Треба да смислите јадење кое е составено од едноставни состојки, кои ќе бидат прифатени од повеќето гости. Совршена комбинација за такви ситуации се компири и кашкавал. Во таков случај, нема да погрешите.

Овој рецепт, кој претставува балканска комбинација од швајцарскиот раклет и лазањи, е вкусна и креативна комбинација, направена од состојки кои се омилени за многумина.

СОСТОЈКИ
• 8 компири со иста големина
• 200 гр шампињони или вргањ
• 100 гр кашкавал (едамер или друг погоден за топење)
• 1 главица кромид
• магдонос, лук, сол, бибер
• бешамел сос

ПРИГОТВУВАЊЕ
Излупете ги компирите и ставете ги да се варат. Кога ќе бидат малку омекнати (доволно за да можете да ги издлабите), исечете ги на половинина и на средина издлабете ги со лажица.

Во меѓувреме, исецкајте и издинстајте го кромидот, сѐ додека не добие златно-кафена боја. Потоа, додадете ги исецканите печурки.

Посебно направете бешамел сос со маргарин, брашно и млеко, или можете да ставите само хопла за готвење. Дури е уште топол бешамелот, додадете ги сите состојки. Со смесата наполнете ги компирите, зачинете по ваш вкус и ставете ги да се печат во огноотпорен сад.

Печете 20 минути, дури не добијат златеста боја

Оваа е еден начин да добиете совршено мека и сочна мисирка, а со тоа и да се покажете како одлична домаќин/ка.

СОСТОЈКИ
• 1 мисирка од 4–5 кг
• неколку парчиња тенко исецкана димена сланина
• 1 главица кромид
• 1 праз
• малку лук
• сол
• вегета
• 1 дл масло за јадење
• 2–3 дл бело суво вино
• чаша пиво
• 2 ловорови листови

ПРИГОТВУВАЊЕ
Откако целосно ќе ја одмрзнете мисирката, премачкајте ја со вегета и толчен лук. Направете засеци по нејзината површина со помош на нож и наполнете ги засеците со сланина и лук. Потоа, мисирката ставете ја во огноотпорен сад, заедно со маслото, ловоровиот лист и белото вино. Оставете ја да отстои минимум 4 часа (пожелно е да ја оставите цела вечер) со повремено превртување, за  рамномерно да впие од виното од сите страни.

Внатре во мисирката ставете ја главицата кромид и исецканиот праз. Ставете ја да се пече во добро загреана рерна на 250℃. По 15-тина минути, намалете на 150℃ и оставете да се пече околу 4 часа.

Откако ќе испари целата течност, прелите ја со пиво и печете уште малку, односно додека не зарумени. Откако ќе ја извадите од рерната, пред да ја послужите можете да ги извадите кромидот и празот. Како прилог, најдобро би оделе печени компири

Солени рафаело топчиња

Состојки

• 500 гр. пилешко бело месо
• 200 гр. фета сирење
• 4 варени јајца
• Околу 50 гр. шунка
• Околу 100 гр. рендано тврдо сирење (гауда, ементалер…)

Подготовка

1. Пилешкото месо сварете го во солена вода, изладете го и сомелете го.

2. Фета сирењето изгмечете го со виљушка.

3.Сварените јајца ситно исечете ги.

4. Месото, сирењето и јајцата убаво измешајте ги за да се добие компактна смеса.

5. Шунката исечете ја на коцки со големина околу 1ˣ1 см, а тврдото сирење изрендајте го.

6. Од придготвената смеса формирајте топчиња, во секое ставете парче шунка и тркалајте ги во изренданото сирење.

7. Добро изладете ги.

СОСТОЈКИ
• 50 гр путер
• 200 гр кисела павлака
• 2 кг јуфки
• 2 јајца
• 250 гр кравјо сирење

ПРИГОТВУВАЊЕ
Јуфките се варат во солена вода, потоа се процедуваат и се измиваат со ладна вода. Се враќаат во садот на тивок оган, се додава путерот и се промешуваат.

Во огноотпорен, со масло за јадење подмачкан сад за печење, се редат ред јуфки, ред кисела павлака, измешана со јајцата и потоа ред сирење. Редете ги така, сѐ додека имате состојки.

На крај прелијте со павлака и јајце. Печете во загреана рерна околу 20 минути.

Кошнички од мисиркино месо и зеленчук

Потребни состојки:

10 големи листови марула

50 гр. ориз

300 гр. мисиркино месо

1 китка ситно сецкан магдонос

1 кромид

½ лажичка босилек

½ лажичка нане

100 гр. варена пченка

Масло за јадење

Сол и црн пипер

1 голем домат

Припрема:

Во мало тенџере на оган ставете го оризот да се вари околу 10тина минути. Во тавче на оган со загреано масло ставете го ситно исецканиот кромид да се испржи. Потоа додадете го ситно сецканото мисиркино месо и пржете околу 5 минути со повремено мешање.

Откако месото ќе биде испржено, отстранете ја тавата од оган и исцедете го вишокот на масло. Во тавчето додајте до сварениот ориз, магдоносот, босилекот, нането и пченката. Посолете и наросете црн пипер, па добро промешајте.

Наредете ги листовите зелена салата, па врз секој лист  нанесете од смесата со мисиркино месо. Врз смесата додадете ситно сецкан домат. Добар апетит!