Изобилство од бисери во новата колекција накит на Шанел

Новата импресивна колекција на накит од модната куќа Шанел која беше официјално промовирана на Париската недела за Висока Мода вклучува 87 парчиња, инспирирани од изгледот на најубавите цветови камелиите и инаугуративната колекција која Коко Шанел ја промовираше во 1932 година, а за изработката биле користени пердуви, специјални бисери и украсни ленти. Од 2006 година па се до денес Шанел фокусот во изработката на колекциите на накит ја насочи исклучиво кон употреба на бисери, во различни бои и големини.

„За Шанел како бренд, бисерите претставуваат еден вид скриен луксуз и таен рецепт кој го диктира класичниот безвременски стил. Освен тоа тие се и многу лесни за обработка, лесно ги наоѓаме, се одликуваат со сензуалност и ја нагласуваат еволуцијата на стилот кај жените во различни временски епохи“, вели Бенџамин Комар, меѓународен директор на Шанел колекциите за накит.

Третина од колекцијата се ѓердани кои се изработени од 47 вида на бисери кои се наоѓаат во Јужното море, со префинета изработка на истите во комбинација на дијаманти и 8 каратно бело злато. Во продолжение погледнете 15 највпечатливи модели:

Накитот често пати е симбол на материјалниот статус, украс кој го изразува личниот вкус и вкусот на моменталните модни трендови. Накитот е неизоставен дел од изгледот, па затоа многу внимателно треба да избираме што и како носиме.Ретко останува незабележан и секогаш ја надополнува навидум едноставната комбинација

Кога станува збор за модните трендови кај накитот, трендовите се менуваат секоја сезона. За да бидете во мода оваа година, ви предлагаме неколку парчиња накит кои лесно ќе ги вклопите во вашето секојдневие.

Огрлици

Должината на огрлиците се повеќе се смалува во изминативе сезони. Сега кратките огрлици во повеќе слоеви кои се припиваат за вратот и деколтето се тотален моден погодок. Важно е таа да биде масивна и упадлива.

XXL

Ако имате можност да бирате, оваа сезона изберете ги најголемите парчиња накит. Овој тренд не се симнува од врвот веќе некое време, а брзо е прифатен и во секојдневниот изглед на многу познати дами. Така што, без разлика дали ќе се одлучите за краток или долг фустан, кошула и класично здолниште или обична маичка и фармерки, огромните обетки или огрлици ќе бидат полн погодок!

Масивни обетки

Масивните обетки инспирирани од барокниот стил, со многу каменчиња се нешто што оваа сезона не смее да го одминете. Раскошни се и многу ефектни.

Приврзоци со реси

Пред неколку сезони обетките со реси беа хит, а сега ресите се враќаат но во облик на приврзоци за долги ланчиња. Нека ве инспирираат ‘70тите години и нема да погрешите.

Голем број нараквици

Широките кожни нараквици во разни бои и дезени се она што е моден хит според врвните дизајнерски куќи. Ви предложуваме да си набавите неколку кои кога ќе ги склопите ќе изгледаат како една модерна целина. Може да ги комбинирате и со квалитетен часовник.

Животински мотиви

Сигурно веќе забележавте колку накит има со животински мотиви и шари. Набавете си еден оригинален прстен или долго ланче со приврзок во облик на некое животинче и спремни се за сезоната која ни претстои.