Блага дехидратација може кај еден човек да го дестабилизира расположението, нивото на енергија и способноста за размислување, покажала студијата спроведена на американскиот Универзитет во Конектикат.

Дури и мала дехидратација, губитокот од 1,5 отсто од нормалниот волумен на вода во телото, може да го наруши балансот во нашиот организам, особено кај жените. Најчест проблем кој се јавува е мигрената.

Чувството за жед не се ни јавува се додека не дехидрираме 1 или 2 отсто. Дотогаш дехидратацијата е веќе присутна и влијае на нашиот мозок и телесна состојба.

Во истражувањето учествувале 10.000 луѓе и откриено е дека кај младите жени блага дехидратација предизвикува главоболка, замор и тешкотии при концентрација. Кај помладите мажи откриено е дека се јавуваат потешкотии при некои активности, посебно во подрачјето на памтењето.