Лет во место или напред, назад!

Пред седумнаесет години и покрај нејасната и недефинираната желбата за независност кај дел од нашите политичари, граѓаните го дадоа своето речиси едногласно (97,9 отсто) „да“ на референдумот за самостојна и независна Македонија и секако за поквалитетна економија, подобар стандард, побрз развој, поудобна живејачка...

Животот на обичниот граѓанин на нашата држава, од 1991 година досега не се смени многу, но личната карта на државата со војната од 2001 и со законот за локална самоуправа и територијалната поделба на локалните единици година и те како се смени, македонскиот народ не е повеке народ туку е етничка заедница, една од повекето наведени во уставот...

Општествениот производ, кој во 1991 година изнесуваше 113,6 милијарди денари, за една и пол деценија порасна речиси три пати и достигна над 320 милијарди денари. Но, поголемата економска активност не беше доволна да ги задоволи потребите и вкусовите на домашниот пазар. Трговскиот дефицит од 245 милиони долари се искачи на рекордни 1,76 милијарда долари, со тенденција годинава да помине две милијарди долари. Македонија тргна во градењето самостојна држава со задолженост во странство од 842,1 милиони долари. Надворешниот долг сега изнесува 2,7 милијарди евра..

Се смета дека за овој долг, негативен  и транзициски период земјава е уназадена над 15 години. Ќе треба огромен труд, напори, идеи, капитал за да тргне напред и висока стапка на пораст, која не смее да биде под 9 отсто. За ваквите состојби вината, главно, е наша, на нашите политичари и експерти, но, голема одговорност носи и меѓународниот фактор, особено ММФ, Светската банка, ЕУ и САД, кои наметнаа стратегија погубна за земјите во транзиција, која ја прифатија нашите политичари, кои се однесуваа полтронски.

Здравство, образование, култура, уметност, спорт... се само сфери во кои изминативе години не се случи значителното подобрување на услугите кон граѓаните...

На политичката сцена се случија многу нешта, се променија лидерите во најголемите партии, Никола го замени Љубчо, Радмила и Владо го заменија Бранко, но голем дел од тогашните главни политички играчи се главни актери и денес.

Стигнавме пред портите на алијансата, каде што наидовме на грчко вето, станавме кандидати за зачленување во Унијата, но кога ќе бидеме дел од овие организации никој не знае да каже.

До кога ке имаме лет во место...никој не знае да каже...

...Нека ни е честит 8 Септември- денот на државноста...!!!