РАКОМЕТ - новости

ПРВИОТ ПОРАЗ НА КОМЕТАЛ ИЛИ ОСТАВАРУВАЊЕТО НА НАЈДАЛЕЧНАТА ЖЕЛБА НА МНОГУ КЛУБОВИ СЕ СЛАВИ "КАКО ШТО Е РЕД

До вчера беше научна фантастика... некој македонски клуб да го победи Кометал Ѓ. П. во домашното првенство. На самата помисла на нешто такво ќе ве исмееја и направеа будали сите кои макар малку разбираат ракомет.
"Се врти тркалото" е старата и уважена мудрост, а во нејзината точност се уверија... поточно се уште не можат да поверува македонската спортска јавност.
Неприкосновениор Комета;л, непобедливиот шампион ја заокружи, не најнеуспешната, туку најтрагичната сезона во клупската историја. Не само што не направи ништо "вредно помена" во Европа, туку успеја да ја сруши традицијата која траеше откако траше македонското ракометно првенство.
Кометал Ѓ. П. или ако сакате повеќе Ѓ. Петров загуби првенствен натпревар во македонската "Супер" лига. Лигата е далеку од "супер", а клубовите далеку од некое забележително европско ниво, но Ѓ. Петров ниту во оваа конк*ренција не можеше да ја задржи улогата на непобедлив. Жално, јадно, трагично за екипата која пред седум години беше европски шампион, тим кој во последните 9 години има 3 европски ЛШ финалиња, екипа која успеја да собере преку 100.000 луѓе на улиците на Скопје да ја прославуваат нивната и наша европска шампионска титула.
Сега, односно во саботата се славеше во Кичево. Налик на Скопје од 2002. Зурли и тапани низ улиците, автомоболи кои возат полека и трубат, буквално сите ресторани и кафулиња во славеничка атмосфера, локалните радија и ТВ бомбардирани со позадрави и честитки за големата победа на Кале Кичево над Кометал Ѓ. П.
Навистина тоа веќе не е Кометал, туку само Ѓ. Петров, но... наследник е на сите негови титули, но без разлика како се вика спонзорот, оваа екипа во ракометна Македонија има само едно име "Кометал Ѓорче Петров".
А Кометал во саботата го допре дното. Додуша, само за прв пат. Како оди, веќе нема да биде ни чудо да се опишуваат поразите на овој клуб, нешто за што веќе рековме, без трошка грижа ќе бевме прогласени за "лудаци" ако го прогнозиравме.
Но го прогнозираа и посакуваа, не малку, многу клубови.
"Се случи тоа што го очекуваа и посакуваа многумина. Во ситуацијата во која сме, без толку многу играчи, со судии кои не заслужуваат да судат вакви натпревари, Ѓ. Петров загуби натпревар", изјави тренерот на скопскиот тим Владимир Глигоров.
Тој останува на кормилото на скопскиот клуб. Во ситуацијата во која се најде, се чини се ни можеше да направи повеќе. Се покажаа сите напревилности, сето аматерско работење, не само на управата. Во прв ред ги ставам играчите. Професионалноста не се брои на трансакциска сметка, како што тие очигледно ја бројат, па тренинзите станаа "зезање", а, ако не си спремен, повредите се не само очекуван туку единствен реален епилог. Крајниот е оној што Ѓ. Петров го имаше во Кичево. Веројатно ќе го има во уште некоја варијанта. Ќе се слави во уште некој град.
На Кометал му останува да се привикне на улогата "лузер", а на спротивната страна, во Кичево се славеше на сите страни, со огномети, зурли, тапани и солзи радосници.
"Не знаете колку пати сме ги гризеле усните и ние и верувам сите други од немоќ и фурстрации кога сме играле со Кометал и сме губеле со десетина и повеќе голови разлика. Сме се молеле на бога да се најдеме еден на еден со нив, но без странци. Наши играчи со нивни играчи. Еден на еден. Еве се случи и тоа и тоа е најубавиот меч за нашиот тим. Не се ситиме што Кометал сега е слаб, навистина ни е жал што е таква ситуацијата кај нив и им посакуваме што побрзо да излезат од кризата. Но, знаете, кога во една лига еден е доминантен 17 годни дека за другите не е лесно воопшто. Не е лесно да докажеме никому дека работиме како што треба затоа што, ' ќе дојде Кометал и ќе те победи со 100 разлика'.
Е па, сега дојде и ние го победивме. И ние, Кале Кичево и ќе останеме запишани во историјата дека први сме го направиле тоа. И сега ќе одиме на тоа да ги победиме и во Купот и да ставиме крај на нивната доминација", вели претседателот на кичевскиот тим, Љупчо Петковски Шеќерко.
"Ова мора, едноставно, мора, да биде потстрек на сите кичевски фирми и локалната самоуправа да почнат да не сфаќаат сериозно и да почнат да не помагаат. Ние развиваме пионерски, младински итн. школи, анагжираме играчи се чудиме од месец во месец како ќе излеземе на крај, но никој не не сфаќаше сериозно затоа што имаше еден "голем" тим - Кометал. Ете го... ние сме првите кои го победиле, срушивме мит за нивната надмоќ и сега очекувам конечно да почнат да не сфаќаат такви какви што сме", вели Шеќерко.
Колку што е познат, Кале, во ракометниот свет во Македонија далеку попознат е нивниот директот Масаро. Во ракометот е едвај 4-5 години, но нема кој не го знае, најмногу поради забавнбиот карактер.
"Си фантазиравме на почетокот на сезоната, на пример, ако ги имавме бившите ни играчи, Карбеска, Лашкоска, Андрејева, Ацковска дека оваа година би можеле да го победи Кометал. Го победивме и ако пројде еден ден мене не ми се верува. Ваква еурофрија не сум доживеал и ова вреди за се што сме вложиле и нервози и пари и се досега. Чувството не неописиво. Станавме првите кои по повеќе од 15 години го совладале Кометал. Невозможно, не ми се верува. Ова е датум кој секоја година ќе го славиме со роденденска торта и кога секогаш ќе се споменуваат имињата на екипата и раководството кои први го победија Кометал Ѓ. П. Секогаш ќе се споменува Масаро, Шеќерко, Сани, Ивана, Симона, Благица, Јелена итн. Ќе се прераскажува секој гол секој пенал, исклучување, неповторливо... ", изјавува Масаро без да ја крие возбудата.
Останува сега на Кале Кичево да продолжи таму кај што застана. Ѓ. Петров им ја разубаве годината, но има уште многу да се игра, иако верувам, што и да се случи на крајот, кичевскиот тим ќе има гоолема насмевка на лицето.
Р. Ѓ.

Спремни за компјутеризација
"Слушнавме што вети претседателот на РФМ Михајловски. За мене како сопственик на кабелска телевизија тоа не само што не е проблем, туку е и полесно. Ние сме спремни за компјутеризација. Имаме опрема, луѓе, останува РФМ да ни донесе софтвер. Ние и сега имаме некакви пробни програми, но официјалниот како што го има ЕХФ го чекаме од РФМ. Доста ни е од машини за куцање и едвај чекам да ја фрлам во ѓубре. Досега не можевме да правиме компјутерски записници затоа што РФМ не ни дозволуваше. Се плашам само дали се другите спремни за такво нешто, еве Кометал на пример итн...", коментираше Петковски Шеќерко за најавата на Михајловски за компјутеризација на РФМ.

Прием кај градоначалникот
Ракометарките на Кале Кичево по повод победата над Кометал ќе бидат гости на коктел кој за нивна чест ќе ја организира Владо Толески, градоначалникот на Кичево.
Кичевките очигледно привлекоа внимание, сега треба да привлечат и спонзори, а локалната власт е посебно во помалите места, вистинското место каде што треба да се почне.

Раде ме удри, затоа го вратив назад!

Еуфоријата по враќањето на македонските репрезентативци од настапот на мундијалот полека почна да стивнува. Барем во оној убавиот дел, кога се славеше, се примаа честитки и се најавува нови светли моменти.

Сега доаѓа еден малку поинаков период. Сега е ред да се направат анализи, да се види што е сработено, а што не е. СП е еден успешно завршен циклус, новите предизвици веќе се на врата и треба веднаш да се продолжи таму каде што се застана.

А продолжуваме со информации кои сигурно нема да ја израдуваат, ниту, пак, да ја остават рамнодушна македонската ракометна јавност.

Селекторот Илија Темелковски денеска ќе поднесе извештај до Дисциплинската комисија на РФМ, ќе бара постапка против играчот Радослав Стојановиќ.

Со ова би требало да бидат отстранети сите дилеми и да биде даден одговор на прашањето на голем број на навивачи, зошто на ова првенство не играше Раде Стојановиќ.

"По мечот со Германија, во ходникот ме пресретна Стојановиќ. Со мене беше и тренерот Шундовски. Пруживме рака да се поздравиме, во стилот 'загубивме, тоа е тоа'. Но, тогаш, со другата рака ме удри и продолжи како ништо да не било.

Реагирав јас, реагираше и Шундовски, но Стојановиќ си продолжи", вели селекторот Темелковски. "Веднаш го информирав раководството на репрезентацијата за настанот и донесовме став ова да го решаваме по мундијалот.

Ова беше тајната која ја чуваше во соблекувалната македонската репрезентација. Во интерес на атмосферата во тимот, атмосферата меѓу другите играчи, во интерес на реномето на македонската репрезентација на мундијалот во целост. Информацијата, сепак, си најде начин како да излезе од соблекувалната, но беше од редот на шпекулации. Се до вчера, кога Темелковски излезе во јавност со деталите.

"Сега немам што и зошто да кријам. Реков, штом заврши ова ќе излезам во јавност, а денеска доставувам и пријава до Дисциплинската комисија на РФМ", вели Темелковски.

Што претходеше на сето ова? Стојановиќ, кој беше стартер и во квалификациите и на баражот, не беше во составот на првите четири натпревари. Темелковски вели од тактички причини.

"Не бев убеден дека Стојановиќ е подготвен, тој не ги одработи подготовките максимално поради повредата на коленото. Тоа е едно, друго лично сметам дека повеќе можи да пружи на зона 6:0 отколку на длабока. Заради тие две причини не беше на дуелите со Тунис и Алжир. Откако го совладавме Алжир, решив да не го менувам тимот и за со Полска. Одигравме одлично и со Полска, па истиот состав остана и со Германија. Загубивме, но без разлика, како и да завршеше мечот со Германија, Стојановиќ сигурно ќе беше во тимот за натпреварот со Русија. Но, инцидентот се случи по мечот со Германија и по тоа веќе немаше смисла да го оставам во тимот и затоа беше вратен назад, а на негово место повикан Стојан Стоилов", вели Темелковски.

Во јавноста на големо се шпекулира(ше) дека Стојановиќ не бил во составот за сметка на некој друг, конкретно - Филип Лазаров. Наводно бил вршен притисок за тој да мора да игра, а од приказната не е изоставен ниту Кирил Лазаров.

"Тоа се глупости. Стојам зад изјавата дека никој не ми се мешал во составувањето на составот. Имав целосна слобода во работата, нормално се консултирав со тренерскиот тим, но притисоци за тоа кој да игра, а кој не, немало од никого", вели Темелковски. "Можам да претпоставам зошто шпекулациите одат во тој правец. Нашата лева страна не беше како десната. И не може, затоа што десно го имаме Кире Лазаров. Луѓето веројатно очекуваат и од другата страна таква ефикасност, но тоа не е изводливо во нашиот тим. Филип тука е постојано на удар. Јас од левите бекови и барав да разиграат за десната страна и центрите. Имаше некои избрзани шутови од таа страна, грешки, но тоа е дел од играта", вели Темелковски.

Темелковски пријавата до дисциплинската ќе ја достави денеска, процедурата пред носење одлука предвидува да се достават изјави, што значи дека во најдобар (најбрз) случај епилог на ова ќе има следната недела.

Стојановиќ: Жртва на заткулисни игри!

Секоја приказна има најмалку две страни, а репрезентативниот бек ги демантира изјавите на селекторот.

"Дека не го удрив - не го удрив. Ако го удрев сето тоа поинаку ќе изгледаше", вели Раде Стојановиќ. "Се поздравивме, не беше 'најпријателски', беше малку неспортско од моја страна, но не го удрив! Зошто Темелковски дава вакви коментари и изјави не знам. Веројатно сака вака да ги прикрие недостатоците и заткулисните игри. Македонија направи убав успех, но јас сум убеден дека можевме многу повеќе доколку се беше како што треба. Сега во ситуацијата јас излегувам жртва на тие игри. Зошто? Не знам. Можеби не сум финансиски доволно подготвен за да играм во поставата на Темелковски", вели Стојановиќ. "Не е точно дека не сум бил физички подготвен за игра. На Златибор одработев максимално и сметам дека бев меѓу физички најподготвените играчи во репрезентацијата. Го пропуштив само турнирот во Швајцарија, поради коленото, но сето тоа беше под контрола на докторите. Значи, повредата не е причина поради која не играв, причините се други. А нив ги знае селекторот. Тоа е се што имам да кажам и немам намера да се впуштам во медиумски докажувања со него", вели Стојановиќ.

Се ближат нови квалификации, важни натпревари со Исланд, Норвешка. Стојановиќ може ќе биде, можеби не на тие списоци.

"Јас не играм за Темелковски или за овој-оној. Играм за Македонија. Професионалец сум, значи, ако ме повикаат да играм за Македонија ќе играм", вели Стојановиќ.

ФОТО: Еуфоричен пречек за македонските ракометни херои


Повеќе од илјада вљубеници во ракометот доцна вечерва им приредија спектакуларен пречек на најдобрите македонски ракометари, кои на Светското првенство во Хрватска го освоија 11 место. Илјадници шалови, капи, маици, знамиња со името и боите на нашата држава вечерва беа доминантен дел од кореграфијата на аеродромот "Александар Велики".





Еуфорично, со развеани знамиња и насмевка на лицата, македонските граѓани се обидуваа да стигнат до спомен фотографија со своите миленици.

Погледајте повеќе слики од атмосферата на аеродромот "Александар Велики" и прочитајте ја целата вест на www.sportnet.com.mk

На пат со позитивни мисли

Машката сениорска репрезентација на Македонија денеска заминува за Хрватска каде што в сабота ќе го одигра првиот натпревар на Светското првенство против селекцијата на Тунис. Ракометарите денеска патуваат за Вараждин каде ќе претстојуваат до следниот четврток.
По десет години Македонија одново е на Светското првенство, а вчера репрезентацијата беше во центарот на вниманието. Денот почна со приемот кај премиерот на Македонија, Никола Груевски. Продолжи со прием од поглаварот на македонската православна црква, г. г. Стефан, а последниот прием беше во Агенцијата за млади и спорт.
Сите приеми завршија со прес-конференцијата која се одржа во РФМ, а на неа говореа селекторот Темелковски, како и ракометарите Кире Лазаров и Ванчо Димовски.
"Сите сме свесни за тоа колку е голем предизвикот што го носи самото учество на Светското првенство во Хрватска. Затоа и подготовките беа засилени во овој период. Сакаме колку е можно поподготвени да настапиме на Мундијалот и да се прикажеме во најдобро светло. Задоволен сум од сработеното и од она што го видов на контролните натпревари досега, како и од мотивираноста која беше на максимално високо ниво".



Во минатиот период имаше доволно време за да се видат квалитетите на сите ривали од првата рунда, а од сето ова може да се заклучи дека ќе треба да се одигра максимално во текот на целиот шампионат.
"Во Вараждин не чека силна група во која ќе мораме да дадеме максимум доколку сакаме да постигнеме успех. Мораме против сите да одиграме на ниво и очекувам да стигнеме до добар резултат. Ќе одиме чекор по чекор на првенството. Тунис е нашиот прв противник. Има добар тим, кој с$ почесто прима европски стил на игра. Ракометарите настапуваат претежно во Франција, но ние се подготвуваме за нив и се надевам дека сите ќе можат да дадат 100 посто на теренот".
Ракометарите на тренинг минаа повеќе од 25 дена. За овој период имаа можност да одиграат и пет контролни средби. Сето тоа беше доволно за да се види каков е квалитетот на нашата селекција, а може да се заклучи дека сите ракометари се подготвени за игра.
"Атмосферата во репрезентацијата е одлична. Здравствениот билтен е добар и сите 16 ракометари се подготвени за настап. Ме радува фактот што на контролните средби со Саудиска Арабија и Црна Гора во тимот ги имавме и Ванчо Димовски и Раде Стојановиќ кои се многу важни за репрезентацијата. Тие се подготвени за настап и нам тоа ќе ни користи максимално", заврши Темелковски.
На изјавите на селекторот се надоврза и капитенот Кире Лазаров, кој кажа дека не треба да има кревање во воздух предвреме туку мора да се оди смирено и чекор по чекор на сите натпревари.
"Некако се прави еуфорија пред овој настап на првенството. Тоа е добро, но мораме да бидеме внимателни. Се гледа дека сме единствени и максимално сложни. Сепак, мораме да ја спуштиме топката на земја и смирено да ги дочекаме натпреварите кои ни претстојат. Ние сме нови на ова натпреварување и немаме доволно искуство. Затоа мораме да бидеме внимателни. Мораме да одиме чекор по чекор и да играме добро. Едно е да играме контролни, а друго ваков тип средби и затоа мораме да бидеме максимално организирани пред секој дуел", коментираше Лазаров.

Македонија ја совлада Саудиска Арабија

Македонските ракометни репрезентативци ја победија селекцијата на Саудиска Арабија со 27:20, во првиот меч на божиќниот турнир на три нации, што викендов се одржува во Скопје.

За разлика од дуелот со истиот противник на минатонеделниот турнир „Жолт куп“ во Швајцарија, кога нашиот тим победи само со еден гол разлика, во салата „Борис Трајковски“ вечерва многу полесен триумф над репрезентацијата што исто така ќе учествува на претстојното Светско првенство.

Епилогот беше најавен уште при водството од 11:6 во 20-та минута, а победата речиси потврдена со убедливите плус осум гола на полувреме, кога беше 17:9.

Во продолжението селекторот Илија Темелковски можеше да тестира повеќе различни тактички варијанти.

Последната контрола на формата и на подготвеноста пред мундијалот во Хрватска што почнува наредниот викенд, македонскиот национален состав ќе ја има утре вечер против селекцијата на Црна Гора.

Саудиска Арабија и Црна Гора в недела ѓе го затворат овој мини-турнир во Скопје.

"Натпреварот против Германија, беше тежок и неизвесен"

- da be , vo prvite 10 min...

igraa odlicno, i da ne vlezese Veselinka i dobiese 2-3 smesni gola, moze i ke pobedevme