Црна хроника

Се самоуби уште една манекенка

Поранешната манекена и одбојкарка Милена Петковска (26) од Велес била пронајдена мртва завчера во куќата на својот татко во велешкото село Новачани. Според првичниот увид, Петковска се самоубила со бесење. Полицијата за случајот ја известил сосед на семејството Петковски. Полициската патрола извршила проверка во куќата и на таванот го пронашле безживотното тело на девојката.

Под неа имало шише со ракија. Таа оставила и проштално писмо до своите блиски во кое бара да го чуваат „нејзиниот ангел“, тригодишниот син. Таа не била мажена, а нејзино момче бил еден од петтемина велешани што беа осомничени дека се организатори на криминалната група „Франкфурт мафија“ која се занимавала со шверц на хероин. Според полицијата, таа досега во два наврата безуспешно се обидела да се самоубие, откако испила поголемо количество лекови.

Петковска беше одбојкарка на велешки „Борец“ и на скопски „Работнички Фершпед“ и со скопската екипа, како нејзин првотимец, неколкупати ги освојувала шампионатот и купот на Македонија. Таа се занимавала и со манекенство и учествувала во реализација на повеќе спотови на македонски поп-изведувачи. Учествувала и во избор за мис на Македонија, како и нејзината сестра Даниела Петковска, исто така позната манекенка.Пред само една недела во Куманово се самоуби и манекенката Марија Радуловиќ. Таа се обеси на балконот од нејзиниот стан во центарот на Куманово. Досега не беа утврдени причините поради кои манекенката си го одзела животот.

ПО ЕДНОГОДИШНА ИСТРАГА ЗА УБИСТВОТО НА БИТ-ПАЗАР

Уап­сен чичкото што го уби внукот

Џев­џед Камбери од Скопје минатата година среде бел дена меѓу тезгите на Бит - па­зар го уби неговиот внук Исљам Ајдиновски (30)

КАЈ ГЕВГЕЛИСКОТО СЕЛО МРЗЕНЦИ

Тело на маж во Вардар

Засега неидентификуваното тело било закачено на дрво, во фаза на распаѓање

Уапсени 42 лица во „Операција Југославија“

Шпанската полиција во Операцијата Југославија уапси 42 лица од подрачјето на поранешна СФРЈ, меѓу кои и Македонци, осомничени за кражби во над 500 станови.

Полицијата во Мадрид и Тарагона приведе криминална група од 42 члена од Македонија, БиХ, Црна Гора и Хрватска, кај кои се пронајдени најмалку шест килограми накит и 200 илјади евра.

Според весникот Ел Паис, полицијата верува дека групата во изминатата година извршила провали и кражби во над 500 станови, а официјално е обвинета за 90 грабежи, пренесува Макфакс.

Сите уапсени веќе биле казнувани, објави полицијата, додавајќи дека со нив живееле 33 малолетни лица, кои се предадени на соодветна институција за згрижување.

Истрагата во која учествувале 240 полицајци, почнала во јануари, од кога се следи организацијата, за која властите веруваат дека има ограноци и во Франција, Италија и Португалија.

Претставникот на полицијата што ја водеше операцијата истакна дека групата била цврсто хиерархиски организирана, со строго поделени улоги.

Најниска позиција имале дваесетина жени, Ромки, кои влегувале во становите. Крадената стока „ја переле“ низ илегални активности, со купување на недвижности и со меѓународни трансакции.

Шефовите на организацијата поседувале големи куќи, а секој од нив имал и по седум скапи автомобили.

Провалите и грабежите ги извршувале во работно време во станови од средна и пониска класа, бидејќи тие се послабо заштитени.

Полицијата соопшти дека на својата интернет страница ќе објави фотографии на украдените предмети меѓу кои има над две илјади парчиња накит, за да можат оштетените да ги препознаат.

lele strasna operacija ... JUGOSLLAVIJA ....