Арапскиот свет и што потоа ????

 Platenik напиша:

 Македон напиша:

 Platenik напиша:

@Македон

На мислење бев дека никогаш нема да правиш компромис со политката на било кој диктатор, без разлика колку истиот и носи просперитет на соодветната држава?!

Јас никогаш не би правел компромис со политиката на диктатори, но, секогаш би ја почитувал волјата на еден народ, како еден од највисоките дострели на демократијата. Ако волјата на либискиот народ е насочена кон поддршка на системот, кој сум јас, или било кој друг, да гази врз таа волја? Никој тој луксуз не смее да си го дозволи, па дури ни САД. 

Јас не сум благонаклонет кон Гадафи, но секако ја сакам и почитувам слободата на либискиот народ, а многу добро знаеме дека монархот на Либија истото не го дозволуваше, а државата ја претвори во пералница на пари. Не сакам да кажам дека и Гадафи истото не го прави, но, штом ја ужива поддршката на мнозинството, значи дека поседува легитимитет.

Морам да признаам и дека ме разочараа западните демократии. Се што пропагираа, се кон што се стремеа, за само половина час на CNN го згазија. Двојните аршини речиси и јавно ги покажаа.

Завчера не можев да си верувам на очите кога видов дека на youtube има видео клипови каде што се гледа дека цело Триполи е на улиците во поддршка на Гадафи, а тоа на ниту една телевизија не го покажаа. Исклучок е вчера што објавија дека имало собир за поддршка во Триполи и дека покрај резиденцијата на Гадафи се наоѓаат цивили кои се спремни да го дадат животот за него. Сепак, доколку нема поддршка, ниту еден народ не би седел на улиците во текот на бомбардирања, зарем не? 

A истотака сметам дека добар владетел, воопшто не треба да дозволи некакви бунтовници да уништуваат се и сешто, па дури и да ја поделат државата. Зарем не велат и најдемократските држави дека со терористи не се преговара? 

Секако, врв на лицемеритето е тоа што постојано се говори за цивили, додека, како што гледаме, многу од тие цивили шетаат со базуки и слични нешта в раце. А за да биде лицемерието поголемо, дури 

И секогаш ќе повторувам. Ако некој е загрижен за цивилите, веднаш да го урне режимот на Сверна Кореја, каде што се убиваат деца, каде што постои колективна вина и каде што има сеуште гулази. Се дотогаш се што ќе се каже е само говорење во ветер.бараат оружје, па и велат дека имале само лесно оружје. Тоа не беше целта на резолуцијата на Советот за безбедност на ООН. Мене никако не ми личи дека на сликата што ја постирав, тоа што го постирав држи бунтовникот е лесно оружје. Нека каже некој што има познавања од оружја, јас немам толкави.

Патем, ова вреди да се прочита.

Дали Гадафи не беше во право кога велеш дека има и терористи од Ал Каеда против него!?   

Зарем не треба и на тоа да помислиме? Што ако навистина станува збор за радикали? Зарем треба да се препушти сиот народ на такви?

Убаво напишано, убаво срочено.

Меѓутоа велиш дека си се разочарал од демократските системи. Е мој Македоне, допрва ќе се разочаруваш од нив и нивните двојни стандарди. Зарем требеше да се случи Гадафи за конечно да ги увидиме двојните стандарди?! Па тој филм сме го гледале незнам колку пати досега. Сценариото и режијата се исти, само глумците се различни.  

Систем во кој што те тепаат (со законски регулативи, а со цел да се запазат нечиви интереси), а не ти даваат да плачеш не е демократија.

Види сега, во Северна Кореја нема нафта, а згора на тоа имаат и nuclear capabilities. Меѓудругото демократите имаат лошо искуство со воените интервенции на тој простор од планетава. Во Виетнам се изгореам и Французите и Американците, во Кореа Американците. 

Ако зборуваме објективно, каде и да интервенитрале, никаде не се офајдиле или ги „средиле“ работите. Иран, Ирак, Алжир, Мароко, Либија на неколку наврати, Авганистан.... и листата продолжува, катасрофа до катастрофа.

Зарем неможе да се види дека постапуваат по онаа римската, подели па владеј. Христијани наспроти муслимани,католици против протестанти против православни, шиити наспроти суни, Срби наспроти Хрвати, Хуту наспроти Тутси.........

Викаш дека народот му давал подршка на Гадафи, па народот му давал подршка и на Сталин и на Тито и на Садам и на Кастро и на Мугабе и на Ганди и на Бандаранјке и на Шавез, и на Беназир Буто....., а би рекол дека народот му дава подршка и на Ким Ил Сунг.

За “демократите“ како Пиноче, Пахлави, Батиста, Бота, Мркус... се разбира дека има подруг аршин, нели?

Меѓутоа, некој седнал и решил кои од овие диктатори се лоши, а на кои од нив може да им се прогледа низ прсти или се толерираат. Камапњите против диктаторите се одвиваат по одредено сценарио, а нивниот интензитет зависи од неколку фатори:

- природните ресурсите со кои располага земјата на диктаторот

- неговата воена моќ 

- неговата одлучност сам да биде газда на сопствените ресурси

- неговата одлучност да го избере начинот на кој ќе се спрведуваат финасиските трансакции

- политичкото опкружување и

- резултатот од анализата што ќе добијам, а што изгубам ако интервенирам. Доколку добивката е поголема, тогаш вредно е да се изгубат и одреден број на човечки животи и постигне целта.

Во целиот овај процес се спроведува јасна стратегија со кој се сака да се придобие јавното мнение и оправда интервенцијата, а со тоа и евентуалната загубата на људски потенцијал.

Тоа го прави CNN, BBC, Foxnews.......

Значи кога зборуваш за подршка од народот на некој лидер, треба да ги анализираш нападите, од каде доаѓаат, кои се мотивите, која е целта, па потоа да заклучиш дали некој навистина е диктатор. Преполн е светов со Гулази и локални силеџии, но не секаде се интервенира. Во принцип диктатор е диктатор и несмее да се прави компромис, ама...

На некои народи западниот вредносен ситем, едноставно не им одговара, како историски, социолошки, така и од културолошки аспект. Тие системи треба да се развиваат самостојно и постепено, а не со присила. Голем е бројот на опортунисти кои ќе ги искористат нередите да се здобијат со политичка власт, преку која ќе се однесе народот назад во средниот век.

Прав си кога зборуваш за можноста дека на власт може да дојдат некои радикали од кои со сигурност може да се очекува дека ќе бидат полоши.

Зарем праксата тоа не го покажува, Талибан е многу добара пример.

Веројатно некому му одговара да има нереди. Нели се вели за некому да му раздени, некому треба да му се стемни.    

Сега видов дека сум направил превид при поставувањето на линкот за оружјето, ама го средив.

Да, се разочарав од оние кои се нарекуваат столбови на демократијата! Најмногу поради тоа што мислат дека никој не гледа што прават, па и дека сме наивни. Во ред е да лажат, тоа знаеме го прават, но да лажат некого кога со свои очи го гледа нештото, веќе преминува во она што народот го нарекува правење будала од другиот.

Во други случаи, ќе се посомнева човек дека нешто не е во ред, па ако не може да го докаже, можеби и ќе мине лагата, но овој случај ја прелева чашата. Пак ќе кажам, не сум благонаклонет кон Гадафи, но, кога нештата ги поминуваат границите, тогаш веќе поинаку гледа човек. Да убедува некој дека Гадафи останал сам, па потоа да каже дека се води граѓанска војна, а нели според кажаното дека останал сам значи дека нема поддржувачи, па да сокрива информации за поддршка на Гадафи, постојано да вели дека се случува масакр врз цивили, а да станува збор за бунтовници, а како врв на се, во други држави да има масовни убиства на цивили и да не презема ништо е лага врз лага, односно се ова што го набројав, ако се стави во една реченица ќе се добие нелогична ситуација.

И убаво велиш, во Северна Кореја никој нема да интервенира затоа што има една од најголемите армии, нуклеарно оружје и фанатизирано население, а да не говориме и дека Кина и Русија се тука да и помогнат.

Во однос на поддршката, не би ги споредувал сите тие диктатори кои ги наброја, затоа што сепак, во Либија нема милиони убивани, како што имало во СССР, Северна Кореја и другите. Во Северна Кореја ситуацијата никако не може да се спореди со онаа во Југославија, затоа што во Северна Кореја сеуште постојат гулази, концентрациони логори, експериментирања врз луѓе, убивања на цели фамилии. Не знам дали знаеш, но во главниот град на Северна Кореја мора да живеат само здрави луѓе. Болните, инвалидите и другите слични, поради недостигот на храната, често завршуваат на непознат начин, а поради постоењето на глад, недостиг на електрична енергија и лекови, постојано капиталистите кои ги мразат им донираат нешта. А тоа и најмногу ме иритира. На таков систем, каков што е оној на Ким Јонг Ил му се прогледува низ прсти, па дури и му се помага. 

Точно е дека се експлоратираат масовно поделбите меѓу луѓето, но тоа го прават и диктаторите и другите. Да бидам искрен, мошне се плашам дека таму ќе дојдат радикали, а ќе бидат поддржани од САД. Жално е што народот во САД не ги сфаќа овие нешта, па дури има и поддржувачи на вакви агресии. Не ја доживувам националната и верската определба како нешто вештачко и нешто што треба да дели. Односот кон верата не треба да биде однос помеѓу мене и соседот, односно ниту соседот не треба да ми одговара мене за тоа во што верува, ниту јас на соседот. Тоа е лично право. А дека ќе се злоупотребува, доволен доказ е Сирија. Имам пријатели во Сирија, од каде што секој ден дознавам што се случува и кои на моите прашања за огромни немири и слично, одговараат со страв, велејќи дека, доколку тој лидер падне, бидејќи се Христијани, ќе паднат во милост и немилост таму, затоа што веќе во џамиите се повеќе и повеќе се проповедала нетолеранција, а токму таму беа најдени и оружја, многу пари, пропаганден материјал и слично. Но, дури и велат дека протестите не се толку големи и крвави. А западот веќе почна со својата кампања. Барем на CNN.

За медиумите си целосно во право, веќе јасно се гледа. Се престорија во слуги на елитите. Известуваат пристрасно, но, дури и не се кријат, веќе отворено заземаат страни.

Треба да се анализира состојбата за да се види кој е диктатор, но, доколку се сака да се спроведат еднакви мерки кон сите, веднаш ќе се препознае кој е што. Но, очигледно не се сака.

И морам да кажам, комплетно се согласувам дека оваа ситуација ќе биде злоупотребена. Во Либија младото население кое војува против Гадафи војува во голем дел под влијание на пропагандата на радикалите, во Египет веќе ослободуваат од затворите лица кои биле блиски на Ал Каеда, во Саудиска Арабија веќе се најавува зголемување на власта на верските лидери на сметка на световните. А сите тие, за да успеат, ќе се претворат во слуги на западот, сакале или не, барем во Либија, каде што сеуште се поддржува Гадафи. А Западот, иако се радикали, 

ќе ги поддржи.

Врв на се беше интервјуто со бутновниците вчера. Се говореше за пукање, убивање цивили, масакри, а во позадина еден од нив парадираше со сосема "лесна" зоља.

А кога дадоа разурнат објект, со мртви од бомбите на коалицијата, потоа погреби на десетици цивили, CNN не можел да потврди дека навистина тие биле убиени од коалицијата. 

Но, штом некој веќе толку е лажен, вината не е во тој што лаже, туку во тој што е лажен. 

И ако се мора да се бира меѓу Гадафи и исламските радикали, кои либискиот народ ќе го однесат во немаштија, неедуцираност и мрак, тогаш, подобро е на власт да остане барем оној кој досега има изградено многу факултети, кој на својата земја и донесе образовен систем, кој овозможува стекнување солидни знаења, кој на жените им дозволува непречено да работат, па дури и на политичките собирања може да се видат многу жени. Тоа со радикалите нема да биде возможно. А тоа е и волјата на народот, кој никој нема право да ја гази.

Изменето од Македон - 25.Март.2011 во 14:08

Внеси реплика	страница <1 7 8910 11 30 >
Tweet