Поучни случки

Не оплакувај се поради твојата сопруга (Брачни совети) – Старец Јосиф Ватопедски

И, денес сум принуден да зборувам за ова прашање, исто така. Тоа е во некоја смисла смел потфат, но потребата ме предизвика да го покренам ова прашање, кога секој ден ги слушам мажите како велат “жена ми е ваква, жена ми е таква, сите жени се ѓаволи …”.

Па, прашувам: “Извини, мил пријателе, но оваа жена за која зборуваш – зарем ти не се ожени со неа?”

“Да.”

“Па тогаш, кога си се оженил со неа, зарем не ја најде сета љубов, нежност и среќа во нејзината личност?”

“Да.”

“Па, зошто се промени сега? Таа е истата личност и кога си се оженил со неа, и сега. Гледаш ли дека ти си виновен?”

Верниот сопруг кој не ја напуштил својата прељубодејна жена

Ќе ви кажам за уште една карактеристика на соодветен брачен другар, која е исклучително тешко да се најде во наше време. Но, ние сретнавме еден таков човек. Тој беше на секој начин совршен карактер, христијанин, и целосно социјален (живееше во светот – заб.на прев.). Тој се ожени подоцна, околу триесетата година, не затоа што не беше благонаклонет кон бракот, но затоа што мислеше дека тоа е така како што треба да биде. Така, тој ја кажуваше својата молитва со вера, и си најде млада девојка со која се ожени. Девојката беше млада, десет години помлада од него. Набргу, откако се ожени со неа, таа го започна своето злодело. Тој се преправаше дека не забележува; ја гледаше како своја ќерка, а себе си – како нејзин татко. Како и да е, тие имаа важни бизнис интереси во странство и требаше да одат таму, дури иако само привремено. Така тој ја зеде и отидоа во странство. Кога стигнаа, таа стана многу своеглава, и си велела на себе: “Тој намерно го направи ова за да ме оттуѓи од мојата средина. Ќе го напуштам.” Така таа го напушти и го остави. Се врати во Грција, и каде мислиш дека отиде? Во едно од оние “казино” места, и почна да го живее животот на слободна жена – на онаа која е платена.

Мажот, меѓутоа, од денот кога таа замина од него, никогаш не престана да се моли со солзи и упорно, всушност, да изнудува од Бога: “Седобар, јас нема да се откажам, јас нема да Те оставам Сам; Ти беше Оној Кој ми ја даде мојата жена. “Од Господа човекот и жената се усогласени” (според Библијата). Ја сакам својата жена. Ако младата девојка беше измамена, зарем мора да биде изгубена? Зошто  слезе Ти на земјата? Зарем не дојде да ги најдеш оние кои се изгубени, да ги исцелиш болните, да ги воскреснеш мртвите? Јас нема да се откажам. Нема да Те оставам да се успокоиш. Ја сакам мојата жена; врати ми ја.” Тој плачеше цели две години.

Неговата молитва на крајот беше услишана и младата жена се вразуми. “Оф леле,” призна таа, “Бог ќе мора да создаде уште еден пекол, бидејќи овој е премногу мал за мене!”

Така таа седна и му напиша писмо, велејќи: “Јас не се осмелувам да се обратам на твоето име; го немам тоа право. Ако се вратам, ќе ме прифатиш ли како твоја слугинка?”

Тој одговори: “Љубов моја, зошто го спомна тој збор и ги повреди моите чувства? Зарем не бев јас што те испрати на одмор и јас копнеев мојата љубов да се врати во моите раширени раце?”

Така, тој отиде и ја чекаше на аеродром, како што се договорија. Кога таа пристигна, падна и почна да се тепа себе си и да плаче. Тој ја зеде во своите раце.

“Љубов моја, зошто си ваква и ги повредуваш моите чувства? Копнеев повторно да те видам. Ајде сега да си одиме дома, ние никогаш не се разделивме – секогаш бев со тебе.”

Од тогаш, оваа млада девојка се покажа како верна жена.

Овој е ставот кој мажот – сопругот – треба да го завземе. Ако сопружниците се како овие, тогаш покажи ми која жена е лоша?

Внеси реплика	страница <1 9 101112 13 23 >
Tweet