Вистина или фарса - Реформите во здравството

четврток, 3.12.2009
НАЈНОВИ ВЕСТИ

ФЗОМ ќе ја почитува одлуката на Усавниот суд во врска со лабораториските испитувања

Фондот за здравствено осигурување на Македонија (ФЗОМ) денеска соопшти дека се уште ја нема добиено одлуката на Уставниот суд на Република Македонија за укинување на две одредби од негов Правилник кои се однесуваат на плаќањето на лабораториските испитувања во специјалистичко-консултативни здравствени установи,  но оти во целост ќе ја почитува.

- Фондот  има склучено  Договор  за извршување и плаќање  лабораториски испитувања во специјалистичко-консултативната здравствена заштита по упат на избран лекар,  со сите здравствени установи  (лаборатории) кои поднеле понуда  за склучување договор. Важноста  на договорот со лабораториите е до 31 декември годинава и согласно членовите 69 и 70 од Законот за задолжителното осигурување, Фондот обезбедил (купил) здравствени услуги за осигурениците  што, пак, претставува негова обврска  пропишана  во членот 9 од истиот закон во кој се вели дека ФЗОМ  треба да обезбеди пакет здравствени услуги за своите осигуреници, се вели во соопштението на ФЗОМ.

Во него се додава дека по стапување во сила на Одлуката на Уставниот суд, Фондот, во соработка со Лекарската комора на Македонија, како партнер во договарање на односите  помеѓу ФЗО и здравствените установи, ќе договори и ќе предложи нов начин на плаќање на здравствените услуги од лабораториската дејност.

- Со тоа  со договорите што ќе се склучат за  2010 година  со сите здравствени установи (лаборатории) ќе ја исполни својата обврска  и на осигурените лица  ќе им обезбеди (купи) ваков вид здравствени услуги, се наведува во сооопштението од ФЗОМ по повод вчерашната одлука на Уставниот суд.

Судот ги укина одредбите затоа што во рамките на уставно-загарантираното право на здравствена заштита граѓанинот има право врз основа на платениот придонес за здравствено осигурување да избере на кого ќе го довери лекувањето на неговото нарушено здравје, поради што постоењето или непостоењето на договорот меѓу секундарна здравствена установа и Фондот не може да биде причина граѓанинот кој платил придонес во рамките на тој обем на услуги, колку што е платен придонесот, да не добие здравствена услуга. Повисокиот обем граѓанинот треба да го плати.


МИА