Грчки погачи со сирење – секој залак се топи во уста

На Балканот многу имиња на јадења, обичаи и слично носат називи на соседни држави и поради тоа се претпоставува дека се типични за нив. Но, често се случува она што кај нас го носи името турски или грчки, во овие земји речиси и да не е познато или пак рецептот и изгледот на храната да е сосема поинаков. Но, иако расправата околу имињата овде е сериозна работа, сепак за вкусовите и храната не се расправа. Па одиме со нашиот рецепт за вас драги пријатели. Правевме грчка сарма, иако не сме сигурни дали и во Грција овој рецепт е познат под ова име или можеби изгледа поинаку 

Состојки:

– Телешко или јунешко месо – 850 грама
– Три парчиња модар патлиџан сецкани на тенки гругови
– Пет парчиња црвен патлиџан сецкани на кругови
– Две китки магдонос
– Сол
– Бибер
– Зачин
– Црвен бибер
– Една чаша пиво

Подготовка:

Целото парче месо го пропржуваме кусо во тава со масло за да фати боја. Потоа додаваме околу половина литар вода, една чаша пиво, бибер, сол и зачин по вкус. Го оставаме да се динста околу час и половина. Потоа месото го вадиме и го сецкаме на тенки правоаголници. Малку ги запржуваме круговите модар патлиџан и ги оставаме на страна да се изцедат. Подготвуваме тава за печење. Во неа ставаме еден мал филџан зејтин и 250 милилитри пиво.

Месото кое сме го исецкале на правоаголници потоа го виткаме како сарма заедно со пржениот модар патлиџан. Ги редиме во тавата како сарми. Ги посолуваме и им ставаме малку бибер, половина лажичка црвен бибер и зачин по вкус. Ги покриваме со кругови исецкан црвен домат и ги ставаме во рерна да се печат околу еден час на температура од 200 степени.

Потоа ги вадиме од рерна. Врз целата површина на јадењето редиме свеж магдонос и повторно го ставаме во рерна да се допече уште половина час. Ако има потреба додаваме малку вода. Потоа јадењето се вади од рерна и се остава да се олади неколку минути. Највкусно е кога се јаде со овчо кисело млеко и црвено вино по ваш избор.

Состојки
околу 1кг свинско месо (каре)
За маринада
2 средни лимони
2 лажички оригано
1 лажиче сув рузмарин
1 лажиче мајчина душичка
1 лажиче сол
1/2 лажиче бибер
10 лажици маслиново масло
10 стапчиња за раженчиња

Сувлаки е јадење од Грчката кујна што се прави од свинско, пилешко или јагнешко месо исечено на коцки. Се маринира во типични грчки зачини и се печи на раженчиња на скара. Се служат со ѕаѕики сос, грчка салата, помфрит, пита леб и др.

Месото се сечи на коцки од околу 1,5 -2 цм и се става во чинија. Се додаваат сите зачини, маслиновото масло и исцеден сок од лимонот. По желба може да се додаде и црвен пипер, лук или парчиња кромид.
Се меша и се остава околу 2-3 часа.
Потоа коцките месо се боцкаат на раженчиња по 4 или 5 парчиња, зависи од големината.
Се печат на скара или грил тава со малку масло од двете страни на умерен оган.
Послужете ги топли со ѕаѕики сос и салата или пржени компири.

Состојки
Ќебапи
600 мешано мелено месо
1 главица кромид
1 чешне лук
1 јајце
6 лажици презла
2 лажички микс грчки зачини
по вкус сол и бибер
2-3 лажици вода
стапчиња за раженчиња
Микс грчки зачини
1 лажичка мајчина душичка
1 лажичка оригано
1 лажичка босилек
1 лажичка мелен лук
1 лажичка маточина
1 лажичка жалфија
1 лажичка црвен пипер
1 лажичка нане

Прво припремете го миксот зачини. Исто количество од сите зачини (суви) измешајте и чувајте ги во стаклена тегличка. Сум правела и со свеж босилек место сув, ситно исецкан и многу е декоративно.

За ќебапите, кромидот ситно исечкајте го, а лукот стиснете го низ преса. Сите состојки измешајте ги и на стапчињата за раженчиња формирајте ги ќебапите. Печете ги на скара или во грил тава со многу малку масло.

Послужете ги со прилог по ваша желба.

Пријатен апетит!

Состојки
За тесто
250 гр путер на собна температура
110 гр два пати просеан шеќер во прав
1 кесичка ванилин шеќер
прстофат сол
1 жолчка
300 гр просеано брашно за торти
1/2 лажичка прашок за пециво
100 гр ситно исецкани ореви
За попрскување
1 - 2 лажици вода од цвет на портокал
За посипување
по потреба шеќер во прав

Загрејте ја рерната на 160 Ц.
На два плеха од шпоретот ставете хартија за печење.
Во еден мал сад просејте го брашното со прашокот за пециво и солта.
Во еден поголем сад изматете го путерот во светла пена, додајте ги двата вида шеќер и матете додека повторно добро не се запени. Колку подобро е изматен путерот, ванилиците поубави се. Додајте ја жолчката, изматете, па со шпатула вмешајте го брашното. Додајте ги сецканите ореви и уште еднаш измешајте да добиете топка од тесто. Не премешувајте, не месете грубо, ванилиците нема ронливи да ви бидат.
На лесно набрашнета подлога расучете го тестото во дебелина 1 цм, па вадете форми по ваша желба.
Печете ги 15 - 20 мин. додека не се зазлатат.
Врели попрскајте ги со вода од портокалов цвет, а откако сосема малку ќе оладат извалкајте ги во шеќер во прав.
Кога сосема ќе се оладат наредете ги во кутија која добро затвара, со дебел слој шеќер во прав помеѓу.
Се разбира, колку подолго стојат, поубави се ...
Ако немате брашно за торти, употребете сенаменско брашно, но од наведената количина 1 - 2 лажици заменете ги со нишесте.

Состојки
500 гр грчки кадаиф
125 гр маргарин
5 лажици масло
200 гр крупно сецкан орев
1 кесе цимет
600 гр шеќер
700 мл вода
1 лимон

Се зема кадаифот и по потреба може да се стави меѓу две влажни крпи малку да омекни за поубаво да се витка.
Се сечат парчиња долги по 10 цм одприлика, на крајот се става по пола лажиче сецкан орев измешан со цимет, се витка како мала сармичка и се редат во подмачкано плехче.
Така се постапува додека да се истроши целиот материјал,
на крај се попрскуваат со 125 гр маргарин и 5 лажици зејтин растопени во еден сад.
се печи на 170 степени додека да се добие златна боја.
Се лади.
На страна се става во тенџере 600 гр шеќер и 700 мл вода, се додава лимон и се вари среден шербет.
Со ладен шербет се прелива ладниот кадаиф.

Состојки
За предтесто
40 гр свеж квасец
1/2 лажичка шеќер
1/4 шоља млако млеко
1 лажица брашно
За тесто
500 - 600 гр високоглутенско брашно
1 лажичка анис во зрно
1/2 шоља вода
110 гр шеќер
110 гр путер на собна температура
2 големи јајца
1 кесичка ванилин шеќер
1/4 лажичка сомелен махлеб
1/4 лажичка истолчени зрнца мастика
1 лимон, само рендана кора
1/4 лажичка сол
За филување
8 лажици мармалад од кајсии
100 гр толчени ореви
За премачкување
1 жолчка
За посипување
1 рака бадеми на ливчиња

Ова можеби не е рецепт за козињак каков што правеле вашите баби, ама бидете сигурни дека додека го печете куќата ќе ви замириса како во најдобрата слаткарница на Цимиски. 
Ставете го млекото во еден мал сад и во него растворете го квасецот. Додајте ги шеќерот и брашното, измешајте, покријте со прозирна фолија и оставете да се запени.
Зовријте ја водата, прелејте ги зрнцата анис и оставете да отстојат.
Во аван истолчете ги зрнцата мастика со една лажичка шеќер додека не се претворат во прав.
Во садот на стоечки миксер изматете го пенесто путерот со шеќерот и ванилата. Постојано матејки додајте половина од брашното, јајцата едно по едно, процедената вода од анис, запенетиот квасец, солта, мелениот махлеб, истолчената мастика и кората од лимон. 
Со непрестано мешање со миксерот додавајте го постепено преостанатото брашно додека не добиете сосема еластично, сјајно тесто кое се одвојува од зидовите на садот за мешање. Ако користите високоглутенско брашно ќе ви треба помалку, а со сенаменско, малку повеќ е. Секако, внимавајте да не направите претврдо тесто.
Оставете го тестото да стаса околу еден час додека не се удвои.
Тестото префрлете го на подлога за месење и поделете го на 4 дела. Не го премесувајте. Од секој дел развлечете врвца која ќе ја расучите во долга тесна трака на која во средината ке распоредите 2 лажици мармалад од кајсии и ќе посипете 1/4 од толчените ореви. Затворете ги краевите на траката, да добиете валјак. Повторете со другите делови од тестото, па два по два замотајте ги во спирали. Се разбира, од тестото можете да исплетите и плетенки, веќе по ваша желба.
На плехот од шпоретот ставете хартија за печење, ставете ги спиралите на растојание, покријте со прозирна фолија и со крпа, па оставете да стасува на топло еден час.
Загрејте ја рерната на 180 Ц.
Изматете ја жолчката со една лажица вода, па премачкајте ги стасаните козињаци. Посипете со ливчината бадеми .
Печете ги 30 - 40 мин, до убава златно кафеава боја.
Изладете ги на жица покриени со крпа.