МУЗИЧКИ ВЕСТИ

Боб Дилан вовед во Охридско лето

За да има поголема посетеност, организаторот на концертот, „Авалон продукција“, истакна дека салата ќе биде приспособена за да има места и за седење и за стоење, а влезниците ќе чинат од 2.000 до 4.000 денари

Американскиот кантавтор Боб Дилан на 4 јуни ќе одржи концерт во „Метрополис арена“ во Скопје, а неговиот настап ќе биде најава за 50-тото издание на фестивалот Охридско лето. Гостувањето на 68-годишниот музичар пред извесно време беше потврдено на неговата официјална интернет-страница, но деталите до вчера не беа познати. Бобан Милошески од „Авалон продукција“, организатор на настанот, на прес-конференцијата ги откри причините за одолжувањето.

- Работите се одолжија затоа што сакавме Дилан да добие третман каков што заслужува, исто како и 50-годишнината на Охридско лето, чија златна најава ќе биде токму овој концерт - рече Милошески.

Министерката за култура, Елизабета Канческа-Милевска, го истакна значењето на Дилан во светот на уметноста и неговото гостување го дефинира како „извонреден настан“.

- Настапот ќе биде гламурозна антиципација на Охридско лето - рече Милевска и додаде дека комплетната програма на фестивалот ќе биде објавена до крајот на неделава, а во следниот период ќе има најава за уште едно големо гостување во земјава, кое ќе се одржи во последните месеци од годинава.

Бобан Милошески откри дека тие имале идеја Боб Дилан да настапи во Античкиот театар во Охрид, но голема пречка биле техничките услови на таа локација, фактот дека американскиот музичар не патува повеќе од 400 километри меѓу концерти и датумот на одржувањето, период кога времето е многу променливо. Боб Дилан на 2 јуни свири во Бук*решт, а следниот ден е во Софија. Имајќи предвид дека доаѓа со целосно своја продукција - светло и звук - организаторите изјавија дека „Метрополис арена“ била најлогичен избор.

За да има поголема посетеност, од „Авалон“ истакнаа дека салата ќе биде специјално приспособена во комбинација седење и стоење, што се отсликува и во цената на влезниците. Најевтините билети, за стоење на подиумот, ќе чинат 2.000 денари, а најскапите, за трите блока ВИП-седишта пред бината, ќе може да се купат за 4.000 денари. Уште пет блока „регуларни“ места за седење ќе чинат по 3.000 денари, а за стоење на балконот ќе се плаќа по 2.500 денари. Влезниците ќе бидат пуштени во продажба в понеделник. Детаљна листа на локации на кои тие ќе може да се набават има на интернет-страницата на „Авалон“.

EDVAJ CEKAMMMMMMMMMM
DA ODAM NA KONCERTOT.............

Сузан Бојл сака дуети со Лејди Гага и со Папата

	Коментари (1)

13.04.2010 12:26

Новата сензација на светската музичка сцена Сузан Бојл сака да сними дуети со Лејди Гага и Папата Бенедикт XVI.

Бојл, покрај тоа што сака да сними дует со скандалозната колешка, таа вели дека можеби и ќе добие некој совет во врска со облекувањето и модата, бидејќи посакува да носи некоја од ексцентричните шапки на Лејди Гага.

„Мислам дека Лејди Гага е извонреден изведувач со оригинален вкус, ми се допаѓаат сценските костими“, вели Бојл и додава дека сака да носи шапка во вид на телефон, слична на таа од Лејди Гага во нејзиниот најнов спот.

Четириесет и деветгодишната Сузан покрај овие желби, откри дека сака да има дует и со Папата Бенедикт XVI, бидејќи себеси се смета за личност која е многу побожна.

Дејвид Гета првпат во Македонија

На 9-ти мај во Метрополис Арена, ќе гостува Дејвид Гета, најпознатиот француски ди-џеј и продуцент и најбараниoт светски ди-џеj воопшто. Неговиот прв настап во Македонија е во организација на Октопуси Ентертејмент и Биг саунд, кои најавуваат спектакуларна забава.

Диџеј-от кој меѓу првите ја има претставено хаус музиката во Франција, денес постигна статус на една од најголемите ѕвезди во електронската музика. На сцената се има вклучено откако претходно и самиот организирал забави, а на своите клупски вечери во Франција канел диџеи како Дејвид Моралес, Дени Тенаглиа, Луи Вега и Френки Наклс.

Во 2001та Дејвид Гета го издаде својот дебитантски албум Just A Little More Love(2001), со истоимениот сингл кој се искачи на врвот на сите топ листи за електронска музика. Од него како хит се издвои и песната Love Don't Let Me Go. Со овој албумски проект Гета влезе во првата лига на француски, но и светски ди-џеи.

По одличниот комерцијален успех на првиот албум, Гета ги објави албумите Guetta Blaster(2004), Pop Life(2007) и One Love(2009), од кои произлегоа големите денс хитови кои како The World is Mine, Love is Gone, Baby When The Light и Delirious. Овие продукции се заслужни за подемот во неговата кариера и светската слава.

Според гласовите на британскиот магазин ДЈ Маг, тој е најдобро пласираниот хаус ди-џеј на минатогодишната топ 100 листа. Неговиот проект f**k Me I’m Famous стана светски познат бренд, под кој Гета редовно ги организира своите клупски настани. Минатата година беше номиниран за 5 Греми награди, а потврда за неговот комерцијален успех може да се сметаат бројните соработки кои ги оствари со поп ѕвезди како Akon, Black Eyed Pease, Britney Spears и Kelly Rowland.

Премиерно српската верзија на спотот на Каролина За година две
Каролина - Успомене на тебе

Голема работа, на што биле. 

Гласајте за македонски претставник на Балканските музички награди на кои учествуваат сите земји од Балканот и сите најпознати изведувачи.