Луксузниот имот на славната креаторка се продава за 39 милиони долари, што нѝ дава прилика да погледнеме како една од најпопуларните Американки ја уредила оваа вила во африканско-бали стил.

Познатата американска дизајнерка Дона Каран одлучила да го продаде својот луксузен имот кој таа го поседува во рамки на приватниот, егзотичен остров Parrot Cay. Овој остров се наоѓа во северниот дел на Карибите, точно во склоп на островите Turks и Caicos.

Токму една таква вила поседува и Каран, која ја купила пред 12 години. Комплетниот имот се простира на неверојатни 28.327 метри квадратни, а целата вила е уредена во африканско-бали стил со 4 спални соби и 4 луксузни купатила.

Во склопот на Sanctuary (името на вилата), се наоѓа и јога павилјон, просторија за ручање во која може комотно да јадат 20 луѓе, како и базен на отворено до самата плажа.

Ентериерот во просторот е оплеменет со мебел од махагони и топли есенски палети, и тоа со парчиња од својата UrbanZen колекција. Дона Каран, во просторот додала и спа, како и два мали базени.

Александар Венг е еден од најпознатите дизајнери на помладата генерација, кој се прослави со својот елегантен и едноставен, но и помалку специфичен стил за кој редовно се одлучуваат многу јавни личности. 

До оваа година, тој живеел во типично уметнички стан, односно галерија, но сега изјавил дека е време за посериозна недвижнина и поорганизиран живот. Како што пишуваат од Architectural Digest, со кои дизајнерот екслузивно разговарал, овој луксузен стан покрај Хадсон на њујоршкиот Менхетен е токму таа нова скала во животот.

Уредувањето на ентериерот носи мноштво чисти линии и едноставни парчиња мебел. Боите кои преовладуваат се скромни и ненаметливи, како што е белата, беж и црната боја, а големо внимание привлекуваат и деталите.

Венг ја обожава работата на познатиот Стивен Клајн, а токму поради тоа станот го красат неговите дела. Овој дизајнер вели дека најмногу го цени погледот кон водата која секогаш го смирува, како и големата количина на природно светло.