Суперјахтите се популарни сега повеќе од било кога за да се задоволат потребите на ултра богатите. Продажбата на мегајахтите и повеќе од двократна во изминатите пет години а само во 2014 година се продадени 412 од нив. Со производство на овие мегајахти се занимава Стефано Паштрович од Џенова.

И додека богатите стануваат уште побогати, дизајнот на овие гигантски бродови станува се` пософистициран. Јахтите на Паштрович имаат Паштрович имаат свои мобилни острови, гаражи со спортски автомобили и подморници, па дури и свои градови на море. Се чини дека небото е граница, но само ако имате доволно пари.

Со луксузната понуда, која вклучува брод вреден 342 милиони евра кој е дизајниран како реплика на градот и држава Монако во природна големина, а кој има отстранливи базени чија раздалеченост може да се прилагодува, изгледа дека нема граници во дизајнот на суперјахтите.

Ова се некои од луксузните модели кои ги дизајнирал тимот на Паштрович.

“Beach Club”


Оние кои бараат јахта инспирирана од остров, без сомнение ќе го обожуваат овој модел на јахта долга 92 метри. Главниот дек има шест палми кои го окружуваат базенот и лежалките. Две тераси имаат поглед на мала тропска оаза, а многуте софи можат да угостат голем број на луѓе.


Внатре дизајнот е рустикален, со многу ленени завеси кои благо ги вее морскиот ветер, удобни бели софи и плетен мебел. На терасата на третиот дел, столчиња го окружуваат каминот, а се` неодоливо потсетува на плажа сред океан.


“La Belle”


Прва од ваков вид, оваа суперјахта е дизајнирана само за жени.

Оваа 80 метри долга дама има лустери од Сваровски кристали, богати златни мозаици и смрзнати фонтани и го претставува женскиот глас во досега машкиот свет на луксузни јахти.


Украсена со крзна, цвеќиња и други женски детали, атмосферата која ја создава е топла и романтична.

Во шестте де-лукс кабини, кои се украсени со боја на слонова коска и златни тонови, можат да спијат 12 луѓе, но главната кабина е најлуксузна.


Во неа се наоѓа голем кружен кревет со балдахин, но и одвоена приватна тераса. Масивната јахта има и свој спа со базен за хидромасажа и инфрацрвена сауна, како и салон за убавина, диско клуб, кино и неколку барови.


“X R-Evolution”

Овој врвен модел е инспириран од пловечките вили на Малдивите. Овој 77 метри долг модел има две платформи кои се поврзани и пловат зад самата јахта.


Во случај гостите да сакаат малку повеќе приватност, постои можност пловечкиот базен да се одвои од бродот и да се закотви во близина на брегот.


Овој пловечки хотел всушност е неколку приватни вили, дизајнирани да примат 40 членови на екипажот. Сепак, со специјалните можности кои ги има во понудата, можно е никогаш да не ги сретнете.