Новитети, вести, мислења, критики

Со силиконите ќе убијам ајкула

Хајди Монтаг подготвува свој 3Д филм во кој со своите силиконски гради ќе се бори со ајкула, пишуваат американските медиуми.

Ѕвездата на The Hills напишала сценарио кое го обработува животот на измислениот лик, спасувачката Самер.

- Ја правам првата 3Д комедија на плажа. Станува збор за ајкула која напаѓа мал приморски град, а јас ги спасувам сите со моите 3Д цицки, вели 23-годишната Монтаг.

- Напишав улога и за Доли Партон. Таа ќе биде градоначалникот на градот, вели Монтаг.

Хајди планира целосно да се фокусира на својата актерска кариера, особено кога The Hills завршува.

- Успеав да го најдам тоа што ме прави среќна. Ќе можам на светот да му ги покажам моите креативни способности... играјќи различни ликови.

Хајди Монтаг своето прво филмско деби ќе го има во филмот Just Go With It, во кој се појавуваат Адам Сендлер, Никол Кидман и Џенифер Анистон.

Пиратите од Карибите бараат девојки без силикони

Во новото продолжение на „Pirates of the Caribbean: On Stranger Tides“ нема да се појават девојки со вештачки гради, објавија британските медиуми.

Како што пишува SciFi Wire, агентите задолжени за кастингот на филмот објавиле дека нема да примаат девојки со силикони.

- Мора да се 170 до 173 сантиметри високи, да носат конфекциски број од 4 до 6, ниту помал, ниту поголем. Девојките мора да се на возраст од 18 до 25 години. Да имаат одлично танческо тело и да имаат вистински гради. Девојките кои имаат импланти воопшто да не се пријавуваат. Ова е претстава за и прикажување на костимите за режисерот и продуцентите. Девојките ќе треба цел ден да се пресоблекуваат и фотографираат, се вели во огласот на агентите.

За потребите на филмот, исто така потребни се и професионални пливачки и танчерки за сцените кои ќе се снимаат на Хаваите.

Главни ѕвезди на филмот се Џони Деп, кој ќе ја повтори улогата на Кепетан Џек Спароу и Пенелопе Круз. Почетокот на снимањето на филмот е закажано за ова лето.

Леонардо да Винчи - акционен јунак

 

Ренесансниот сликар Леонардо да Винчи во новиот филм ќе биде претставен како акционен херој.

Во филмот ’Leonardo da Vinci and the Soldiers of Forever’, авторот на ’Мона Лиза’ и ’Тајната вечера’ ќе биде претставен како член на тајна организација која влегува во натприродна авантура што го носи во војна со библиски демони.

Следните елементи на заплетот се тајни шифри, изгубени цивилизации, скриени замоци и паднати ангели.

Засега не е познато кој ќе го игра Леонардо, како ни каде филмот ќе биде снимен.

Ентони Хопкинс: Парис Хилтон нема мозок!

Оскаровецот и славниот богаташ, Ентони Хопкинс ја опиша Парис Хилтон како личност која нема ни грам мозок и не ја гледа причината поради која таа ужива толку голема популарност.

Ентони Хопксинс во своето последно интервју се осврна на животот на анорексичните манекенки и старлетите кои непрекинато ги гледаме на телевизија.

- Живееме во прилично чудни времиња. Отидов во бутик за на сопругата да и купам подарок и на екраните видов некакви жени како одат по манекенска писта. Веднаш си помислив – Господе во што сме се претвориле. Тие девојки се анорексични и одат како роботи, изјави славниот актер.

Како пример за личност која не треба да се појавува на црвениот тепих, Хопкинс ја наведе Парис Хилтон.

- Каде живееме? Гледаме некој важен прием и на него се појавува Парис Хилтон и сличните на неа и веднаш си помислуваме: Дали овие девојки имаат нешто во главата. Тоа е масовно ропство, односно една врста на фашизам. Мислам дека луѓето веќе воопшто не размислуваат, или пак јас само сум остарел, се замисли Хопкинс.

Прикажан најстрашниот филм на сите времиња

Оние кои го видоа кажаа дека е пострашен од филмот „Blair Witch Project“, a некои критичари велат дека убедливо Paranormal Activity е најстрашен филм на сите времиња.

Како и случајот со Blair Witch Project и Paranormal Activity е снимен за мизерни 11.000 долари, а сценариото и режијата е на израелско – американскиот режисер Орен Пели, за кој ова воедно е и прво филмско деби.

Филмот во кината ќе започне да се прикажува од 25-ти јануари, а судејќи по трејлерот, навистина станува збор за хорор кој ќе ви го втера стравот во коски.

IQ напиша: во април 2010 ќе почне да се снима Пиратите од Карибите 4- "фонтана на младоста"! премиерата е планирана за 2011-та. мислам дека доволно беа 3 дела, ама ај нека им биде, ќе го гледам и овој

ихх,... третиот филм е давеж, го прескокнав поголемиот дел од него, а и не ме бендиса како заврши

сета надеж ми е во четвртиот