Хороскопските знаци и патувањата

Овен

За припадниците на знакот овен, не постои класичен одмор за време на кој некој би мирувал. Напротив, ако нема акција, овните ќе се чувствуваат изморени. Некои пак претеруваат со активности, па „прегоруваат“. Затоа, тие најдобро се опуштаат со рекреативни активности, со кои нема да се напрегнат ни премногу ни премалку. Спортските активности треба да бидат интересни, со доста движење и предизвици. Одмор во природа исто така е добра опција за овните, но не пасивен, туку во стилот на истражувачите. Друштвото со кое овенот оди на одмор треба да биде подеднакво активно како него. Во спротивно, или ќе има кавги или ќе биде најпаметно сам да појде во акција. Тој сака да открива непознати места.

Бик

Биковите се класични уживатели во одморот. Тие сакаат да лежат, да јадат, да уживаат и да разменуваат љубов. Колку повеќе причини за уживање, толку послатко за нив. Доколку патувањето не е удобно или однапред предвидливо, тие ќе сакаат да го избегнат. За да се придвижи, бикот мора да има јак мотив, а го придвижуваат страста и можноста нешто да добие. Ако се заљубени, биковите ќе појдат посмело на своето патување, но и тогаш, онаму каде што одат мора да има точно одредено место со доволно храна и удобен кревет. Подготвени се да потрошат многу пари за да си угодат себеси и на своите блиски, но очекуваат чиста сметка, како и дека оние кои ги почестиле ќе им вратат во друга прилика. Доколку постои можност да ги спојат работата и уживањето, тоа и ќе го направат.

Близнаци

Близнаците се цел живот во движење, па не им е никаков проблем да отпатуваат некаде. Но, ако нема луѓе, комуникација и предизвици за нивниот бистар интелект, работите брзо ќе им станат напорни. Нивните батерии се со краток рок, па повеќе сакаат да одат на кратки патувања или на излети со кои брзо можат повторно да си ги наполнат. Ако се подолго време оддалечени од своите пријатели кои ги опкружуваат во секојдневието, тоа мора да биде на некое место каде повторно ќе има многу луѓе и каде што ќе имаат прилика да живеат како што им е нив најприродно. Осамени и пусти места ги застрашуваат. Многу приказни, музика, играње, лесна рекреација – сè се тоа работи со кои тие ја хранат сопствената душа. Уште ако тоа се случува на некое место кое е „ин“, уште подобро за нив.

Рак

Сакале да го признаат тоа или не, раковите најдобро се опуштаат во својот сопствен дом. Со помош на својата фантазија, тие можат да го претворат во угодно летно место за уживање. Појдете кај нив наутро на кафе или навечер за да седите заедно на тераса или во двор. Кога ќе се собере фино друштвенце со блиските пријатели, опуштената забава кај раковите може да потрае и до раните утрински часови. Тивко, интимно и префинето. Ако се одлучат на патување, изборот би паднал на море, но не на бучни места. Најдобро ќе се одморат на некои мали места, каде не треба да се изненадите ако ги видите како наутро купуваат риба од локалните рибари или размислуваат шетајќи по празна плажа.

Лав

Каде што има многу луѓе и публика, таму лавовите се чувствуваат свои. Играње и забава до зори, доколку е можно во центарот на подиумот, воопшто нема да ги измори. Места кои се наоѓаат на крајот од светот, потполно не ги интересираат, освен во случаи кога станува збор за многу познати места, на кои е престиж да се летува. Сакаат организирани и динамични патувања на значајни места, како во познати и популарни градови и на дестинации кои се наоѓаат на листата „места кои мораат да се посетат барем еднаш во животот“. Без камера и фотоапарат не одат никаде, но не за да сликаат, туку за да бидат сликани. Затоа некој од друштвото со кое патува ќе мора да биде фотограф, а во кадарот цело време ќе биде лавот.

Девица

Овој воркохолик тешко дека воопшто знае како да се одмора. За до го достигне ова доживување, повторно му треба некое хоби или некаква занимација. Доколку идете на пат во друштво со некој роден во знакот девица, подобро за вас е воопшто да не помислувате на класичен одмор. Постојано ќе смислува начини за да ги ангажира луѓето околу себе. Најчесто се работи за некое хоби или за корисни лекции од стилот „бидејќи се наоѓаме во природа, ајде на набереме…“. Девицата ќе биде среќна ако нејзиниот одмор биде корисен, доколку научи нешто ново или доколку од таму донесе нешто што може да биде корисно.

Вага

За вистински да се опушти и одмори, потребно е вагата да постигне, чувствува и одржува рамнотежа. Обично станува збор за баланс помеѓу она што вагата го посакува и она што другата страна го сака, што за неа е најчесто најважно. Затоа успешноста на одморот на вагата, често не зависи од неа. Потребно е да биде целосно отворена и да ги препознава потребите на другите околу неа за да ги направи среќни. Доколку таа успее да ги усклади обете страни, тогаш одморот е неминовен. Сепак, доколку може да бира, попрво би отишла на некое фино место каде што луѓето живеат во склоп со природата.

Скорпија

Скорпиите се ѕвезди на летните ноќи. Затоа поголемиот дел од летните денови ги поминува спиејќи, полнејќи ги батериите за динамичните ноќи. Штом сонцето тргне да заоѓа, скорпиите се будат и тргнуваат во акција. Ноќите ги поминуваат без граници, имаат богат еротски живот, сакаат ноќни капења, играње до зори и заводливи погледи. Има и спортски типови кои ќе организираат одмор полн со предизвици. Тоа може да биде истражување на опасни предели во природата или рафтинг по брзи реки.

Стрелец

Овој вечен скитник, не познава граници. Му одговараат сите врсти на патувања и му одговара да ги посети речиси сите дестинации. Патувајќи, стрелецот се одмора. Кога ќе тргне на пат, неретко заборава да се врати дома. Превозното средство во суштина претставува неговиот вистински дом. А кога е во својот дом, тоа му е чудно. Лесно поттикнува и други луѓе да го придружат на патувањето. Не е важно каде оди, важно е да се движи. Најчесто ништо не планира бидејќи сака да биде спонтан и слободен. Стрелците се најдобрите консументи на „Last minute“ понуди на туристичките агенции, бидејќи не им е проблем веднаш да се одлучат кој аранжман ќе го одберат. Стрелецот ја сака и природата. Всушност, целиот свет е негов!

Јарец

Еден тип јарци сакаат да одат на планина и да уживаат во пејзажите и чистиот зрак. Таму се чувствуваат свои и лесно ги полнат батериите. Другиот тип јарци обожаваат море, бидејќи тежнеат за топлина и сонце. Медитеранот совршено им одговара бидејќи има многу карпи и камења, кои тој ги обожава. Утринските прошетки по нерамните карпи крај морето или долго седење на истите додека медитира, дефинитивно ќе го освежат јарецот. Понекогаш сакаат да бидат сами и да ги слушаат звуците на природата, особено бранувањето на морето. Сепак, доколку имаат семејство или барем партнер, ќе отидат на одмор заедно. Кога патуваат, сакаат да знаат каде одат, затоа обично добро се информирани пред да тргнат.

Водолија

Клучот за успешен одмор на водолиите е во ниеден момент да не им стане здодевно, а што е тоа нешто кое постојано ќе ги забавува, е веќе филозофија. Тешко е да се задоволат потребите на овие индивицуалци. Најчесто ги интересираат специфични мести. Својот одмор сакаат да го поминат на некое место, за кое никој не слушнал, но е единствено на светот според некоја специфика. Доколку немаат прилика да отидат на некое уникатно место, тогаш ќе имаат тотално несекојдневен стил на одмор. Најчесто, станува збор за некое непредвидливо хоби. Оние кои се во друштво на водолијата, треба веднаш да се помират со низа изненадувања или ситуациии, кои ни на сон не би можеле да ги замислат. Водолијата ќе ги создаде тие униканти моменти.

Риби