ГРЧКА ПРОПАГАНДА, притисоци, уцени, инциденти...

Дваесеттина активисти на грчката фашистичка организација Хриси авгии (Златна зора) синоќа насилно ја прекинаа промоцијата на Грчко-македонскиот речник во Атина, што ја организираше партијата на Македонците во Грција Виножитоо.

Половина час по почетокот на промоцијата, групата маскирани лица влегле во Меѓународниот прес-центар лоциран веднаш до Министерството за надворешни работи на Грција со цел да предизвикаат инцидент. Тие дивееле во салата, ја оштетиле опремата на присутните сниматели, го уништиле промотивниот материјал и вербално ги нападнале промоторите, но никој не е повреден. Во обид да ги сними со својата камера, од физички напад се спасил и еден од промоторите, познатиот американски славист и лингвист Викор Фридман кој беше гостин на промоцијата. На снимките на телевизијата Сонце што ги објави ТВ Канал 55 се гледа како еден од членовите на групата насилници се заканува на професорка од Универзиетот во Волос и се обидува со својот шлем да го удри Фридман во што е спречен од предводникот на групата насилници. Откако не усепале да испровоцираат потежок инцидент и добиле информации дека кон прес-центарот се приближува полиција, членовите на Хриси авгии кои од неодамна се регистрирани како политичка партија, а досега беа во тесни врски со парламентарната националистичка партија ЛАОС на Јоргос Караџаферис, избегале, и промоцијата иако со тензија продолжила.

По доаѓањето на полицијата и по информациите дека други групи на грчки радикални структури се подготвуваат за други инциденти и напади на членовите на Виножитоо се повлекле на периферија на Атина. Еден од лидерите на Виножито Павле Васкопулос, за Канал 55 изјави дека ова е сигнал дека грчките власти почнуваат да се плашат од македонштината во Грцијаа. Инцидентот, вели, е голем срам за Грција што не може да го скрие од европската јавност.

Синоќешниот инцидент се случува пет дена пред изборите во Грција за Европарламентот кои се одржуваат в недела. Според грчките националисти, Грчко-македонскиот речник со 15.000 зборови подготвен од Васко Караџа не требало да биде воопшто печатен затоа што македонскито јазик не постоел. Промоторите на речникот, кој е прво такво издание во Грција, пак, истакнуваат дека тој е сведоштво за постоењето на Македонците во таа земја и одговор против режимски став на Атина за наводното непостоње на македонскиот јазик.

Видеото е достапно на http://www.greekalert.com/

Nemam zborovi so koi mozham da ja opisham radosta a i vosh*tot od hrabrosta na nashive Makedonci koi zhiveat vo deneshna Grcija. GOSPOD NEKA IM E NA POMOSH I NEKA GI SHTITI VO SEKOJ NIVEN CHEKOR.