Bike Furniture Design е специјализирано студио за модерен мебел, направен од рециклиран челик и алуминиумски обрачи, рачки и рамки од велосипеди.

Овој мебел го произведува Енди Грег, кој идејата ја добил додека работел како механичар во продавница за велосипеди. Мебелот го произведува уште од 1990 година, и вели дека тоа е траен и удобен мебел.

Некои од дизајните покрај искористените делови од велосипед, содржат делови и од други транспортни средства.

За изработка на горниот дел од масите, се користени прозорци од автомобили и возови, а некои додатоци од автомобилите како што се безбедносните појаси, се употребени како мрежа за тапацирање на столчињата.

Исто така и другите материјали како кожа, гума, плута, проѕирен и обоен акрил се дел од додатоците за овој невообичаен вид на мебел.

Во спектарот на понудени елементи за опремување на домот, се вклучени најразлични високо квалитетни маси, бар столици, огледала, двоседи и обични столици со најразличен дизајн.

(Т.Ј)