од ренданиот пармезан и исечканите семки од тиква. Со остар нож исечете стапчиња широки 2 см и долги околу 10 см и спирално завиткајте ги. Стапчињата редете ги во тавче посипано со брашно. Истата постапка повторете ја и со остатокот од тестото. Стапчињата печете ги околу 15 минути во рерна загреана на 210 степени.

Во земјана тава се реди телешко месо, се ставаат сите видови пипер и од страна се ре­дат компири, морков и свежи печурки. Се става зејтинче, една чаша бело вино и малку вода. Се пече околу 4,5 часа.
Во земјана тава се става свинско месо или коленица, а може и ребро. Се ставаат праз, су­ви пиперки тетовски, една чаша вино, една вода, малку сол, вегета, црн пипер, и се крч­ка 3,5 саати. Кога ќе се извади од рерна, празот внатре веќе е стопен, а пиперките мал­ку скожурени. Се сервира со црвено вино.

ЌАЕ

1 ки­ло брашно
ед­на и пол шолја за кафе зејтин
1 коц­ка квасец, малку сол и шеќер

Се мешаат брашното и зејтинот. На страна се става квасецот и малку солца и ше­ќер­че, 2 лажици брашно и малку вода. Се остава да стаса, па се истура во брашното и се до­да­ва уште 100 грама вода. Се меси, и кога ќе стане смесата хомогена или како што ви­ка­ат во Тетово "ка уште" (како увце), се остава да се одмори. По пет минути се до­ме­су­ва, и во едно чиниче се става зејтин. Се зема од тестото и се прават топчиња, кои се вртат во рака и се мачкаат во зејтинот. Се ставаат во тенџере, кое претходно е на­мач­ка­но со маргарин. Се редат топчињата едно до друго, но да има празен простор ме­ѓу нив за да се исполни кога убаво ке стасаат просторот. Се редат во круг, и врз нив се реди кацкано (сечкано) биено сирење. По три парченца се боцкаат во секое топче. Тес­то­то се остава да стаса, да биде дупла големина, но не да престаса. Приближно "ока­тив­но" (од око). На страна се матат три јајца и се ставаат врз нив, но не треба да се раз­ле­ат меѓу тенџерето и тестото, за да не се залепи. Готова е кога ќе се оддели те­то­то од тенџерето. Се вади од рерна, се остава малку да земе душа, и се јаде.

ТЕ­ТОВ­СКИ ГРАВ

Се зема грав, и тоа мерката е колку луѓе толку "руке" (раце). Може да стои од ве­чер­та во вода, но тоа не е потребно на тетовскиот грав. Се става гравот 5-10 минути да се вари, па се фрла водата. Така се прави во неколку води. Порано старите 5-6 води фр­ла­ле. Зрната од гравот не треба да бидат растропани (разварени) туку цели да сто­јат зрно по зрно. Се тура едно кромитче, може цело, не да се дроби, и 2 чешниња лук. За 40 мити гравот е готов. Пред да се тргне од оган, кромидот се пасира. Се ставаат по желба сол, вегета и зејтинче, но ако е за пост, тогаш без зејтин. Кога е за пости мес­то зејтин, се става и морков. Кој сака запршка, се става само црвен пипер во врело зеј­тин­че. На крај се потпечуваат суви пиперки, за да крцкаат и се ставаат пред да се из­ва­ди гравот.

Паштета од сирење

Потребно:

* 400 г младо кравјо сирење
* 200 г кисела павлака
* 1 лажичка сол
* 1/4 лажичка бибер
* 30 г рен од тегла
* 70 г младо кромитче
* 1 варено јајце

Приготвување: исцедете го младото кравјо сирење, пенесто изматете го, додајте ги павлаката, ренот, солта и биберот, па добро измешајте г сето тоа. Ситно исечкајте го младото кромитче и додајте го во смесата. Исечете го тврдо вареното јајце на коцкички и посипете го врз смесата од сирење. Послужете ја смесата од сирење со интегрален леб.