Македонија “изгубено дете на мајка Блгарија“?!

Бугарската националистичка партија „Атака“ вчера предупреди дека Македонија и Србија можат да станат членки на Европската унија само откако ги вратат териториите одземени од Бугарија по Првата светска војна. Димитар Стојанов, член на Европскиот парламент од „Атака“ ваквото барање го нотирал во писмо до амбасадорот на Србија во Софија.Лидерот на „Атака“, Волен Сидеров, потврди дека доколку Србија сака да и се приклучи на Унијата треба да ја врати територијата околу Димитровград и Босилеград во источна Србија, а Македонија да ја врати Струмица.

Барањата на Атака доаѓаат во време на подготовка за парламентарните избори следната година. На ваквите изјави се гледа како на засилување на реториката во бугарската десница. Атака е треторангирана партија, зад опозиционата ГЕРБ, партија на градоначалникот на Софија Бојко Борисов и социјалистите на бугарскиот премиер Сергеј Станишев.

--------------------------------------------------------------------------------------------

 

 

Ова изгледа како не толку срамежлива најава за уште едно вето од нашите “мили“ комшии, овојпат источните...ако се дочепаат “атакувачите“ до власт...

Да се вратела Струмица на Бугарија... хахахаха...

И после ние сме ширеле национал-шовинизам, говор на омраза, непријателски пораки кон комшиите???...

 

 

Состојбата по изборите во Македонија само привидно е смирена и земјата се наоѓа во деликатна, па дури и драматична фаза од својот развој, оцени првиот амбасадор на Бугарија во Македонија Ангел Димитров во интервју за софиската агенција Бгнес. Според Димитров, основните причини за загриженост, заедно со економската состојба, имаат политички и социјално-психолошки карактер.

- Македонија не успеа, ниту покажа желба критички и докрај да го согледа своето минато. Растргната меѓу неопходноста од промени и напорите да го зачува образот од југословенско време, земјата остана плен на својата митологија и од неа формираниот новомакедонски национализам.Таквата состојба и' пречи на младата држава да најде рационални решенија за нејзините внатрешнополитички и меѓуетнички проблеми, и за остварувањето на нејзините меѓународни односи и надворешнополитички цели - изјави Димитров.Во врска со прашањето за името, Димитров оцени дека проблемот изгледа ирационален, но всушност се однесува на целокупното наследство и политичките димензии во него.Грчко-македонскиот спор директно ја засега и Бугарија, и тоа од три причини, смета Димитров.

- Името Македонец, употребувано од македонските Бугари е дел од бугарското историско наследство, дел од географската област Македонија е во границите на бугарската држава, во која живеат и десетици илјади бегалци од сите нејзини краишта - наведе Димитров.

---------------------------------------------------------------------------------------------

...и повторно молчиме...до кога само ке трпиме да не плукаат, негираат, навредуваат и до кога само ке молчиме...?
Ова изгледа е најнов вид на одбрана, македонски изум, додека сите и од сите страни не напаѓаат на безочен и дрзок начин, ние ке молчиме и остаруваме, пардон, остваруваме.
Кога веќе еднаш ке се свестиме и ке смогнеме сила адекватно да одговориме на оваквите лаги и историски невистини навистина не ми е јасно, и што е уште понавредливо, текстов е независен, не е во склоп на кометар, туку си фгурира како вест, прекрасна вест! Не ми е јасно и зошто воопшто вакви навредливи текстови искачаат по медиумиве без адекватни коменари од уредникот или новинарот кој го објавува. И каде се сега да реагираат дотичните велештрумфови од МАНУ, или ова им е под чест да го коментираат?

Уште сонуваат за МАКЕДОНИЈА=БУГАРИЈА,ја немало нема ни да ја има како бугарска земја а народот да е бугарски.