Припадник на МВР претепа момче до смрт

Кој ги организира протестите кои повеќе од една недела треба да искажат револт за загинатото момче? Дали индивидуалниот револт или нешто сосема друго ги натера младите луѓе да излезат на улица, неколку дена без барања, а потоа со нелогични цели.

 Трагичната смрт никого не остави рамнодушен. Сите сочувствуваа со болката на семејството на момчето кое загина, но некој тоа го правеше за себе, а некој по наредба на друг.

Апелите од семејството на момчето, да не се политизира случајот и да им се овозможи на институциите да си ја вршат својата работа, не помогнаа.

-Смртта на Мартин не смее да се употреби за добивање на политички поени. Случајот не треба да се политизира и треба да оставиме институциите да си ја вршат својата работа, изјави братот на загинатото момче.

Во истражувањето за протестите, к*рир побара одговори од стручни лица од експертските кругови. Дел од нив не сакаа да коментираат за овој случај, но неколумина посочија дека не станува збор за спонтан собир, туку за целосно организирано сценарио и дека лицата кои го водат овој протест, се истите кои учествуваа на протестите за „Скопје 2014“, против црквата на плоштад.

Според  истражувањето на Сител, во прилогот „ Политичка позадина на протестите за убиството на Мартин“ , токму користење на какви било елементи кои може да иницираат незадоволство и нивно претварање во протести, беше главниот совет, што словенечките пи ар експерти му го дадоа на Црвенковски во Проектот надеж.

Политичките мотиви ги разоткрија организаторите кои деновиве се профилираа како неформалини лидери на протестите. Станува збор за луѓе блиски или дел од невладини организации, кои со години соработуваат со СОРОС и Владимир Милчин.

Според Сител, Петар Стојковиќ и Кирил Ефремовски, кои деновиве дадоа изјави како организатори на протестите, на своите профили преку кои криејќи се зад трагичниот настан удираат по Власта, по полицијата, по министерството и по неистомислениците, се момци блиски до првиот човек на Сорос.

А во име на оваа невладина, учествувале на повеќе протести, но и на тренинг обука во Белград за организација на протести. Протестите во организација на Сорос, по фактите за обуката во Белград, јасно кажува дека ваквите собири се прават со меѓународни пари за мешање во домашната политика, што секако е опасно за државата. Но не и за оние кои во име на опозициските структури се водат од единствена цел- да наштетат на Власта.

За поврзаноста Белград- Сорос за организација на протести, пишуваше и новинарката Мирка Велиновска во својата колумна за Нова Македонија.

Таа потенцираше дека А1 телевизија за време на предизборниот молк емитуваше дебата со директорот на Б92, Веран Матиќ, телевизија која во времето на Милошевиќ претставуваше симбол за отпор, а сега лажно се претставува како независен медиум, бидејќи е во сопственост на грчки газди и политички партнер на владејачката демократска партија. Попрецизно, Б92 е под целосна контрола на грчкиот капитал и на белградскиот градоначалник Драган Ѓилас (потпретседател на владејачката демократска странка), кого оваа телевизија го смета за свој духовен водач. Според Велиновска, Гилас е мајстор за пропаганда. Продавајќи ја, тој стекна огромно богатство и политичка моќ и претставува балканска варијанта на Сорос. Неговата екипа од некогашното граѓанско движење „Отпор“ денес се занимава со организација на,,спонтани“ граѓански револуции, преврати и безредија.

-Господинот Веран Матиќ, како угледен гостин, на своите домаќини Владе Милчин и компанија, во време на изборниот молк им приреди ретко задоволство што тие го плаќаат, за да слушнат она што сакаат, заклучи Велиновска со што јасно посочи дека меѓу овие движења и организации, специјализирани за буни и протести, постои очигледна поврзаност.

По вчерашниот прилог на Сител, Петар Стојковиќ се огради од обуките и од поврзаноста со Милчин и покрај јасно приложените фотографии. Според него, единствената поврзаност е тоа што Владимир Милчин е негов професор на факултетот за драмски уметности, што сепак јасно укажува под чие менторство деновиве делува.

Протестите секојдневно продолжуваат.

Толпата на граѓани побараа оставки, одговорност, моќ, а сето тоа непоткрепено со логична причина. Иако МВР го разреши случајот, а виновникот се наоѓа во притвор, протестантите бараат министерката и портпаролот на министерството да си поднесат оставка. И да сносат прво морална, а потоа и кривична одговорност.

МВР сепак излезе во пресрет на барањата на протестантите и ги исполни сите барања кои беа во нивна надлежност. Делот од барањата кои не се под ингеренции на министерството, ќе се препуштат до надлежните институции.

Во извештајот на МВР беше потенцирано дека дел од барањата на протестантите, се истото она што од нив го бараше СДСМ.

-Барањето на замена на СВКПС со „Независен систем на контрола“ е легитимно и впрочем беше дел од програмата на СДСМ. Не може да исклучиме дека опозицијата истото ќе го покрене во Собранието и мнозинството пратеници ќе се произнесат по него согласно мандатот кој им го имаат доверено граѓаните. За политички барања постојат соодветни процедури во демократски избраните институции, кои впрочем изминативе години во неколку наврати ги користеше СДСМ, стои во одговорот на МВР за барањата.

Македонскиот полициски синдикат ја осуди постапката на полицискиот службеник, но побара поединечните постапки да не ја генерализираат полицијата.

-Како репрезенти на полициската професија и еснаф, не можеме да ја разбереме, ниту оправдаме постапката и потребата еден настан, извршен од поединец, да се генерализира и злоупотребува за неоснован напад врз целокупниот полициски состав. Својот висок професионализам, посветеност во извршувањето на работните обврски и врвен патриотизам, македонските полицајци го докажаа во сите најтешки моменти на нашата татковина, од времето на нејзиното осамостојување, обидите за нејзина дестабилизација и деинтеграција, во борбата со криминалот и другите општоопасни дејствија, стои во соопштението на синдикатот.

Под мотото „Стоп за полициската бруталност“ овие млади луѓе повторно ќе излезат на протест. Ќе протестираат под диригентска палка на луѓе чија цел е политичка, не сфакајќи дела тој факт е најголемата бруталност во состојбата.