ФИФА СП (Мундијал)

Порт Елизабет, 26 јуни 2010 (МИА) – По првпат по 1976 година фудбалската репрезентација на Уругвај успеа да се пласира во четвртфиналето на Светските првенства.

Попладнево во Порт Елизабет во првиот осминафинален натпревар Уругвај ја совлада Јужна Кореја со 2:1.

Најзаслужен за влезот на Уругвај меѓу осумте најдобри селекции на Мундијалот во Јужна Африка беше двојниот стрелец Луис Суарез во 8-та и 80-тата, а израмнувачкиот гол за Јужнокорејците во 67-та минута беше Ли Чунг-Јонг.

Првиот дел помина во мирна игра со неколку обиди за загрозување на противничките голмани. Парк кај Јужна Кореја беше најактивен и се обидуваше да направи нешто повеќе, но се остана само на неколку удари од далечина. Раното водство за Уругвајците кое дојде по големата грешка на Јужнокорејскиот голман како да ги задоволи нивните желби за гол и тие со внимателна игра го приведоа првото полувреме кон крајот. Второто полувреме донесе малку подинамична игра од двете страни, а Јужна Кореја ја превзема иницијативата. По изедначувањето имаше и шанса за водство, а и после примениот гол на три минути пред крајот пропушти можност да се избори за продолженија.

Вечерва во вториот осминафинален дуел во Рустенбург од 20 часот и 30 минути играат САД и Гана. Победникот од овој натпревар ќе му биде противник на Уругвај во борбата за влез меѓу четирите најдобри репрезентации.