Топ 15 најубави плажи во Грција (фото)

Летото конечно пристигна, а со него и мислите каде да избегаме на кратко разладување и релаксација.

Како најблиска, а прекрасна дестинација многумина ја одбираат токму Грција, па ако и вие спаѓате во таа група, вреди детално да ги разгледате рајските плажи кои ги крие оваа земја.

Таму ќе пронајдете мали и пусти плажи со ситен песок и кристално чиста вода, но и огромни песочни површини прекриени со сламени чадори, барови и екстремни спортови во тиркизно синото море.

Зависно од тоа каква авантура барате и како го замислувате вашиот идеален летен одмор, одберете си ја омилената фотографија и отпатувајте за да се уверите во нејзината природна убавина.

Ако сè уште не сте ја одбрале омилената грчка плажа, еве мала помош. Уживајте!

1. Navagio Beach, Закинтос

2. Marathonisi, Закинтос

3. Myrtos beach, Кефалонија

4. Vai Beach, Крит

5. Matala Beach, Крит

6. St Paul’s Bay, Родос

7. Koukounaries Beach, Скиатос

8. Plaka beach, Наксос

9. Kamares Beach, Сифнос

10. Милос

11. Paleokastritsa, Крф

12. Red Beach, Санторини

13. Paradise Beach, Миконос

14. Milopotamos beach, Иос

15. Elafonisi beach, Крит

Зошто на одмор во Грција?

Затоа што досега не сте биле…

Ако не сте ја посетиле Грција до сега, тоа е доволна причина веднаш да отпатувате. Разновидната култура, прекрасните пејзажи и гостопримливоста на угостителите се доволни за да ве намамат. А, откако ќе пристигнете веднаш ќе знаете дека сте го направиле вистинскиот избор.

Затоа што претходно сте биле…

Грција е земја во која различните искуства никогаш нема да пресушат. Секогаш можете да направите нешто ново, да откриете нешто ново, да пронајдете нешто што не сте знаеле дека постои. И секоја дестинација е приказна за себе. На пример, островите во Егејското Море воопшто не наликуваат на оние во Јонското, а нудат толку многу прекрасни нешта.

Поради одличната клима

Прекрасни, долги, сончеви денови. Не премногу топло, не премногу влажно. Се чини дека „Империјата на островите“ има совршена клима за летни одмори.

Поради природната разновидност

Грција нуди многу различни нешта, кои сами по себе се уникатни. Во една земја имате преку 3.000 различни острови, стотици врвни плажи со прекрасни пејзажи, планини за истражување, утврдени градови, стара архитектура, археолошки наоѓалишта и што ли уште не…

Поради исклучителниот вкус на грчката кујна

Извонредни медитерански вкусови и рецепти кои се усовршувале со генерации грчки семејства. Оваа кујна, која примарно се базира на свеж зеленчук и риба ќе ве воодушеви, без разлика колку сте пребирливи.