Фотогалерија - Вистинската слика на Скопје

Има што да видат странските туристи кога ќе дојдат во Скопје

Тоа дека екологијата не ни е најјака страна одамна е позната работа. Но, дека мора многу повеќе да се внимава на животната средина знаат сите. Сепак, скопјани очигледно тешко ги примаат европските културни навики. Затоа, пак, многу брзо учат како да ги ескивираат законите за да можат да пијат алкохол откако ќе затворат кафеаните или да фрлаат ѓубре во кое било време од денот и на кое било место, околу контејнерите, по улица, на тротоар, во трева... 

Има што да видат странските туристи кога ќе дојдат во Скопје. Секако, ќе им се пофалиме со новите градби и многубројните споменици, ќе ги прошетаме низ центарот со отворениот двокатен автобус, но нема да ги „завртиме“ по помалите улици или низ Градскиот парк, оти таму ќе ја видат сета наша некултура. Впрочем, не мора да одат дури до населбите, зашто нашиот начин на живеење лесно се забележува и низ центарот на градот, каде што не се само графитите оние што ја прават груба генералната слика за Скопје. Преполнетите и искршени контејнери, растуреното ѓубре околу нив, расфрлена покуќнина сето тоа боде очи.

Можеби комуналните работници не чистат доволно, можеби се бавни или им недостасуваат метли? А можеби недостига работна рака? Не е ни важно, оти факт е дека Скопје е нечист град, а скопјани, барем според културата на живеење, се многу далеку од Европа. (С.Р.)

Не попушта жешкото време, но не попуштаат ниту скопјанки (ФОТОГАЛЕРИЈА)

Привршува изградбата на најелитната населба во Скопје (галерија)

Ексклузивниот станбен комплекс „Верина“ кој се простира на околу 30.000 метри квадратни атрактивна локација кај селото Орман, полека го добива финалниот изглед. Поголем дел од објектите прившуваат со градба, а интензивно се работи и на облагородување на нивното опкружување.