Претседателски ТВ дуел

ZADOLZITELNO TREBA DA IMA DUEL, INAKU KAKO KE ZNAEME STO IZBIRAME. NE E VAZNA SAMO PARTIJATA STO STOI ZAD NEGO, MORA DA GO VIDIME COVEKOT KAKO SE SNAOGJA I BEZ PREGRATKATA OD PARTISKIOT SEF, KOGA KE SEDNE KONTRA OD NEGOVIOT RIVAL. TRAJKOVSKI DOKAZA DEKA PRETSEDATELOT MOZE I DA FUNKCIONIRA MNOGU DOBRO KOGA KE SE OTRGNE OD PARTISKATA KOMANDA

Кај нас се е уникум... затоа светот не изолира...
РЕЈТИНГ

Политикологот Петар Арсовски вели дека Македонија не треба да биде исклучок од светските демократски процеси, каде што телевизиските дуели имаат значајна улога во изборната кампања. Тој додава дека дуелот може да има големо влијание врз рејтингот, бидејќи граѓаните ги гледаат кандидатите во живо и може да проценат кој колку вреди.

- Според некои истражувања, се смета дека на изборите во Америка во 1960 година Ричард Никсон ги изгуби изборите од Џон Фицџералд Кенеди поради телевизискиот дуел. Факт е дека тој за кој треба да гласате, треба да го видите како се снаоѓа во живо. Жално е што во Македонија политичката практика се сведува на извештачени изјави - додава Арсовски. Според него, македонските политичари одбиваат телевизиско соочување или поради партиската стратегија или поради тоа што се плашат. И Арсовски смета дека изборниот дуел кај нас не е развиен во демократска смисла, оти нема парламентарна култура, учесниците си упаѓаат во збор, поради што некои политичари го избегнуваат.

Прв македонски политичар што одби телевизиско соочување е поранешниот претседател Киро Глигоров. Тој за претседателските избори во 1994 година одби да се соочи со својот противкандидат Љубиша Георгиевски. На последните претседателски избори во 2003 година сегашниот претседател Бранко Црвенковски и неговиот опонент Сашко Кедев имаа телевизиско соочување. Без телевизиски дуел поминаа и парламентарните избори во 2008 и во 2006 година, иако тогашните претседатели на СДСМ Радмила Шекеринска и Владо Бучковски јавно го повикуваа Никола Груевски да се соочат.