Тригодишното удавено дете Ајлан К*рди, кое беше исфрлено на брегот во турскиот округ Бодрум, беше меѓу дванаесетмината сириски бегалци, за кои се претпоставува дека загинале оваа недела во обид да стигнат до грчкиот остров Кос. Фотографиите со тригодишното дете беа објавени на социјалните мрежи и други медиуми и предизвикаа шок во целиот свет.

– Ми се лизна од рацете, изјави таткото на детето Абдулах К*рди.

Тој раскажа за ужасните трауми за време на семејното „патување на надежта“ во чамец од турскиот брег до Кос.


За време на патувањето Абдулах К*рди ги загубил двете деца, Ајлан и Галип, како и сопругата 27-годишната Захим К*рди. Абдулах успеал да се спаси и допливал до турскиот брег.

Тој изјави дека неговото семејство два пати се обидувало да стигне до Кос и оти два пати плаќало за тоа.


– Првиот пат не запре крајбрежната стража. Вториот пат организаторите не го одржаа зборот и не ги доведоа чамците. Поради тоа сами си обезбедивме чамец, истакна тој.

Тој рече дека бил принуден да ја преземе контролата на чамецот откако капетанот скокнал во паника во морето кога имало премногу високи бранови.

– Влеговме во морето и за неколку минути капетанот забележа дека брановите беа многу високи и како што се обидуваше да го управуваа чамецот и да ја преземе контролата, бевме погодени од силен бран. Тој во паника се фрли во морето и избега. Јас го презедов управувањето на чамецот, но брановите беа толку високи што потона веднаш.


Откако поминале 500 метри од брегот чамецот почнал да се полни со вода. Патниците биле во паника. – Имавме појаси за спасување, но чамецот се преврте. Ја држев жена ми за раце, а децата едноставно ми слизнаа од рацете, раскажа К*рди.

– Не бев во стостојба да ги слушнам гласовите на моите деца, бидејќи луѓето наоколу врескаа. Се обидов да ги спасам моите момчиња, но не успеав, додаде тој.


– Моите деца беа најубавите децата во светот. Прекрасни. Тие ме будеа секое утро да си играм со нив и сега, ги немам и двете. Сега сè што сакам е да лежам во гроб во близина на мојата сопруга и децата – рече таткото за „Скај њуз“.

Фотографијата на Ајлан К*рди го истакна во прв план прашањето за тоа како очајните мигранти ги ризикуваат своите животи за да се обидат да стигнат до Европа.


К*рди објасни дека чамецот бил преполн, на него се наоѓале 13 луѓе. Тој со двете деца и неговата сопруга сакале да стигнат до Канада и да се пријават со статус на бегалци.

Погребани удавените сириски деца и нивната мајка - Во сирискиот град Кобанеденес беа погребани двете сириски деца и нивната мајка кои се удавија во обид да стигнат до Грција.


Тригодишниот Ајлан и неговиот брат, беа меѓу 12-те сириски бегалци кои загинаа неделава во обид да стигнат од Турција до грчкиот остров Кос. Снимките на тригодишниот Ајлан го обиколија светот.

Таткото на децата Абдулах К*рди присуствуваше на погребот во Кобане. Тој изрази надеж дека загинувањето на неговото семејство ќе ги поттикне арапските држави да им помогнат на сириските бегалци.


– Барам од арапските влади, не од европските земји, да видат што се случи со моите деца и заради нив да им помогнат на луѓето, истакна К*рди.