Во брак или сингл

Првите бракови всушност биле грабежи! Примитивниот човек едноставно ја грабнувал девојката со која сакал да се ожени или ја откупувал од нејзиното семејство, плаќајќи за неа одредена сума.

Потоа бракот се склучувал по договор во кој немало ни “љ” од љубов, ами само брачни обврски. Најпосле е установен брак кој е заснован на заемна љубов.

Но, и денес, во 21 век, кај некои религии постојат остатоци од дамнешното “продавање на невестата” за пари.

Кумот и старосватот на денешните венчавки веројатно првобитно биле добро наоружани војници кои му помагале на примитивниот човек да ја грабне невестата. А медениот месец всушност бил периодот кога младоженецот требало да ја крие невестата, додека нејзините не престанат да ја бараат.

Обичаите околу бракот се стари колу и самото човештво. Така порано некои примитивни племиња сметале дека бракот е склучен ако момчето и девојката заедничи изедат една чинија со ориз, други пак житото го сметале за симбол на плодност, па оттаму потекнува и денешниот обичај на посипување на младоженците со жито, за да бидат плодни.

Бурмата како симбол на брак и семејство, е обичај кој датира одамна, па дури не се знае точната историја за неговата примена. Но симболизира единство, поради неговата кружна форма.

Порано на грабнатата девојка и се ставала белегзија на раката или ногата, за да се знае дека таа му припаѓа некому (на оној кој ја грабнал).

Ова е историјата за постоењето на денешната институција брак ....!