Посни јадења

Еве ви уште еден предлог......

ориз со спанаќ......рецептата ви е позната.......100% сум сигурна.....

Наместо кисело млеко употребете кечап на крај.......ако сакате киселкаст вкус.....

Изменето од polzavce - 12.Март.2009 во 02:56

За оние кои сакаат нормално посно јадење еве ја вашата омилена пица......

Тестото се премачкува со кечап, се редат печурките, сецканите маслинки, растителниот кашкавал, се става оригано, се пече и готово јадење за час........

Палента со зеленчук.......

Палентата се вари во врела вода две минути.......Се додава во неа маргарин, маслиново масло, соја сос, сенф, вагета, сол и претходно варен зелечук (грашок, боранија, бролула....и сл)

Готово е јадењето.......

ЌОФТИЊА ОД ЛЕЌА

леќа, хељда, морков во ист сооднос (на пр. по ½ шолја од сите)
средината од 2-3 парчиња стар леб
по желба праз/кромид/лук/магдонос
сол, бибер, кари, вегета

Леќата се вари околу 30 мин. (да биде цврсто зрното) и се цеди. Хељдата се мие, се вари во малку вода (колку да ја покрие), првата вода се фрла; во втората вода се додава сол; кога ќе ја впие целата вода тогаш е сварена. Морковот се бари на пареа или се вари (ако се употребува праз истата постапка како за морковот). Зеленчукот се сечка на ситно, се меша со леќата и хељдата (ако нема хељда, може ориз или просо), се додава сув леб и се зачинува по вкус. Смесата се меша убаво, се остава да отстои за да го впие вишокот течност, се обликуваат ќофтиња (или ќебапи). Се редат во тавче посипано со брашно (може палента или презла место брашно) и се печат во претходно загреана рерна до 200°С околу 40 минути до 1 час.

ПОСНИ КОЛАЧИ

Бомбички од компир
Потребно:
250 г компири (или еден поголем)
250 г шеќер
250 г мелени ореви
Друг потребен материјал:
шеќер во прав
вода
Подготовка: Компирот измијте го и ставете во солена вода да се вари. Додека е врел излупете го и испасирајте го. Шеќерот залијте го со 200 мл вода и ставете го да се шпинува, околу 6-7 минути т.е. додека не почне да се лепи за ѕидовите на садот. Потоа во него додадете ги мелените ореви, испасираниот компир и масата убаво измешајте ја да се изедначи. Оставете малку да се олади, па кинете мали парчиња (колку половина од орев) и од нив обликувајте топчиња - бомбички, што потоа ќе ги валкате во шеќер во прав. Така подготвените бомбички, ставени во хартиени кошнички оставете ги 1 до 2 часа на воздух да се засушат.

хм... супер ...ете идеи ...тенкс

Чорба „сваштара“
2 моркови
1 тиквичка
250 гр. грав
2 излупени компира
2 домата, корен од целер.
главица кромид,100 гр. ориз
масло за јадење, сол и црн пипер.
Во тенџере на оган се вари гравот,компирите,морковите и целерот се сецкаат на коцки. По 30 минути гравот го тргаме од оганот и го цедиме. Во тенџере се додава маслото,кромидот и се запржува, се додаваат парчињата целер,морковите и компирите, исцедениот грав, тиквичката и излупени и исецкани домати. се налева вода околу 2 л. Вариме на тивко 1 час.Потоа во чорбата го додаваме оризот Се додава црн пипер и вегета. Чорбата се вари уште 20 мин.