УЕФА Лига Европа

КУП НА УЕФА - 2. КВАЛИФИКАЦИСКО КОЛО

Шок за Манчестер Сити

Реномираниот англискиот премиерлигаш Манчестер Сити доживеа тежок удар во првиот натпревар од второто квалификациско коло на Купот на УЕФА. Иако голем фаворит во дуелот со Митјиланд од Данска, Сити беше поразен на својот стадион со 0:1 и на реваншот за две недели ќе патува со негативен резултат. Ваквиот исход е само последица на се она што се случуваше во англискиот клуб во последните денови кога прво беше распишана потерница за сопственикот Таксин Шинаватра, а потоа и менаџерот Марк Хјуз најави дека ќе си поднесе оставка. Манчестер вчера настапи во речиси комплетниот состав, со летното засилување Тал Бен Хаим, но без Жо кој е на Олимпијадата во Пекинг. Гостинскиот тим постигна гол уште во 15. минута од мечот, но Сити и покрај големата иницијатива во вториот дел не успеа да дојде барем до израмнување.

Пласманот во септемвриското коло не успеа уште вчера да го обзбеди ниту Штутгарт кој на домашен терен прво постигна два гола против унгарскиот Ѓер, но потоа дозволи да прими еден и на реваншот ќе стравува за својата судбина. Такви проблеми нема Астон Вила откако вчера го "прегази" Хафнарфјордур со 4:1 и на домашен терен за две недели ќе има само потежок тренинг. За менаџерот Мартин О'Нил тоа беше двојна победа бидејќи од вчера стана јасно дека Герет Бери ќе остане во Астон Вила. Капитенот на клубот од Бирмингем не само што играше за својот тим, туку и постигна еден гол и не го криеше своето задоволство што и следната сезона ќе го носи дресот на Вила.

Пласман во следната фаза најверојатно уште вчера обезбеди тимот на нашиот Златко Таневски, Лех кој го прегази Грасхоперс со 6:0, како и Брондби, Салцбург, Бешикташ, Наполи, Васлуи и Херта кои обезбедија убедливи победи на гостински терен. Затоа, Ла Коруња не успеа да го пробие бедемот на Хајдук пред своите гледачи и сега ќе мора на Пољуд да бара пласман во првото коло од Купот на УЕФА.

РЕЗУЛТАТИ

МЕТАЛУРГС - ВАСЛУИ 0:2

Доје 69', Генчев 73'

БОРАЦ - ЛОКОМОТИВ С. 1:0

Павловиќ 48'

ХОНКА - ВИКИНГ 0:0

ВОЈВОДИНА - ХАПОЕЛ ТА 0:0

ХАКА - БРОНДБИ 0:4

Расмусен 30', Лоренцен 70', Вилијамс 76', Мадсен 82' (п)

ЛЕГИЈА - МОСКВА 1:2

Роџер 65' - Чеснаускис 52', Самедов 63'

ШТУТГАРТ - ЃЕР 2:1

Ташчи 13', Марика 33' - Бор 45'

АПОЕЛ - Ц.ЗВЕЗДА 2:2

Брерсе 34', Жевлаков 47' - Едгар 8', Бурзановиќ 62'

ДЈУРГАРДЕН - РОЗЕНБОРГ 2:1

Оремо 36', Назари 89' - Сапара 75'

ЕЛФСБОРГ - С.ПАТРИКС 2:2

Ишизаки 24', Карлсон 58' - Квигли 58' (п), Демпси 82'

ЛИТЕКС - ХАПОЕЛ КИРЈАТ 0:0

СТАБЕК - РЕН 2:1

Кјеле 37', 71' - Соу 77'

СУДУВА - САЛЦБУРГ 1:4

Луксис 31' - Секагја 42', Јанко 57' (п), 61' (п), Махоп 72'

ЈАНГ БОЈС - ДЕБРЕЦЕН 4:1

Шнеувли 41', 77', Рагацони 68', 87' - Рудолф 17

ГЕНТ - КАЛМАР 2:1

Тијс 61', Азофеифа 85' - Ингелстен 80'

АРИС - СЛАВЕН 1:0

Коке 55'

ДЊЕПАР - БЕЛИНЦОНА 3:2

Калиниченко 11', Назаренко 48', Корниленко 79' - Калу 64', Серметер 75' (п)

КОПЕНХАГЕН - ЛИЛЕСТРЕМ 3:1

Сантин 2', Жуниор 79', Нордстранд 86' - Кипе 90'

ХАФНАРФЈОРДУР - АСТОН ВИЛА 1:4

Гудмундсон 45' - Бери 4', Јанг 7', Агбонлахор 38', Лаурсен 64'

ЛИБЕРЕЦ - ЖИЛИНА 1:2

Фрејлах 85' - Да Силва 45', Јеж 60'

МАКАБИ НЕТАНЈА - ЧЕРНО МОРЕ 1:1

Киојо 27' - Алекс 42'

ЦИРИХ - ШТУРМ 1:1

Хасли 16' - Хас 78' (п)

АЕК - ОМОНИЈА 0:1

Кафу 40'

Ш.БРИЈЕГ - БЕШИКТАШ 1:2

Шилиќ 90' - Делгадо 19', Нобре 83'

ВЛАЗНИЈА - НАПОЛИ 0:3

Пиа 28', 46', Денис 75'

БРАГА - ЗРИНСКИ 1:0

Линц 67'

ИНТЕРБЛОК - ХЕРТА 0:2

Пантелиќ 16', 82'

ЛЕХ - ГРАСХОПЕРС 6:0

Ренгифо 5', Левандовски 14', 56', Валори 76' (аг), Ињац 84', Пешко 88'

МАНЧЕСТЕР С. - МИТЈИЛАНД 0:1

Олсен 15'

КВИН ОФ САУТ - НОРДСЈИЛАНД 1:2

О'Конор 26' - Кибебе 2', Берние 32'

ЛА КОРУЊА - ХАЈДУК 0:0

ЛИГА НА ШАМПИОНИ - 3. КВАЛИФИКАЦИСКО КОЛО

Ето во одлична форма

Самуел Ето на најдобар начин одговори на довербата на Пеп Гвардиола кој одлучи да го задржи Камерунецот во својот тим. На дуелот против Висла во средата во рамките од третото квалификациско коло од Лигата на шампионите, напаѓачот на Барселона постигна два и асистираше при голот на Тиери Анри за убедлива победа на каталонскиот тим од 4:0. Искусниот голгетер блескаше и во подготвителниот период кога на четири средби реализираше пет гола и потврди дека се наоѓа во животна форма. Дуелот со Висла беше официјално деби на Гвардиола на клупата на Барса, но беше поматено од лесната повреда на рамото на Дани Алвес кој ќе отсуствува во следните две недели.

Во доцниот термин во средата играа уште Гимараеш и Базел, но нивниот дуел заврши без голови.

РЕЗУЛТАТИ:

БАРСЕЛОНА - ВИСЛА 4:0

Ето 18', 83', Чави 25', Анри 50'

ГИМАРАЕШ - БАЗЕЛ 0:0