Жените често не знаат да разграничат дали се со опсесивен љубовник или со нормално момче. Кога сте во врска со психопат, тоа не е измачување само за вас туку и за оние околу вас. Еве некои знаци на кои треба да обрнете внимание…

Недостаток на емпатија

Ако вашето момче упорно не покажува никакви емоции освен опсесивност, бидете внимателни. Недостатокот на тоа основно чувство на емпатија е еден од знаците дека сте во врска со психопат.

Нема совест

Личност без совест може да предизвика силно чувство на непријатност. Дали прави погрешни работи поради кои не чувствува никаква вина? Секој од нас би требало да чувствува грижа на совест кога ќе погреши, а ако тоа не е случај со личноста со која се гледате, време е уште во истава секунда да излезете од таа врска.

Тој е баш како вас

Психопатот ќе се обиде да ве увери дека сте сродни души. Тој сака сè што вие сакате и има исти интереси како вашите. Ако сте имале тешко детство, тој тоа ќе го разбере. Ако постои некоја книга која ја обожавате, тој ќе се погрижи и самиот да ја засака. Тоа што тој го прави се нарекува пресликување. Тој нема идентитет, па се угледува на вас и се однесува идентично како вас.

Болести и повреди

Психопатите апсолутно сакаат да ги сожалувате, па обрнете внимание на неговите болести и повреди. Дали чудесно се изборил со ракот кој може да се врати во секој момент? Дали ја истегнал ногата, па мора да остане дома вечерта? Дали ја изгубил својата прва жена во сообраќајна несреќа? Најдобро проверете ги неговите приказни.

Пукнатини во маската

Психопатите понекогаш ќе кажат нешто чудно за себе. На пример, правите вечера, а тој наеднаш ви вели: „Знаеш, јас сум луд. Или: „Ја те изневерувам.“ Потоа ќе негира дека го кажал тоа или ќе тврди дека се шегувал. Тој сака да ве исфрли од рамнотежа, но така несвесно ја трга и својата маска.

Упорно лаже

Познато е дека за да функционира врската неопходно е да бидете искрени еден кон друг. Но, кога вашиот партнер ќе почне да ве лаже скоро секој ден, мора да подразмислите и да видите што е проблемот. Психопатите се познати по тоа што лажат без трошка грижа на совест и често живеат двоен живот.

Казнување со тишина

Откако ве бомбардирал со љубов и идеализирања, и вие успешно сте се закачиле за него, почнуваат да стивнуваат работите. Првиот знак е обично молчењето. Психопатите се познати по тоа што исчезнуваат на неколку дена. Вам ќе ве излуди неговото исчезнување и молчење. Меѓутоа во реалноста, тој само се занимава со својата нова мета.

Садистичка смисла за хумор

На ова задолжително мора да обрнете внимание. Дали му е задоволство или смешно во ситуациите во кои инаку други луѓе би биле згрозени? Ако на вашето момче му е смешно да тепа животни или му се смешни луѓе кои се повредени, тогаш сигурно сте во врска со психопат.

Одличен секс

Секој сака добар секс, но оние кои биле со психопати често велат дека тоа било најдобрата работа која некогаш ја доживеале. Психопатот сака да ви угоди. Тоа е само уште една тактика за да ве закачи за себе. Откако ќе ве добие, ќе го молите за секс, бидејќи тој наеднаш нема веќе да сака да го прави тоа.

Со едно прашање проверете дали имате ум на психопат

Сакате ли на едноставен начин да дознаете дали имате ум на криминалец, поточно на психопат? Одговорете на едно прашање и ќе ја дознаете вистината!

Иако психопатите најчесто се замислуваат како убијци, канадските психолози тврдат дека тие можат да бидат помеѓу вашите пријатели и колеги.

Криминалистичкиот психолог и професор од канадскиот Универзитет Британска Колумбија, Роберт Д. Хејрс, напоменува дека психопатите се луѓе на кои им недостасува каење и емпатија. Тоа значи дека на нив им е сеедно дали сте живи или сте мртви.

Томку од тие причини, американските психолози направиле тест кој може да утврди дали едно лице има менталитет на сериски убиец, а бројните убијци точно одговориле на прашањето кое ние ќе ви го поставиме во продолжение.

Би се осмелиле ли?

Прочитајте ја случката и одговорете искрено.

На погребот на нејзината мајка, една млада жена меѓу присутните видела маж кој никогаш го немала видено претходно. Првото нешто што и’ паднало на памет било дека тој изгледа фантастично, баш како да излегол од нејзините соништа. Почувствувала дека тој бил човекот на нејзиниот живот и за миг се заљубила во него, но не успеала да му пријде и да го земе неговиот број. За него не можела да дознае ништо. Неколку дена подоцна, истата жена ја убила нејзината сестра.

Каков мотив имала оваа жена за да ја убие нејзината сестра?

Одговор: Заљубената жена се надевала дека истиот човек повторно ќе се појави на погребот.

Доколку вака одговоривте на ова прашање, вие размислувате слично како психопат. Сепак, тоа не треба воопшто да ве загрижува бидејќи за таквата тешко нарушена душевна состојба потребно е да се исполнуваат многу повеќе критериуми.

Веројартно само имате способност за логика со која можете да навлезете во нивниот начин на размислување, што не е недостаток, туку предност. Важно е како се чувствувате за постапката на имагинативната жена, која секако треба да ви биде крајно неприфатлива.

Знаци кои укажуваат на тоа дека работите со психопат

Како што најверојатно ви е познато, психопати има повеќе отколку што можеби мислите, а повеќето од нив тешко може да се забележат од првите неколку средби. 

Сепак, сите тие споделуваат некои одредени заеднички однесувања, тврди експертот Лилиан Глес, која долги низа години соработувала со ФБИ, помагајќи им во откривањето на лажговците и сигналите кои упатуваат на измама.

Неодамна ја напиша книгата „Говорот на телото на лажливецот“. Бизнис инсајдер издвои дел од начините на кои ќе го препознаете психопатот колега, соработник или шеф.

Секогаш во говорот користат минато време

Истражувачите откриле дека психопатите многу почесто користат минато време од сегашно, што е јасен показател дека не се присутни во сегашноста, тврди Глес.

Изјавите често им содржат причина и последица

Со оглед на тоа дека психопатите сметаат дека сè на светот, вклучувајќи ги и другите луѓе, се нешто што им припаѓа ним, истражувачите на Јуниверзити Бритиш Колумбиа откриле дека тие многу почесто од обичните луѓе ги употребуваат фразите „затоа што“, „така што“. Така ги рационализираат своите постапки со сопствената логика.

Често зборуваат за своите потреби

Бидејќи ретко некој друг ги преокупира, многу зборуваат за сопствените основни потреби, како што се храната, живеалиштето, облеката. А кога зборуваат за тие работи најчесто употребуваат двојно повеќе зборови отколку вообичаено или соговорникот го затрупуваат со голема количина информации.

Не преземаат одговорност или вина

Психопатите најчесто мислат дека тие се жртвите, што доаѓа од тоа што имаат чувство дека тие имаат право на сè и во сè.

- Психопатите за себе зборуваат со фалење и ги обвинуваат другите, непревземајќи ја одговорноста за своите дела, пишува Глес.

Често се противречни

Контрадикцијата може да се случи дури и во рамките на една единствена реченица.

- Психопатот ќе лаже или ќе ја одбегнува информацијата кога ќе ги прашате нешто, но би можело да ви ја каже вистината ако малку го преформулирате прашањето. Истражувачите откриле дека тоа има врска со посебниот начин на кој нивниот мозок е вмрежен, тврди Глес.

Многу лошо им оди плачењето

Кога психопатите плачат, многу често ќе ги бришат солзите под едното па под другото око, во правилни интервали. Глес пишува: - Кога луѓето искрено плачат, плачат наеднаш од двете очи. И затоа ги бришат паралелно.

Говорот на телото не им е во сооднос со она што го зборуваат

Глес тврди дека психопатите често зборуваат едно, додека нивниот говор на телото укажува на спротивното. На пример, додека го изговара зборот „не“, психопатот потврдно ќе кимнува со главата или обратно

Нормалниот човек е способен со својот разум и волја да диригира со своите нагони, да ги усмерува кон одредени цели почитувајќи ги прописите и нормите кои се наметнати. Душевно болен човек не е во состојба да ја сфати важноста на постоечките норми, ниту пак, може да ја согледа штетноста во своите или туѓи постапки. Психопатската личност, пак, често ги крши овие прописи и не се труди своите потреби да ги усогласи со интересите на својата заедница.

Погледнете ги видовите на психопатија кои можат да се појават:

Шизоидна психопатија – оваа група ги опфаќа сите особености во структурата на личноста кои се јавуваат и кај шизофрената психоза. Основните одлики на оваа структура на личност се: емоционална тапост, неосетливост или претерана сензитивност, недоверливост, склоност кон параноидна интерпретација, затвореност, слаба комуникација со средината, непотребна внимателност, себичност и слично.

Циклоидна психопатија – по своите доминантни симптоми оваа група е слична на манично-депресивната психоза, со тоа што нејзините симптоми се значајно поинтензивни. Исто како што манично-депресивната психоза може да се јави во разновидни фаза, манична или депресивна, кои можат да се менуваат, така и циклоидните психопати можат да покажуваат варијации во своето расположение, почнувајќи од хипоманија, па се до благо депресивна фаза, или пак, можат целиот свој живот да покажуваат симптоми на една од овие две фази.

Епилептоидна психопатија – карактеристиките на оваа група се гледаат во експлозивноста, непромисленоста, жестокоста, брзите празнења на емоциите, раздразливоста, лепливоста во говорот, опширноста, наглото менување на расположението, сугестибилност и слично.

Хистероидна психопатија – нејзините својства се гледаат во хистеричниот карактер: емоционална незрелост, афективна лабилност, егоцентричност, нагласена емоционалност, желба за лична доминација во секоја ситуација, нестабилност, колебливост, склоност кон фантазирање, наметливост, љубопитност, подлост…

Сексуална психопатија – карактеристични својства за личноста со сексуална психопатија се појави на различни настраности во задоволството на сексуалниот нагон, разновидни перверзии и слично.