Откако шефовите од Бихаќка ги рапуштија шаторите се разбегаа по одмори, па за да не ги бараат кој каде е, а јавноста да се забавува со други работи, функционерите и пропагандистите на СДСМ почнаа со филмови од црната пропаганда, како на пример, каде е премиерот Никола Груевски на одмор и колку скапи очила носел.

Груевски е на одмор, како и секој од нас кога ќе му дојде време. Политиката влезе во мирни води, и време е за релакс. Тоа и не е некоја вест, но за да биде плус и пропаганда, соросидите пуштија абер дека на одмор носел наочари за сонце! И тоа од 60.000 долари! Они ја виделе цената на интернет, замислете. Патем, на истата слика од интернет посочените наочари се со дијаманти, а оние кои ги носи Груевски се обични но, кој се интересира за тоа - сметаат СДСМ и Соросидите. Важно е да се пушти афера, па кому иде. И, по можност, аферите да траат се додека тие не се вратат од одмор затоа што ќе мора да им почнат судењата за корупција (Заев), ќе мора да ги видиме резултатите од истрагата за сомнителни кирии на Шекеринска со кои заработила над 300.000 евра за пет години...

Колку и да се трудат, никој во државава неможе да биде како Фрчковски, Шекеринска, Заев па и Шилегов. Единица мерки за корупција, изживување со богатства, перење пари...

Филмот што го продаваат за Груевски е монтажа на нивниот лик Фрчковски со часовникот од 60.000 долари, сексуални оргии во МВР, милионски профити од фришоповите на неговиот брат.
Груевски се уште живее во својот личен стан, нема скапи часовници, одела и уметнички слики во милионски износи.

Фотографијата која СДСМ сакаше да ја продаде како слика на Груевски е таблоидна и естрадна политика. Кога сме кај скапите работи, остана неодговорено до каде е со куќата на Заев на грчкото море, плакарот со скапа облека на Радмила Шеќеринска од 200.000 евра, како и петте нејзини стана и киријата од над 5.000 евра месечно.

Ако Груевски сака брза заработка, тука е Шекеринска. Може да му обезбеди муштерија за да го даде станот под кирија, за барем 5.000 евра месечно, или 60.000 евра годишно :) таа знае како. А Груевски да се пресели во премиерската вила на Водно, како што направија премиерите пред него.

(Претседателот на Владата на Република Македонија, Никола Груевски, заедно со своето семејство е на неколкудневен годишен одмор во Израел, соопшти службата за односи со јавност на Владата на Република Македонија.)