Освен што можете да добиете некоја полова болест, најновото американско истражување покажува како сексот сам по себе може да биде опасен по здравјето, па дури и смртоносен.

Наглиот почеток на физичките активности како џогирање доведува до зголемен ризик од срцев удар. Така и сексот кај луѓето кои не вежбаат редовно може да доведе до таа опасна болест.

Лекарите оддамна предупредуваат дека физичките напори можат да доведат до проблеми со срцето, а новата студија спроведена на Медицинскиот центар „Тафтс“ во Бостон, уште еднаш го потврди истото.

Тимот од експерти ги анализираше податоците од претходните 14 истражувања за да ја најде врската меѓу вежбањето и сексуалниот однос и срцевиот удар или за смртта поврзана со срцевите заболувања.

Научниците дојдоа до откритие дека луѓето за 3,5 пати се повеќе склони кон срцеви напади и смрт поради срцев удар додека вежбаат, додека за 2,7 пати се поголеми шансите да добијат срцев удар за време или непосредно по сексуалниот однос.

Ризикот е голем и трае еден час или два после физички и сексуални активности, вели др. Џесика Паулус, која додава дека на крајот сепак, редовнаат физичка активност го намалува ризикот од срцев удар и до 30 отсто.