ФИФА СП (Мундијал)

bojata e bitna za vecer...

i u vakvo fustance vecer da se obleces... i stavi dzish crven karmin, da znaat deka navivas za Spanija...

poleka, kje mi gi dupnes tapancinjata...

eve ti cvekje od mene...

Изменето од Marko Polo 1 - 11.Јули.2010 во 18:04

Интересни trailers за тоа што ни претстои вечер...
Финале trailer 1
Финале trailer 2

Победникот ке си ја испише својата историја ... Кога е така ... нека е тоа Холандија

Роџер Мила разочаран од СП: Никој повеќе не знае да прослави погодок како што треба

Легендарниот Роџер Мила, најдобриот африкански стрелец на светските фудбалски првенства, е незадоволен од прославата на погодоците од страна на фудбалерите во Јужна АФрика.

Мила стана популарен благодарение на незаборавната прослава на погодокот на Светското првенство во Италија во 1990-та година ког апо секој погодок играше околу корнер-знаменцето, и оттогаш многумина играчи смислуваат разни начини со кои ги прославуваат своите погодоци.

Откако што Светското првенство во ЈАР стигна до самиот крај, Роџер Мила изјави дека е разочаран од недостатокот на ентузијазам при прославата на погодоците на овој турнир.

„Кога би можел да изберам некој кој би ме задоволил, тоа би била екипата на Јужноафриканската Република. Тие посебно ми се допаднаа бидејќи целата група фудбалери играа при прославата.“ - изјави легендарниот камерунец кој додаде:

„Никој не може да прослави гол како што јас го правев тоа. Мојата прослава беше прва и импровизирана. Треба да поседувате вроден ритам. Прославата треба да биде лична, и поинаква од останатите. Мора да ја нагласувате убавината и радоста на фудбалот. Затоа фудбалерите со играњето по погодоците на навивачите мора да им ја возвратат љубовта која тие им ја покажуваат.

Роџер Мила

Германија славеше во малото финале

Германија го освои третото место на СП во Јужна Африка. Во малото финале го совлада Уругвај со 3:2, во натпревар ослободен од притисоци и калкулации, а богат со фудбалско надигрување, како што доликува на еден Светски шампионат.

Уругвај загуби и 7-ми пат во 10-от натпревар против Германија, но барем овој пат беше конк*рентен, сигурен во играта и близу до подвиг.

Германците поведоа во 19-тата минута со погодокот на Томас Милер, петти негов на првенството, колку и лидерите Виља и Снајдер.

Водството можеше да дојде и порано, но Фридрих ја погоди пречката, уште во десеттата минута. Уругвајците не нападнаа особено по негативата, но трпеливо ја чекаа шансата.

Во 28-та минута, по една грешка на Швајнштајгер Кавани доби подарок контра напад кој го реализираше за израмнување.

1:1 важеше на полувреме, а потоа шоу. И двете екипи тргнаа со напаѓачки мисли, а прв Уругвај профитираше. Во 51-та минута Аревало Риос асистираше а Форлан го награди со одличен волеј за целосен пресврт. При тоа и тој го прослави 5-от гол на мундијалот приклучувајќи им се на Милер, Виља и Снајдер.

Сепак, германците бргу се созедоа и по 5 минути ја вратија рамнотежата. Јансен беше стрелец на голот, откако Муслера реагираше лошо.

Во продолжение Суарез го стави на тест Бут со шут од далечина, но искусниот голман одговори со атрактивна парада.

Пресудна се покажа 82-та минута кога Кедира, искористи мешаница во шеснаесетникот да го постигне првиот првиот репрезентативен погодок за водство на Германија од 3:2.

За миг запре здивот на германските гледачи на Порт Елизабет во судиското продолжение, кога Форлан од слободен удар ја погоди пречката.

Германците четврти пат се израдуваа на бронзен медал од светските првенства, додека Уругвај и во третиот обид остана најслаб полуфиналист.

Мирослав Клосе го заврши мундијалот на клупата и поради повреда немаше шанса да ги нападне 15-те гола на мундијалите на Роналдо. Остана на 14 колку и сонародникот Герд Милер.

Огнената Шпанија VS расцутените Лалиња

На "црвената фурија" ова и е историско финале, додека Холандија по пауза од 32 години по трет пат ќе се бори за пехарот

Едно е сигурно, победникот за прв пат ќе биде најдобар на светот, но дали тоа ќе станат репрезентативците на Холандија или на Шпанија ќе дознаеме утревечер во Јоханесбург (20. 30 ч.) по одигрувањето на финалето на 19. Светско фудбалско првенство во ЈАР.
За разлика од "црвената фурија" на која ова и е историски финален натпревар, "лалињата", по пауза од 32 години по трет пат ќе се борат за пехарот.

Колку и да звучат импресивни резултатите на двете репрезентации кои успеаја да ги елиминираат великаните Бразил, Уругвај и Германија, европски шампион, Шпанија, ќе ја има улогата на благ фаворит.
Идентично е размислувањето на сите фудбалски експерти дека не постои селекција која може да излезе на крај со креативните способности на Вилја, Торес, Чави, Иниеста, Силва и Алонсо.
- Мислам дека ќе нема некои измени во првиот тим. Презадоволен сум од ефектот на Педро. Торес доби шанса во првите пет натпревара затоа што мислевме дека е во добра психичка состојба. Клучот на успехот лежи во дефанзивната игра. Ако играме добро пред нашиот гол како што игравме против Португалија и Германија, тогаш можеме слободно да се надеваме на нов историски успех, изјави селекторот на Шпанија, Винсенте дел Боске.

Неговиот колега од спротивната страна, Берт ван Марвијк, додава дека неговите фудбалери ќе мора да се надминат, бидејќи само така може да се забележи позитивен резултат.
- Никој нема да се сеќава на победите против Уругвај, Словачка, Камерун, Данска и Јапонија. Сите ќе се сеќаваат на победникот и на поразениот во финалето. Ќе играме против најсилниот противник моментално во целиот свет. Шпанија е мотив плус да одиграме на највисоко можно ниво. Не смееме да направиме ниедна грешка. Мора да бидеме сконцентрирани во сите 90 минути. Да бидеме совршени во додавањата и финишот од акциите. Ако се надминеме, тогаш може да се надеваме на позитивен резултат, изјави селекторот на Холандија.

ПРЕМИИ
За првакот - 20,5 мил евра
Светската фудбалска федерација (ФИФА) ќе им подели 280 милиони евра на 32-те екипи -учеснички на Мундијалот 2010. Тоа е за 61% повеќе во однос на СП 2006.
Новиот светски првак - Холандија или Шпанија, ќе добие премија од 20,5 милиони евра, а финалистот ќе заработи 16,5 милиони евра.
Елиминираните во 1/2-финалето, Уругвај и Германија ќе добијат по 15 милиони евра. Интересно е дека фудбалерите на репрезентацијата на Германија ќе бидат премирани само со по 100.000 евра или околу 3 милиони евра. Другиот многу поголем дел од сумата (12 милиони евра) ќе се слее во касата на Германскиот фудбалски сојуз.
Ако беа финалисти Германците пак ќе освоеја по 150.000 евра, а во случај на освојување на титулата - по 250.000 евра.